Юрый Паўлавіч Герасіменка-Жызнеўскі
Юрый (Юрась) Паўлавіч Герасіменка-Жызнеўскі (9 лістапада 1948, мястэчка Даўгінава, Вілейскі раён — люты 15 лютага 1997) — беларускі графік. Працаваў у кніжнай, станковай і абстрактнай графіцы, у жанры партрэта. Член Беларускага саюза мастакоў з 1981 года[1].
| Юрый Герасіменка-Жызнеўскі | |
|---|---|
| Дата нараджэння | 9 лістапада 1948 |
| Месца нараджэння | |
| Дата смерці | 15 лютага 1997 (48 гадоў) |
| Месца смерці | |
| Месца пахавання | |
| Грамадзянства | СССР, Беларусь |
| Род дзейнасці | мастак |
| Месца працы | |
| Жанр | мастак, графіка |
| Вучоба | |
| Уплыў | Васіль Пятровіч Шаранговіч |
Біяграфія правіць
Бацька Павел Герасіменка быў мастаком-самавучкам. Сям'я пераязджае жыць у Маладзечна. Потым мастак паступае ў Беларускі дзяржаўны тэатральна-мастацкі інстытут. Вучыцца на графічным аддзяленні Шаранговіча[2].
У 1972 годзе Юрый Герасіменка выконвае «Партрэт Я. Коласа», які прызнаны лепшым партрэтам паэта. У 1977 годзе Ю. Герасіменка абараняе дыплом мастака-графіка. Мастак ілюструе кнігі Быкава, Зуёнка. За ілюстраванне кнігі апошняга ў 1980 годзе ўзнагароджаны дыпломам 1 ступені Рэспубліканскага конкурсу кнігі[2].
У 1982 годзе за ілюстрацыі да кнігі Коласа ўзнагароджаны дыпломам Ф. Скарыны і дыпломам 2 ступені на Усесаюзным конкурсе кнігі[2].
Аўтар першага герба Маладзечна (1988, Папараць-кветка)[3].
Ад 1995 года выкладаў у Маладзечанскім музычным вучылішчы імя М.К.Агінскага. Быў ініцыятарам стварэння ў музвучэльні аддзялення дэкаратыўна-прыкладнога мастацтва. Памёр у 1997 годзе. Пахаваны ў Даўгінаве[2].
Дыпламант рэспубліканскіх і ўсесаюзных конкурсаў кнігі.
Са спадчыны мастака правіць
Працы Юрася Герасіменкі знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, іншых музеях краіны, у прыватных калекцыях ЗША, Францыі, Германіі, Польшчы[2].
Ілюстрацыі да кніг правіць
- «Маўчанне травы», Васіль Зуёнак, (1980)
- «Выбранае», Якуб Колас, (1981)
- «Казкі і краскі», Васіль Вітка, (1983)
- «Знак Бяды», Васіль Быкаў (1984)
- «Беларускі каляндар» на 1992 г.
Партрэты правіць
- Якуба Коласа, (1972)
- Аўтапартрэт, (1978)
- «Ніна», (1979)
- «Марыся», (1980)
Станковыя работы правіць
- «Поры года», серыя, паводле паэмы Якуба Коласа «Новая зямля» (1977)
- «Мае сябры», серыя, (1979)
- «Здані», серыя, (1980)
- «Кампазіцыя», (1991)
Зноскі
- ↑ Памяць. Вілейскі раён. // Герасіменка-Жызнеўскі Юрый Паўлавіч. — Мн.: БелТА., 2003. — С. 579. — 704 с. — (Гісторыка-дакументальныя хронікі гарадоў і раёнаў Беларусі.). — 3 000 экз. — ISBN 985-6302-56-0.
- ↑ а б в г д [1] Архівавана 5 сакавіка 2016.. Герасіменка-Жызнеўскі Юрый // «Рэгіянальная газета»
- ↑ [2] Архівавана 11 красавіка 2013.. З гісторыі герба Маладзечна // «Рэгіянальная газета»
Спасылкі правіць
- Герасіменка-Жызнеўскі Юрый Архівавана 5 сакавіка 2016.
- Неамагнетызм дзядоўніка
- Знак бяды. Рэгіянальная газета, 21 лютага 1998, №8 (96).