Gleb Leo

Памер старонкі: 18 101

Вітаем

Вітаем у Вікіпедыі! Рады бачыць вас у беларускамоўнай суполцы Вікіпедыі. Даведацца, што робіцца ў беларускай энцыклапедыі, можна на старонцы Апошніх змен. Што зрабіць? Тут ляжыць пералік таго, што трэба зрабіць. Калі ў артыкуле ёсць недакладнасць ці памылка, яе можа выправіць кожны (Гл. таксама: вікіфарматаванне) Можна ствараць новыя артыкулы, пашукаўшы перад гэтым ці ёсць ўжо такія. (Гл. таксама: беларуская раскладка, пагадненні пра найменне і афармленне артыкулаў) Як атрымаць дапамогу? Звярніцеся на форум Вікіпедыі або ў суполку Фэйсбука ці LJ, праз Discord, Telegram, IRC #wiki або ў «Размовы» да іншых удзельнікаў і адміністратараў.		Карысныя парады Пры стварэнні артыкула (Гл. таксама: беларуская раскладка клавіятуры, аўтарытэтныя крыніцы, вікіфарматаванне) трымайцеся пагаднення пра найменне артыкулаў. Для спраўджвання правапісу ёсць розныя праграмы. Каб лягчэй працаваць, ёсць гатовыя шаблоны. Да артыкулаў можна дадаваць выявы і матэматычныя формулы. Калі можна, дадавайце ў артыкул катэгорыі і спасылкі на іншамоўныя артыкулы. Калі ласка, запаўняйце радок Тлумачэнне пад акенцам рэдагавання, каб іншым удзельнікам лягчэй было сачыць за зменамі. Перад тым як захаваць сваю працу, націскайце кнопку Як будзе, каб убачыць меркаваны выгляд артыкула. У размовах заўсёды карыстайцеся подпісам, які ставіцца камбінацыяй ~~~~, або націсканнем кнопкі Ваш подпіс і адзначаны час у кансолі над акенцам рэдагавання. Зрабілі памылку? Кожную памылку можна хутка выправіць, а артыкул з памылковай назвай выдаліць.

--JerzyKundrat (размовы) 11:08, 5 лютага 2019 (MSK)

Аўтадогляд

Добры дзень, прапаную Вам атрымаць паўнамоцтвы Аўтадаглядчыка. Калі Вы не супраць, адкажыце, калі ласка (наўпрост на гэтай старонцы размоў). --JerzyKundrat (размовы) 17:10, 6 сакавіка 2020 (+03)

Вітаю, вядома, я не супраць, на маю думку, гэта б спрасціла даглядчыкам працу, бо я раблю досыць шмат дробных правак.

Y Зроблена, плённай працы! --JerzyKundrat (размовы) 18:32, 8 сакавіка 2020 (+03)

Hair Peace Salon у ✪!?

Вітаю, Gleb Leo!

Паглядзі, калі ласка, мо можна дадаць +1 для Hair Peace Salon на зорку: https://be.wikipedia.org/wiki/Вікіпедыя:Кандыдаты_ў_выдатныя_артыкулы#Hair_Peace_Salon!? З моманту заўваг, рэцензій артыкул палепшаны, пашыраны, адпавядае зорнаму тарашкевіцай.

Удалага дню! pr12402, 14 сакавіка 2020

UPD. Дзякуй за ўвагу да артыкула Hair Peace Salon і вычытку! (◕‿◕✿) Паглядзі, калі ласка, мо апошнія змены ўсё ж такі заліші. Суфікс "-ір-" (https://www.sb.by/articles/my-planuem-ptushk-plan-ruyuts.html), пра сяброў (http://www.slounik.org/search?dict=&search=сябар&x=0&y=0 – сябар м. РВ сябра, ДМ сябру, сябрам; мн. сябры, РВ сяброў, сябрам, сябрамі, сябрах // Граматычны назоўніка 2013), родны склон ад музычнага гурта (http://www.slounik.org/search?dict=&search=гурт&x=0&y=0 – 1. гурт м. (група людзей, статак жывёл) НВ гурт, РД гурту, гуртам, гурце; (музычная група) НВ гурт, гурта, гурту, гуртам, гурце; мн. для абодвух НВ гурты, гуртоў, гуртом, гуртамі, гуртах // Граматычны назоўніка 2013; 12. гурт (група людзей; статак жывёл) гурту, -рце, мн. гурты, -оў; (музычная група) -рта, -рце, -ртоў // Слоўнік беларускай мовы). Сам сутыкаўся з блытанінаю па падобных пытаннях. Для таго ж артыкула тарашкевіцай усё як ты правільна адразу пра музыкаў панапісваў) -- pr12402, 19 сакавіка 2020

