Тамаш Францавіч Домбаль

Тамаш Францавіч Домбаль, (29 снежня 1890, в. Собаў Тарнабжэгскага павета, Галіцыя, Аўстра-Венгрыя, цяпер Падкарпацкае ваяводства, Польшча — 4 снежня 1938, Мінск, НКУС; Псеўданімы: Т. Ордан) — эканаміст, публіцыст, дзеяч міжнароднага сялянскага руху. Прафесар (1932), акадэмік БелАН (1933), доктар эканамічных навук (1934). Аўтар прац пра міжнародны сялянскі рух, эканоміку Беларусі.

Тамаш Францавіч Домбаль
Дата нараджэння	29 снежня 1890(1890-12-29) ці 1890
Месца нараджэння	Sobów, Tarnobrzeg[d], Тарнобжаг, Падкарпацкае ваяводства, Польшча
Дата смерці	21 жніўня 1937(1937-08-21) ці 1938
Месца смерці	Лефортаўская турма, Масква, СССР
Месца пахавання	Данскія могілкі[d]
Грамадзянства	Польшча
Род дзейнасці	палітык, эканаміст
Навуковая сфера	political activity[d] і эканоміка
Навуковая ступень	доктар эканамічных навук
Альма-матар	Венскі ўніверсітэт Ягелонскі ўніверсітэт
Партыя	Radical Peasant Party[d] Камуністычная партыя Беларусі Камуністычная партыя Польшчы
Медыяфайлы на Вікісховішчы

Т. Домбаль у Кіеве (у аўто — першы ад гледача), 1925 год.

Біяграфія

У 1909—1914 гадах вучыўся ў Венскім і Кракаўскім універсітэтах. У 1919 годзе дэпутат польскага сейма, быў адным з ініцыятараў стварэння ў ім камуністычнай фракцыі ў ліпені 1921 года. Арыштаваны ў снежні 1921 года; асуджаны на 6 гадоў зняволення. У выніку абмену палітвязнямі, з 1923 года ў СССР. Ініцыятар склікання ў 1923 годзе І Міжнароднай сялянскай канферэнцыі ў Маскве; намеснік генеральнага сакратара Выканкама Сялянскага Інтэрнацыянала. У 1926 годзе заснаваў навукова-даследчы Міжнародны аграрны інстытут. Скончыў Маскоўскую сельскагаспадарчую акадэмію (1927), Інстытут чырвонай прафесуры (1932). У 1932—1935 гадах віцэ-прэзідэнт БелАН, дырэктар Інстытута эканомікі БелАН. Арыштаваны 29.12.1936 года. Асуджаны Ваеннай калегіяй Вярхоўнага суда СССР на расстрэл. Рэабілітаваны 21.12.1956 года.

Асноўныя працы

• Задачи и достижения Крестинтерна. М.: Новая деревня, 1925.
• Кароткі нарыс развіцця народнай гаспадаркі БССР // Усе раёны БССР. Мн.: ІЭ БАН, 1933.
• Праграма комплекснага эканамічнага вывучэння раёнаў БССР. Мн.: ИЭ БАН, 1933.
• Праблема «Вялікага Дняпра» // Запіскі Беларускай Акадэміі навук. 1934. Кн. 2.

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

Спасылкі

• Акадэмік Домбаль Томаш Францавіч
• Тамаш Францавіч Домбаль у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)