Букчанскі заказнік

Заказнік «Букчанскі»
Заказнік «Букчанскі»
Размяшчэнне	Беларусь, Гомельская вобласць, Лельчыцкі раён, Букчанскае лясніцтва
Найбліжэйшы горад	Лельчыцы
Плошча	4 990,31 га;
Дата заснавання	16 жніўня 1979
Кіруючая арганізацыя	Мілашэвіцкі лясгас
; Заказнік «Букчанскі»
; Заказнік «Букчанскі»

Заказнік створаны 16 жніўня 1979 года^[3] на Тапілаўскім балоце ў вадазборы ракі Сцвіга^[4] як заказнік-журавіннік^[5]. Статус рэспубліканскага набыў 27 снежня 2007 года^[3]^[6].

Плошча тэрыторыі заказніка складае 4990,31 гектараў^[3]. Яго паверхня — градава-балотны комплекс. Рэльеф водна-ледавіковы і градава-ўзгорысты. Сустракаюцца мінеральныя астравы вышынёй да 30 метраў^[3]. У цэнтральнай частцы заказніка лес не расце. На ўскраінах растуць бярозавыя, хваёвыя, чорнаальховыя, зрэдку дубовыя і асінавыя лясы. На ўчастках з мінеральнымі глебамі растуць чарніцы, месцамі лішайнікавыя, бруснічныя, верасовыя тыпы лесу. У склад расліннага свету ўваходзяць два рэдкія віды раслін: журавіны дробнаплодныя (Vaccinium microcarpum) (рэліктавы від) і сітнік цыбульны (Juncus bulbosus)^[3]. У Чырвоную кнігу занесена 5 відаў птушак: чорны бусел, шэры журавель і іншыя^[3].

Зноскі

↑ Заказник «Букчанский» Праверана 27 мая 2024.
↑ БелЭн 1996.
↑ ^а ^б ^в ^г ^д ^е Заказник «Букчанский» (руск.)
↑ БелЭн 2002.
↑ ЭПБ 1986.
↑ Постановление Совета Министров Республики Беларусь 27 декабря 2007 г. № 1833 О республиканских заказниках (руск.)

Вынаеў Г. У. Букча́нскі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 326. — 10 000 экз. — ISBN 985-11-0035-8. — ISBN 985-11-0068-4 (т. 3).
Букча́нскі заказнік-журавіннік // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 355. — 575 с., іл. — 10 000 экз.
Тапі́лаўскае бало́та // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 430. — 10 000 экз. — ISBN 985-11-0035-8. — ISBN 985-11-0251-2 (т. 15).
Тапі́лаўскае бало́та // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 80. — 583 с., іл. — 10 000 экз.