Уладзімір Паўлавіч Пушкін

Уладзімір Паўлавіч Пу́шкін (нар. 16 сакавіка 1936, г. Горкі) — беларускі архітэктар.

Уладзімір Паўлавіч Пушкін
Дата нараджэння	16 сакавіка 1936(1936-03-16) (88 гадоў)
Месца нараджэння	Горкі, Горацкі раён, БССР, СССР
Альма-матар	БПІ (1960)
Месца працы	Магілёўская абласная праектная кантора «Аблпраект» Белдзяржпраект Мінскпраект
Член у	Саюз архітэктараў СССР Беларускі саюз архітэктараў
Узнагароды

Біяграфія

Скончыў у 1960 годзе Беларускі політэхнічны інстытут. У 1960—1963 галоўны архітэктар праектаў у Магілёўскім аблпраекце, у 1963—1985 у інстытуце «Белдзяржпраект» (старшы архітэктар, кіраўнік групы, галоўны архітэктар праектаў), з 1985 года кіраўнік архітэктурнай майстэрні ў інстытуце «Мінскпраект».

Член Саюза архітэктараў СССР з 1967 года. Пражывае ў Мінску.

Творчасць

Будынак інстытутаў Белдзіпрадар і Дзіпрасувязь

Асноўныя работы: распрацоўка серый 5- і 9-павярховых буйнапанэльных жылых дамоў 1-464А, 1-464Д для Салігорска і Наваполацка; БР 464А для Брэста, 152 буйнапанэльных 9-павярховых жылых дамоў і блок-секцый для Гомеля (1975—1979), серыі БО^{[удакладніць]} для Бабруйска (1976—1979); серыя 90 буйнапанэльных жылых дамоў і блок-секцыя для Брэста, Гродна і іншых гарадоў БССР (1975—1980, у сааўтарстве; сярэбраны медаль ВДНГ СССР, 1983); Каталога ўніфікаваных тыпавых канструкцый і базіснай наменклатуры. Распрацаваў універмаг па вул. Першамайскай у Магілёве (1963); комплекс будынкаў праектных інстытутаў «Белдзіпрадор» і «Дзіпрасувязь» па вул. Сурганава (1973—1976), 16-павярховыя жылыя дамы па вул. В. Харужай (1974—1979), праекты 20-павярховых жылых дамоў з маналітнага бетону ў мікрараёне Вяснянка (1988, у сааўтарстве) у Мінску, 14-павярховыя буйнапанэльныя жылыя дамы па вул. Маскоўскай у Брэсце (1982). і інш.

Узнагароды

Сярэбраны медаль выстаўкі дасягненняў народнай гаспадаркі СССР (ВДНГ СССР).

Літаратура

• Пушкін Уладзімір Паўлавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Пушкин Владимир Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)