Сутана

Сута́на (фр.: soutane ад італ.: sottana — спадніца, раса) — доўгае адзенне з вузкімі доўгімі рукавамі рымска-каталіцкага, англіканскага і кальвінісцкага духавенства. Выкарыстоўваецца ў прыватным жыцці і пад убраннем для набажэнстваў у храме.

Англіканскі клірык у сутане.

Сутана зашпільваецца на шэраг гузікаў і мае стаячы каўнер. У залежнасці ад рангу асобы мае розны колер:

• каляровыя (чорныя, зялёныя, фіялетавыя, чырвоныя) — у міністрантаў;
• чорная — у ксяндзоў;
• чорная, абшытая фіялетавымі ніткамі — у канонікаў, прэлатаў, біскупаў;
• фіялетавая — у біскупаў;
• пурпуровая — у кардыналаў;
• белая — Папы Рымскага.

Кожны манаскі ордэн мае сваю форму і колер сутаны — габіта — расы, узгоднены з блаславенства Папы.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 291. — 552 с. — 10 000 экз. — ISBN 985-11-0251-2 (Т. 15).
• Завальнюк У.М. Энцыклапедычны слоўнік рэлігійнай лексікі беларускай мовы / У. М. Завальнюк, М. Р. Прыгодзіч, В. К. Раманцэвіч. — Мінск, Изд-во Гревцова, 2013. — 808 с. ISBN 978-985-6954-73-6.

Спасылкі

• Сутана(недаступная спасылка) // Власов В. Г. Новый энциклопедический словарь изобразительного искусства: В 10 т. — Спб.: Азбука-классика, 2004—2009. (руск.)
• Сутана // Энцыклапедыя Кругасвет (руск.)