Іван Данілавіч Юркевіч

Іван Данілавіч Юркевіч
Іван Данілавіч Юркевіч
Дата нараджэння	22 чэрвеня (5 ліпеня) 1902
Месца нараджэння	Сяргеевічы, Цітвянская воласць, Ігуменскі павет, Мінская губерня, Расійская імперыя;
Дата смерці	21 верасня 1991 (89 гадоў)
Грамадзянства	СССР; Беларусь; Расійская імперыя;
Род дзейнасці	батанік, геабатанік, лесавод, forestry engineer
Навуковая сфера	геабатаніка, феналогія[d], лесаводства і батаніка
Месца працы	Інстытут эксперыментальнай батанікі імя В. Ф. Купрэвіча НАН Беларусі;
Навуковая ступень	доктар сельскагаспадарчых навук
Навуковае званне	акадэмік АН БССР, прафесар
Альма-матар	Мар’інагорскі сельскагаспадарчы тэхнікум (1924); Беларуская дзяржаўная сельскагаспадарчая акадэмія (1930);
Вядомыя вучні	Віктар Сцяпанавіч Гельтман, Віктар Іванавіч Парфёнаў, Уладзімір Сцяпанавіч Адзярыха і Дзмітрый Сцяпанавіч Голад
Член у	Беларускае батанічнае таварыства;
Прэміі
Узнагароды	;
	Медыяфайлы на Вікісховішчы

Іван Данілавіч Юркевіч (нар. 22 чэрвеня 1902, в. Сяргеевічы, Пухавіцкі раён, Мінская вобласць — 21 верасня 1991) — беларускі вучоны-геабатанік, фенолаг, лесавод. Акадэмік Нацыянальнай акадэміі навук Беларусі (1956; член-карэспандэнт з 1953), доктар сельскагаспадарчых навук (1948), прафесар (1949). Заслужаны дзеяч навукі БССР (1968)^[2].

Біяграфія

Скончыў Беларускую сельскагаспадарчую акадэмію (1930)^[2]. З 1930 г. выкладчык, асістэнт, дацэнт Беларускага лесатэхнічнага інстытута^[2], адначасова з 1932 г. старшы навуковы супрацоўнік, загадчык сектара, намеснік дырэктара, загадчык кафедры Беларускага НДІ лясной гаспадаркі. З 1953 г. загадчык лабараторыі і дырэктар Інстытута лесу АН БССР, з 1956 г. загадчык лабараторыі Інстытута біялогіі АН БССР^[2], з 1963 г. дырэктар, з 1967 г. загадчык лабараторыі Інстытута эксперыментальнай батанікі імя В. Ф. Купрэвіча АН БССР^[2].

Прэзідэнт Беларускага рэспубліканскага батанічнага таварыства з 1956 года^[2].

Навуковая дзейнасць

Работы па пытаннях лясной, лугавой і балотнай расліннасці, феналогіі, плоданашэння, унутрывідавых формаў драўняных раслін^[2]. Распрацаваў геабатанічнае раянаванне Беларусі, даў класіфікацыю тыпаў лясоў, правёў даследаванні па ацэнцы стану і аднаўленні сусветна вядомых беларускіх дуброў^[2]. Вывучаў структуру расліннага покрыва, заканамернасці яго размяшчэння на тэрыторыі Беларусі і ахове каштоўнага мясцовага генафонду расліннага покрыва. Сумесна з вучнямі абагульніў найважнейшыя вынікі даследаванняў асноўных фармацый лясоў, распрацаваў прынцыпы і рэгіянальную методыку картаграфавання расліннасці і на гэтай аснове стварыў серыю геабатанічных карт рэспублікі і асобных рэгіёнаў^[2].

Бібліяграфія

Библиография научных трудов академика АН БССР И. Д. Юркевича. — Мн., 1977.
Леса Белорусского Полесья. — Мн., 1977. (разам з М. Ф. Лоўчым і В. С. Гельтманам)
Сосновые леса Белоруссии. — Мн., 1984. (разам з М. Ф. Лоўчым)

Узнагароды

Дзяржаўная прэмія СССР 1951 года і Дзяржаўная прэмія БССР 1972 года^[2].

Гл. таксама

Лідзія Іванаўна Навічыхіна (Юркевіч) — пляменніца Івана Юркевіча

Зноскі

↑ Czech National Authority Database Праверана 9 верасня 2024.
<a href="https://wikidata.org/wiki/Track:Q13550863"></a>
↑ ^а ^б ^в ^г ^д ^е ^ё ^ж ^з ^і Юркевич Иван Данилович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 712. — 737 с.

Літаратура

Типы лесов Белорусской ССР. Мн.: Гос. изд-во БССР, 1948.
Дубравы Белорусской ССР и их восстановление. 2-е изд. Мн.: Изд-во АН БССР, 1960.

Спасылкі

Іван Данілавіч Юркевіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)

[_03d569560f6c8b4c-1] Czech National Authority Database Праверана 9 верасня 2024.
<a href="https://wikidata.org/wiki/Track:Q13550863"></a>

[БС-2] а ^б ^в ^г ^д ^е ^ё ^ж ^з ^і Юркевич Иван Данилович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 712. — 737 с.

[2]

[1]