Сямён Ісакавіч Чубукоў

Сямён Ісакавіч Чубукоў (1 студзеня 1907, в. Кузьмінічы, Магілёўская вобласць — 29 чэрвеня 1983, Таганрог) — удзельнік Вялікай Айчыннай вайны, камандзір 262-га танкавага батальёна (70-я танкавая брыгада, 5-ы танкавы корпус, Заходні фронт), маёр. Герой Савецкага Саюза.

Сямён Ісакавіч Чубукоў
Дата нараджэння	4 студзеня 1907(1907-01-04)
Месца нараджэння	Кузьмінічы, Быхаўскі павет, Магілёўская губерня, Расійская імперыя
Дата смерці	29 чэрвеня 1983(1983-06-29) (76 гадоў)
Месца смерці	Таганрог, Растоўская вобласць, РСФСР, СССР
Месца пахавання	Таганрог
Грамадзянства	СССР
Прыналежнасць	СССР
Гады службы	1929—1954
Званне	маёр, Маёр
Бітвы/войны	Вялікая Айчынная вайна
Узнагароды і званні
У адстаўцы	падпалкоўнік, Падпалкоўнік

Біяграфія

Нарадзіўся 7 студзеня 1907 года ў вёсцы Кузьмінічы Расійскай імперыі, цяпер Чавускага раёна Магілёўскай вобласці Беларусі, у сям’і селяніна. Беларус.

У пачатку 1920-х гадоў разам з бацькамі пераехаў у вёску Бярозаўка Вяліка-Улуйскай воласці Ачынскага павета. Скончыў сярэднюю школу. Працаваў брыгадзірам у камуне Ачынскага раёна Краснаярскага краю.

У Чырвонай Арміі з 1929 года. Член ВКП(б)/КПСС з 1931 года. У 1939 годзе скончыў курсы малодшых лейтэнантаў, у 1940 — курсы «Стрэл».

На франтах Вялікай Айчыннай вайны з мая 1942 года. Камандзір 262-га танкавага батальёна маёр Сямён Чубукоў вызначыўся ў Курскай бітве. 12 ліпеня 1943 года яго батальён першым фарсіраваў раку Выцебець і, умела ўзаемадзейнічаючы са стралковымі падраздзяленнямі, вызваліў раённы цэнтр сяло Ульянава, вёску Крапіўна і іншыя населеныя пункты Калужскай вобласці. Быў паранены, але не пакінуў поля бою.

У 1944 годзе скончыў Курсы ўдасканалення афіцэрскага складу, у 1948 — Вышэйшую афіцэрскую школу бранятанкавых і механізаваных войскаў. З 1954 года падпалкоўнік Чубукоў — у запасе.

З 1959 па 1974 год працаваў газааператарам на Таганрогскім металургічным заводзе.

Жыў і працаваў у Таганрогу.

Памёр 29 чэрвеня 1983 года, пахаваны ў Таганрозе.

Узнагароды

• Указам Прэзідыума Вярхоўнага Савета СССР ад 10 сакавіка 1944 года маёру Чубукову Сямёну Ісакавічу было прысвоена званне Героя Савецкага Саюза з уручэннем ордэна Леніна і медалі «Залатая Зорка».
• Узнагароджаны ордэнам Леніна, двума ордэнамі Чырвонага Сцяга, ордэнам Айчыннай вайны 2 ступені, двума ордэнамі Чырвонай Зоркі, а таксама медалямі.

Літаратура

• Чубукоў Сямён Ісакавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 283.

Спасылкі

Сямён Ісакавіч Чубукоў на сайце «Героі краіны»

• Чубуков Сямён Ісакавіч.
• Чубуков Сямён Ісакавіч (1907—1983) Архівавана 28 лютага 2017..
• Наша Перамога.(недаступная спасылка) Чубуков Сямён Ісакавіч(недаступная спасылка).
• Героі Савецкага Саюза, якія пражывалі на Доне пасля Вялікай Айчыннай вайны Архівавана 4 сакавіка 2014..