Наконт гэткага мамонту з канчаткамі ў слова "гурт" не ведаў, даволі дзіўнае правіла наогул. "Сябраў", гэтак я бачыў у розных тэкстах у значэнні "чалец", відаць, гэта проста распаўсюджаная памылка. А суфікс "-ір" тут ужо каму як, збольшага ж варыянты што з ім, што без яго лічацца слушнымі. Выбачаюся за дурныя праўкі, карацей

• Згодзен, што тут з большага ўсё не зусім лагічна/слушна) ╰(*´︶`*)╯-- pr12402, 20 сакавіка 2020

Імёны па бацьку ў назвах артыкулаў

Запрашаю прыняць удзел у галасаванні Вікіпедыя:Абмеркаванне правіл/Найменне артыкулаў з імем па бацьку.--Artsiom91 (размовы) 23:41, 26 лютага 2021 (+03)

Прызначэнне схавальнікаў гісторыі

Вітаю. Калі ласка, прыміце ўдзел у прызначэнні схавальнікаў гісторыі старонак, звярніце ўвагу, там два запыты. Дзякуй. --Максім Л. (размовы) 22:29, 3 красавіка 2022 (+03)

Дзякуй. Вышэй там яшчэ адзін запыт, схавальнікі мусіць быць мінімум два. --Максім Л. (размовы) 22:43, 6 красавіка 2022 (+03)

Догляд

Добры дзень, прапаную Вам атрымаць паўнамоцтвы Даглядчыка. Калі Вы не супраць, адкажыце, калі ласка (наўпрост на гэтай старонцы размоў). --JerzyKundrat (размовы) 20:45, 10 лютага 2023 (+03)

Вітаю! Дзякуй за прапанову, даволі нечакана. Нічога супраць ня маю. Gleb Leo (размовы) 21:00, 10 лютага 2023 (+03)

Y Зроблена, новых знаходак! --JerzyKundrat (размовы) 21:06, 10 лютага 2023 (+03)

Васіль Шаўчэнка

Добрага дня. У артыкуле Васіль Шаўчэнка вы аднеслі ягоную прыналежнасць да БНР. Але ж у крыніцах нічога няма пра тое, што ён нейк выяўляў нацыянальную пазіцыю ці прыхільнасць да ўрада БНР. Lš-k. (размовы) 22:49, 15 сакавіка 2024 (+03)

Звычайна пад «Вольнай Беларуссю» ў 1920-ыя мелася на ўвазе БНР. Зь іншага боку, сапраўды выйшла, мабыць, некарэктна. Але, працягваючы тэму 1920-х, верагодна, варта б стварыць і асобны артыкул для «палескай БНР» Балаховіча, якая ніякага дачынення да ўраду Ластоўскага ня мела. Па-добраму гэты артыкул, на маю думку, варта ў прынцыпе перапісваць на больш энцыклапедычны лад, як і некаторыя іншыя мае старыя. Gleb Leo (размовы) 23:17, 15 сакавіка 2024 (+03)

Але ці змагаўся ён за Вольную Беларусь? Я проста не надта ведаю яго біяграфію, а ў крыніцах такое не пазначана. Агулам жа артыкул публіцыстычны, так. Што да Палескай БНР Балаховіча — так, артыкул у прынцыпе можа быць створаны, але на сёння пэўныя звесткі пра яе ёсць у артыкуле пра самога Балаховіча. Lš-k. (размовы) 23:27, 15 сакавіка 2024 (+03)

Падобна, у артыкул такая фармулёўка трапіла, з-за заключных слоў публікацыі Ніны Стужынскай, якія былі так зразуметыя. Gleb Leo (размовы) 00:01, 16 сакавіка 2024 (+03)

Вікікрыніцы

Добры дзень. Бачу вашую плённую працу на Вікікрыніцах і ў Вікісховішчы па загрузцы старых кніг. У Электроннай бібліятэцы Нацыянальнай бібліятэкі Беларусі ў агульным доступе трошкі ёсць унікальных старых кніг, але спампаваць адтуль складана. Аднак ёсць такая магчымасць. Калі вам штосьці трэба — дасылайце мне на старонку размоў із спасылкай, а я буду грузіць на Вікісховішча. Lš-k. (размовы) 22:43, 7 красавіка 2024 (+03)

Добры вечар! А як Вы спампоўваеце? Я спрабаваў, але нічога не выйшла, адзіна змог паглядзець на іх. А кнігі любыя будуць добрымі: усе па-свойму цікавыя і карысныя. Gleb Leo (размовы) 21:22, 8 красавіка 2024 (+03)

Выцягваю з дапамогай праграмы карцінкамі, потым гэтыя карцінкі ёй жа аб’ядноўваю ў pdf-файл. Глядзіце, праграмка для Windows па спасылцы. Распакаваць у сістэмны дыск.

