Гарынь
Гары́нь (укр.: Горинь) — рака ва Украіне і Брэсцкай вобласці Беларусі, правы прыток Прыпяці. Даўжыня ракі складае 659 км, у межах Беларусі — 82 км. Вадазбор — 27,7 тыс. км², у межах Беларусі — 1,2 тыс. км². Сярэднегадавы расход вады ў вусці дасягае 110 м³/с. Сярэдні нахіл воднай паверхні на тэрыторыі Беларусі — 0,1 ‰.
| Гарынь | |
|---|---|
| укр. Горинь | |
 | |
| Характарыстыка | |
| Даўжыня | 659 км |
| Басейн | 27 700 км² |
| Расход вады | 110 м³/с (у вусці) |
| Вадацёк | |
| Выток | Волыця і Крэмэнэцкі раён |
| • Месцазнаходжанне | с. Волыця (Крэмэнэцкі раён) |
| • Вышыня | 345 м |
| • Каардынаты | 49°53′20″ пн. ш. 25°29′15″ у. д.HGЯO |
| Вусце | Прыпяць |
| • Месцазнаходжанне | Давыд-Гарадок |
| • Каардынаты | 52°08′37″ пн. ш. 27°16′57″ у. д.HGЯO |
| Ухіл ракі | 0,1 (на тэрыторыі Беларусі) м/км |
| Размяшчэнне | |
| Водная сістэма | Дняпро |
| Украіна | Цярнопальская вобласць, Хмяльніцкая вобласць, Ровенская вобласць |
| Беларусь | Брэсцкая вобласць |
| Краіны | |
 |
|
| Гарынь на карце | |
  выток  вусце |
|
 Медыяфайлы на Вікісховішчы | |
Асноўныя прытокіПравіць
Справа: Случ.
На рацэПравіць
Гарады: Ізяслаў, Славута, Нэтэшын, Астрог, Дубровіца, Столін, Давыд-Гарадок.
АгульнаеПравіць
Пачынаецца ў Цярнопальскай вобласці Украіны на Крамянецкім узвышшы, цячэ ў межах Падольскага і Валынскага ўзвышшаў, ніжняе цячэнне — на Палескай нізіне, на Беларусі — у Столінскім раёне. Суднаходства пачынаецца за 291 км ад вусця. Упадае ў Прыпяць двума рукавамі (левы называецца Вятліца) у слаба асвоенай і незаселенай мясцовасці.
Даліна ракі трапецападобная з высокімі і стромкімі берагамі, на тэрыторыі Беларусі невыразная, дасягае шырыні 2,5 км. Пойма двухбаковая, шырыня ў верхнім цячэнні 0,1—0,7 км, сярэднім 1—1,5 км, у ніжнім да 2,5 км. У ніжняй плыні цячэ праз Пінскія балоты.
Рэчышча звілістае, шырыня яго ў ніжнім цячэнні вагаецца ў межах 150—200 м.
ГалерэяПравіць
ЛітаратураПравіць
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
- Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.|Від=Б}}
- Гидроэкологическое состояние бассейна Горыни в районе Хмельницкой АЭС / Под ред. В. К. Хильчевского — Киев: Ника-центр, 2011. — 176 с.