Сымон Фаміч Куніцкі

Сымон Фаміч Куніцкі (19 лістапада 1902, Гарані, Мінскі раён, Мінская вобласць — 14 кастрычніка 1940) — беларускі крытык, літаратуразнавец.

Сымон Фаміч Куніцкі
Асабістыя звесткі
Дата нараджэння	19 лістапада 1902(1902-11-19)
Месца нараджэння	Гарані, Мінскі павет, Мінская губерня, Расійская імперыя
Дата смерці	14 кастрычніка 1940(1940-10-14) (37 гадоў)
Месца смерці	Калыма, Магаданская вобласць, РСФСР, СССР
Грамадзянства	БССР
Альма-матар	рабочы факультэт БДУ[d] літаратурна-лінгвістычнае аддзяленне педагагічнага факультэта БДУ[d] (1931)
Месца працы	Інстытут літаратуразнаўства НАНБ
Прафесійная дзейнасць
Род дзейнасці	літаратурны крытык, літаратуразнавец
Грамадская дзейнасць
Член у	Беларуская асацыяцыя пралетарскіх пісьменнікаў
Творы ў Вікікрыніцах
Медыяфайлы на Вікісховішчы

Біяграфія

Нарадзіўся ў сялянскай сям’і.

Вучыўся ў вясковай школе, на рабфаку ў Менску.

За чыткай рамана «Вясьнянка» ў кабінеце рэдакцыі газеты «Чырвоная Зьмена». Злева направа: Мікола Нікановіч, Сымон Куніцкі, Пятрусь Броўка (?), Уладзіслаў Галубок

У 1931 годзе скончыў літаратурна-лінгвістычнае аддзяленне Беларускага дзяржаўнага ўніверсітэта.

У 1931—1936 гадах працаваў вучоным сакратаром Інстытута мовы, літаратуры і мастацтва АН БССР. Быў сябрам БелАПП.

26 лістапада 1936 года арыштаваны, асуджаны на 10 год зняволення. Рэабілітаваны 18 снежня 1954 года.

Памёр, верагодна, на Калыме 14 кастрычніка 1940 года.

Творчасць

У друку выступіў упершыню з апавяданнямі ў 1928 годзе (газета «Чырвоная змена»).

З 1929 года пачаў выступаць як крытык. У калектыўных зборніках, у часопісах «Маладняк», «Полымя рэвалюцыі» і іншых перыядычных выданнях змяшчаў рэцэнзіі, нарысы і літаратурна-крытычныя артыкулы пра творчасць Я. Купалы, Я. Коласа, А. Александровіча, С. Баранавых, В. Каваля, М. Лынькова, Б. Мікуліча, Я. Скрыгана, Х. Шынклера і інш.

Літаратура

• Куніцкі Сымон Фаміч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
• І. Э. Багдановіч. Куніцкі Сымон // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1994. — Т. 3. Івашын — Кучар. — С. 487-488. — 585 с.; іл.. — ISBN 5-85700-123-4.