Як карыстацца:

• Запусціць камандны радок Windows. Увесці там cd "C:\docs-to-pdf" (ці іншае месца размяшчэння праграмы)
• пішам fetch-images "http://elib.nlb.by:9182/iiif/3/nlb%252F9%252F2%252F9%252F096_17400%252FPDF%252F096_17400.pdf" 1200 downloaded_images 1 спасылка на файл адпаведна мяняецца; 1200 — гэта памер шырыні карцінак файла, яны там усе розныя, можна мяняць; downloaded_images – назва папкі для загрузкі; 1 – з якой старонкі грузіць. Усё, чакаць поўнай загрузкі.

Потым лепім PDF. Пішам

• images-to-pdf.exe downloaded_images output.pdf dolwnloaded_images — папка, з якой лепім файлы, output.pdf — назва канечнага файла.

Ці зможаце вызначыць спасылку pdf з электроннай бібліятэкі? Калі не — прапішу тлумачэнне. Lš-k. (размовы) 02:09, 9 красавіка 2024 (+03)

Паспрабаваў на зборніку артыкулаў Леніна, аднак без поспеху. Да каманды fetch-images "http://elib.nlb.by:9182/iiif/3/nlb%252F9%252F2%252F9%252F096_17400%252FPDF%252F096_17400.pdf" 1200 downloaded_images 1 усё ішло, здаецца, добра. Па ўводзе гэтай каманды ніякай загрузкі не адбылося. Папку "downloaded_images" стварыў у папцы праграмкі. Акрамя спасылкі на спампоўванне, я нічога ў Вашым прыкладзе не змяняў. Ці праблема ў спасылцы? Gleb Leo (размовы) 23:03, 9 красавіка 2024 (+03)

Дарэчы, можа, ведаеце, чаму новыя файлы зь Вікісховішча (адзін, два, тры і г. д.) не працуюць у Вікікрыніцах (індэксы, каб вычытваць, фактычна не ўтвараюцца)? Апошнія два загружаныя мною з адной крыніцы, першы апублікаваны іншым удзельнікам з іншай крыніцы. Я спачатку меркаваў, што праблема ў саміх сканах, якія я загрузіў, аднак аналагічнае адбываецца і з файлам з іншага месца. Gleb Leo (размовы) 23:30, 9 красавіка 2024 (+03)

Вось з гэтым не дапамагу. Можа @Artsiom91 змог бы зірнуць? Lš-k. (размовы) 02:07, 10 красавіка 2024 (+03)

У зборніка памер выяў меншы. Каля 700 шырыня. Я не ведаў, але відаць не працуе, калі задаць большы памер чым ёсць, можна толькі меншы. Але спасылка ў вас таксама не тая. fetch-images "http://elib.nlb.by:9182/iiif/3/nlb%2F1%2F4%2F1%2F8%2F8%2Fba13972%2FPDF%2Fba13972.pdf" 700 lienin 1

Вось так мусіць выглядаць запыт. Праграма сама стварае папкі, таму для кожнага файла можна называць як хочаш. Каб знайсці патрэбную спасылку для файла – трэба адкрыць дакумент на сайце бібліятэкі, а потым перайсці ў інструменты вэб-распрацоўшчыка ««Ctrl + Shift + I» – сетка - перачытаць (у залежнасці ад браўзэра можна быць па-рознаму крыху мабыць, але алгарытм прыкладна такі, вось скрыншот як я бачу спасылку). У гэтым жа радку можна выбраць самы вялікі jpg-файл, адкрыць яго і паглядзець памер выявы (потым у запыце ўводзіць замест 1000 патрэбную шырыню). Паспрабуйце яшчэ на якім – я думаю разберацеся з часам. Вось кніга пра Леніна, каб вам яе не выгружаць. Lš-k. (размовы) 02:07, 10 красавіка 2024 (+03)

Даследванне супольнасці

Прывітанне,

Ладжу даслеванне з мэтай вывучэння магчымых кропак развіцця беларускай Вікімедыя супольнасці, як у Беларусі, так і па-за межамі.

Прашу прыняць удзел у даследванні!

Само даслежванне ананімнае і вынікі складаюцца на маім сэрверы. Вынікі даследвання могуць быць расшараны прыватна пры запаўненні поля кантакт, на які можна будзе даслаць гэтыя вынікі, а таксама пры ўважлівым запаўненні адказаў на прапанаваныя ў анкеце пытанні.

Гэта даследванне можа адбывацца некалькімі спосабамі.

1. мы правядзем размову анлайн і даследчык запаўняе вашы адповяды, 2. ці можна запаўніць гэту анкету наўпрост.

Запаўненне анкеты можа заняць 20-30 хвілін часу. Калі ласка, прысвяціце гэты час з максімальнай канцэнтраванасцю.

Я адказны за даследванне карыстач Mr. Zabej, таму калі зацікаўлены ў дзейнасным боку супольнасці, пішыце мне.

--Mr. Zabej (размовы) 19:42, 7 жніўня 2024 (+03)