Альманскія балоты (заказнік)
Альма́нскія балоты — ландшафтны заказнік рэспубліканскага значэння ў Столінскім раёне Брэсцкай вобласці. Заснаваны ў 1998 годзе для захавання унікальных ландшафтаў Прыпяцкага Палесся з комплексам рэдкіх і знікаючых відаў жывёл і раслін.
| Альманскія балоты | |
|---|---|
|
Катэгорыя МСАП — IV (Тэрыторыя кіравання відамі ці месцапражываннямі) |
|
| Размяшчэнне | Беларусь, Столінскі раён, Брэсцкая вобласць |
| Плошча | 94 219 га |
| Дата заснавання | 1998 |
  Альманскія балоты |
|
 Альманскія балоты |
|
Плошча заказніка складае 94 219 га, уключае поймы р. Сцвіга, Льва і найбольш буйны ў Еўропе суцэльны балотны комплекс (балоты Чырвонае і Гала). Комплексы Палескай правінцыі алювіяльных тэрасаваных, балотных і другасна-ледавіковых ландшафтаў. Глебы тарфяна-балотныя, дзярнова-падзолістыя глеяватыя і інш.
Пад лесам 49,8 % тэрыторыі. У флоры 687 відаў сасудзістых раслін, у т.л. 12 у Чырвонай кнізе: сон лугавы, гарлачык белы, касач сібірскі, шалфей лугавы, сальвінія плывучая, лілея кучаравая і інш. У фаўне 225 відаў насякомых, 12 ў Чырвонай кнізе; 192 віды наземных пазваночных жывёл, у т.л. 31 — у Чырвонай кнізе: рысь, барсук, соня арэшнікавая, няясыць барадатая, вялікі бугай, бусел чорны, змеяед, арлан-белахвост, зімародак звычайны, дзяцел зялёны, чарапаха балотная, мядзянка і інш.
Літаратура правіць
- Альманскія балоты // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).