Канстанцін Навумавіч Длугашэўскі

Канстанці́н Наву́мавіч Длугашэ́ўскі (11 (24) снежня 1905 — 1982) — беларускі дзяржаўны дзеяч, старшыня Брэсцкага аблвыканкама (1939—1944) і старшыня Мінскага гарадскога выканаўчага камітэта (1946—1955).

Канстанцін Навумавіч Длугашэўскі
Старшыня Мінскага гарадскога выканаўчага камітэта красавік 1946 — люты 1955
Кіраўнік урада	Панцеляймон Панамарэнка Аляксей Кляшчоў Кірыл Мазураў
Папярэднік	Іван Паромчык
Пераемнік	Васіль Шарапаў
Старшыня Брэсцкага аблвыканкама 29 лістапада 1939 — 20 ліпеня 1944
Кіраўнік урада	Кузьма Кісялёў Іван Былінскі Панцеляймон Панамарэнка
Папярэднік	пасада заснаваная
Пераемнік	Сяргей Сікорскі
Нараджэнне	24 снежня 1905(1905-12-24) Слабада-Кучынка, Слуцкі павет, Мінская губерня, Расійская імперыя
Смерць	1997 Мінск, Беларусь
Узнагароды

Біяграфія

З сялян. Член КПСС з 1928 года.

У 1925—1941 гадах на партыйнай, савецкай і гаспадарчай рабоце. У Вялікую Айчынную вайну на Заходнім, Сталінградскім, 3-м Прыбалційскім франтах.

З 1945 года — першы намеснік старшыні Прэзідыума Вярхоўнага Савета БССР, з 1946 года — старшыня Мінскага гарвыканкама, з 1954 года — намеснік міністра жыллёва-камунальнай гаспадаркі БССР.

З 29 мая 1957 года па люты 1968 года — начальнік Галоўнага ўпраўлення камунальнай гаспадаркі і энергетыкі — камунальнай гаспадаркі пры Савеце Міністраў Беларускай ССР.

На XIX — XXI з’ездах КПБ выбіраўся членам ЦК КПБ. Дэпутат Вярхоўнага Савета СССР 2—4-га скліканняў, Вярхоўнага Савета БССР 1, 3, 5-га скліканняў.

Узнагароджаны ордэнам Леніна, 5 іншымі ордэнамі, медалямі.

Літаратура

• ДЛУГАШЭЎСКІ Канстанцін Навумавіч // Беларуская Савецкая Энцыклапедыя. У 12 т. Т. 4. Графік — Зуйка / Рэдкал.: П. У. Броўка (гал. рэд.) і інш. — Мн.: БелСЭ, 1971. — 608 с.: іл., карты.

Спасылкі

• Справочник по истории Коммунистической партии и Советского Союза 1898 - 1991 (руск.).
• Фота (Длугашэўскі справа, Мінск, 1951 год)