Ваграм Камеравіч Папазян

Ваграм Камеравіч Папазян
Ваграм Камеравіч Папазян
	арм.: Վահրամ Փափազյան
Дата нараджэння	18 (30) студзеня 1888
Месца нараджэння	Канстанцінопаль, Еўропа, Рымская імперыя;
Дата смерці	5 чэрвеня 1968 (80 гадоў)
Месца смерці	Ленінград, РСФСР, СССР;
Месца пахавання	Q42794485?; Пантэон імя Камітаса[d];
Грамадзянства	СССР; Асманская імперыя; Турцыя;
Адукацыя	Esayan Armenian School[d]; Private Armenian School of Pangaltı[d];
Прафесія	акцёр, пісьменнік, празаік, тэатральны акцёр, тэатральны рэжысёр, рэжысёр
Узнагароды	; Народны артыст Грузінскай ССР[d]
IMDb	ID 0660380
	Медыяфайлы на Вікісховішчы

Вагра́м (Варфаламей) Каме́равіч (Гамэравіч, Паміравіч) Папазя́н (арм.: Վահրամ Փափազյան; 1888—1968) — армянскі савецкі акцёр тэатра і кіно, тэатральны рэжысёр. Народны артыст СССР (1956).

Біяграфія правіць

Вучыўся ў Італіі, спачатку ў Венецыі (1905-1907), потым у Міланскай акадэміі майстэрстваў (1908-1911), дзе браў удзел у спектаклях труп Э. Дузе, Э. Навелі, Э. Цаконі, Дж. Гроса (у Італіі і за яе межамі). Дасканаліўся ў Парыжы.

У 1907-1922 гадах (з перапынкамі) працаваў у армянскіх трупах Канстанцінопаля. Гастраляваў па гарадах Балгарыі, Албаніі, Македоніі, Фракіі. У 1913-1915 гадах выступаў у Баку і Тыфлісе.

У 1922 года з групай акцёраў (Р. Нерсесян, М. Джанан др.) пераехаў у СССР.

У 1922-1954 гадах іграў і ставіў спектаклі ў армянскіх і рускіх трупах Закаўказзя (Ерэван, Тбілісі, Баку), РСФСР (Ленінград, Масква) і Украіны (Адэса).

У 1922-1923 гадах — акцёр і рэжысёр 1-га Дзяржаўнага тэатра Арменіі (цяпер Армянскі тэатр імя Сундукяна) (Ерэван).

У 1926 годзе паставіў драму «Маскарад» М. Ю. Лермантава ў Тыфліскім армянскім тэатры, дзе меў ролю Арбеніна. Лічачы стары пераклад несцэнічным, сам пераклаў драму на армянскую мову^[1].

У 1932-1954 гадах жыў у Ленінградзе, нават у перыяд блакады падчас вайны заставаўся ў горадзе. У 1941—1944 гадах — акцёр ленінградскіх тэатраў — Вялікага драматычнага тэатра імя М. Горкага і Тэатра драмы імя А. Пушкіна.

Гастраляваў у многіх гарадах СССР, а таксама ва Францыі, Іране, Балгарыі, Ліване. У 1932 годзе ў парыжскім тэатры «Адэон» гуляў ролі Атэла і Гамлета.

З 1917 года здымаўся ў кіно. На кінафабрыцы Аляксандра Ханжонкава (цяпер Ялцінская кінастудыя) здымаўся пад псеўданімам Эрнэста Ваграм.