Андрэй Канстанцінавіч Снітка

беларускі археолаг, этнограф, краязнавец

Андрэ́й Канстанці́навіч Сні́тка (1866, Вільня — 13 сакавіка 1920) — беларускі археолаг, этнограф, краязнавец.

Андрэй Канстанцінавіч Снітка
Дата нараджэння 1866
Месца нараджэння
Дата смерці 13 сакавіка 1920(1920-03-13)
Дзеці Вера Андрэеўна Снітка[d]
Род дзейнасці археолаг, этнограф, краязнавец
Альма-матар

БіяграфіяПравіць

Нарадзіўся ў 1866 годзе ў Вільні ў заможнай сям’і.

У 1888 годзе скончыў Рыжскі політэхнічны інстытут.

З 1908 года — сакратар, з 1909 года — старшыня Мінскага царкоўнага гістарычна-археалагічнага камітэта, прымаў удзел у арганізацыі і ўзначальваў Мінскі царкоўна-археалагічны музей. Пад рэдакцыяй А. К. Сніткі выйшаў каталог найбольш каштоўных калекцый музея — старадрукаў і рукапісаў.

Падчас Першай сусветнай вайны выехаў з сям’ёй ва Украіну. З 1915 года выкладаў у гімназіі ў Чарнігаўскай губерні[1].

Памёр 13 сакавіка 1920 года.

Навуковая дзейнасцьПравіць

Вёў раскопкі ў Мінскім, Барысаўскім і Ігуменскім паветах, у Мінску, Тураве, Слуцку.

Удзельнічаў у выданні «Мінскай даўніны», у адным з выпускаў якога апісаў даследаванні ў Тураве і дакументы Слуцкага Свята-Траецкага (Трайчанскага) манастыра, у тым ліку Слуцкае Евангелле.

Выканаў апісанне Мінска XVII стагоддзі, склаў радавод слуцкіх князёў Алелькавічаў.

У «Мінскай даўніне» і ў зборы матэрыялаў для музея з А. Сніткам супрацоўнічалі А. Паноў, Л. Савелаў, Ісак Сербаў, Д. Скрынчанка, У. Сразнеўскі і інш.

Сям’яПравіць

  • Сын — Усевалад Андрэевіч Снітка, студэнт Пецярбургскага політэхнічнага інстытута, добраахвотнік у гусарскім палку, загінуў 15 чэрвеня 1915 года каля Любачава пад Львовам[2].
  • Дачка — Вера Андрэеўна Снітка (1901—1998), першая жонка Браніслава Тарашкевіча[2].
  • Сын — Андрэй Андрэевіч Снітка, студэнт Пецярбургскага інстытута шляхоў зносін[2].

Зноскі

БібліяграфіяПравіць

  • Описание рукописей и старопечатных книг в Слуцком (Минской губ.) Тройчанском монастыре / А. К. Снитко. — Санкт-Петербург : Типография Императорской Академии наук, 1911. — 22 с.
  • Описание рукописного отдела и старопечатных книг библиотеки Минского церковного историко-археологического комитета / Сост. А.Снитко. Вып. 1. — 75 с.
  • Минская старина: Кніга Беларусі (1517―1917). Вып. 4 : (Тройчанский архив) / [предисловие А. Снитко]. — Губернская типография, 1913. — 38 с.

ЛітаратураПравіць

СпасылкіПравіць