Анатоль Станіслававіч Сербантовіч

Анатоль Станіслававіч Сербантовіч (13 мая 1941, в. Ордаць, Шклоўскі раён, Магілёўская вобласць — 21 сакавіка 1970) — беларускі паэт.

Анатоль Станіслававіч Сербантовіч
Асабістыя звесткі
Дата нараджэння	13 мая 1941(1941-05-13)
Месца нараджэння	Ордаць, Гарадзішчанскі сельсавет, Шклоўскі раён, Магілёўская вобласць, БССР, СССР
Дата смерці	21 сакавіка 1970(1970-03-21) (28 гадоў)
Пахаванне	Усходнія могілкі
Альма-матар	БДУ
Месца працы	Бярозка Раніца
Прафесійная дзейнасць
Род дзейнасці	паэт
Мова твораў	беларуская

Біяграфія

Нарадзіўся ў сям'і настаўніка. Экстэрнам здаў экзамены за дзесяць класаў у Роска-Сялецкай сярэдняй школе (1960), паступіў на аддзяленне журналістыкі БДУ. Адначасна з вучобай (з 1963) і пасля сканчэння ўніверсітэта (1965) працаваў літсупрацоўнікам часопіса «Бярозка», з 1969 г. — газеты «Піянер Беларусі». Член СП БССР (з 1967).

Творчасць

Дэбютаваў у друку вершамі ў 1959 г. (газета «Магілёўская праўда»). Аўтар зборнікаў паэзіі «Азбука» (1966), «Міннае поле» (1968), «Пярсцёнак» (1971), «Жаваранак у зеніце» (1989).

Рэцэнзіі

• Бярозкін Р. На розных узроўнях // Беларусь. − 1966. — № 12.
• Вярцінскі А. «Не думай, што дзеля славы…» // Полымя. − 1973. — № 1.
• Давідоўская А. Азбука жыцця // Маладосць. − 1966. — № 11.
• Ефимов Ф. Реальность и воображение // Дружба народов. − 1969. — № 10.

Літаратура

• Беларускія пісьменнікі : біябібліяграфічны слоўнік. У 6 т. Т. 5. — Мн., 1995.
• Беларуская энцыклапедыя. У 18 т. Т. 14. — Мн., 2002.
• Пісьменнікі Савецкай Беларусі: кароткі даведнік. — Мн., 1981.
• Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X — С. 492.
• Энцыклапедыя літаратуры і мастацтва Беларусі. У 5 т. Т. 4. — Мн., 1987.