Мінскае вышэйшае ваеннае інжынернае вучылішча

Мінскае вышэйшае ваеннае інжынернае вучылішча
(МВВІВ)
Мінскае вышэйшае ваеннае інжынернае вучылішча; (МВВІВ)
	Мінскае вышэйшае інжынернае радыётэхнічнае вучылішча проціпаветранай абароны - 1955 Мінскае вышэйшае інжынернае зенітнае ракетнае вучылішча проціпаветранай абароны - 1968 Мінскае вышэйшае ваеннае інжынернае вучылішча - 1992 Ваенная акадэмія Рэспублікі Беларусь - 1995
Арыгінальная назва	Мінскае вышэйшае інжынернае радыётэхнічнае вучылішча проціпаветранай абароны - 1955 Мінскае вышэйшае інжынернае зенітнае ракетнае вучылішча проціпаветранай абароны - 1968 Мінскае вышэйшае ваеннае інжынернае вучылішча - 1992 Ваенная акадэмія Рэспублікі Беларусь - 1995
Заснаваны	1953 у Гомелі
Год закрыцця	1992
Студэнты	Падрыхтавала больш за 14 тыс. ваенных інжынераў у т.л. каля З тыс. спецыялістаў для краін Еўропы, Азіі, Блізкага Усходу, Афрыкі і Лацінскай Амерыкі
Аспірантура	з 1955
Дактарантура	з 1988
Краіна	СССР;
Размяшчэнне	СССР, Беларусь, Мінск
Юрыдычны адрас	Мінск-57, установа адукацыі «Мінскае вышэйшае ваеннае інжынернае вучылішча».

Мінскае вышэйшае ваеннае інжынернае вучылішча (МВВІВ) — былая вайсковая вышэйшая навучальная ўстанова Беларусі.

Гісторыя

Заснавана ў 1953 у Гомелі на базе Гомельскага пяхотнага вучылішча як Гомельскае вышэйшае інжынернае радыётэхнічнае вучылішча проціпаветранай абароны (ГВІРТВ ПВА).

У 1954 г. вучылішча перадыслакавалася ў Мінск.
У 1955 годзе перайменавана ў Мінскае вышэйшае інжынернае радыётэхнічнае вучылішча проціпаветранай абароны (МВІРТВ ПВА).
З 1955 ад'юнктура.
У 1968 г. — перайменавана ў Мінскае вышэйшае інжынернае зенітнае ракетнае вучылішча проціпаветранай абароны (МВІЗРВ ПВА).
З 1988 года дактарантура.
З 1992 г. — Мінскае вышэйшае ваеннае інжынернае вучылішча (МВВІВ).
У 1995 г. на базе двух вышэйшых ваенных вучылішч — інжынернага (МВВІВ) і каманднага (МВВКВ) створана Ваенная акадэмія Рэспублікі Беларусь.

Падрыхтавала больш за 14 тыс. ваенных інжынераў, у т.л. каля З тыс. спецыялістаў для краін Еўропы, Азіі, Блізкага Усходу, Афрыкі і Лацінскай Амерыкі.

Выпускнікі Мінскага вышэйшага інжынернага зенітнага ракетнага вучылішча

Сярод выпускнікоў МВІЗРВ СПА

Зыгмунд Антонавіч Валявач, дэпутат Палаты прадстаўнікоў Нацыянальнага сходу Рэспублікі Беларусь V склікання
Сяргей Васілевіч Гайдукевіч, кіраўнік Ліберальна-дэмакратычнай партыі Беларусі
Валерый Мікалаевіч Карашкоў, старшыня Дзяржаўнага камітэта па стандартызацыі Рэспублікі Беларусь (2006—2011)
Уладзімір Мікалаевіч Мельнікаў, украінскі паэт, празаік, кампазітар
Алег Вітальдавіч Праляскоўскі, міністр інфармацыі Беларусі (2009—2014)
Мікалай Віктаравіч Статкевіч, лідар Беларускай сацыял-дэмакратычнай партыі (Народная Грамада)
Станіслаў Вацлававіч Суднік, беларускі пісьменнік, журналіст
Канстанцін Канстанцінавіч Шульган — беларускі дзяржаўны дзеяч, Міністр сувязі і інфарматызацыі Рэспублікі Беларусь

Літаратура

Мінскае вышэйшае ваеннае інжынернае вучылішча // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
МВНЗРУ ПВО — МВВНУ: Нот. очерк, 1978—1993 гг. Мн., 1993.