Сафія Пруская

Сафія Пруская
Сафія Пруская
	Sophie Dorothea Ulrike Alice von Preußen
	; Партрэт Сафіі пэндзля Георгіяса Якавідыса
	18 сакавіка 1913 — 11 чэрвеня 1917
Папярэднік	Вольга Канстанцінаўна Раманава
Пераемнік	Аспазія Манас
	19 снежня 1920 — 27 верасня 1922
	19 снежня 1920 — 27 верасня 1922
Папярэднік	Аспазія Манас
Пераемнік	Елізавета Румынская
Нараджэнне	14 чэрвеня 1870; Патсдам, Патсдам[d], правінцыя Брандэнбург, Каралеўства Прусія;
Смерць	13 студзеня 1932 (61 год); Франкфурт-на-Майне, Адміністрацыйная акруга Вісбадэн[d], правінцыя Гесэн-Насау[d], Вольная дзяржава Прусія, Веймарская рэспубліка;
Месца пахавання	Татой[d];
Род	Гогенцолерны
Бацька	Фрыдрых III Гогенцолерн
Маці	Вікторыя Саксен-Кобург-Гоцкая[d]
Муж	Канстанцін I, кароль Грэцыі
Дзеці	Георг II, кароль Грэцыі, Аляксандр I, кароль Грэцыі, Алена Грэчаская і Дацкая, Павел I, кароль Грэцыі, Ірына Грэчаская[d] і Кацярына Грэчаская і Дацкая[d]
Веравызнанне	праваслаўе
Дзейнасць	royalty
Аўтограф
Узнагароды
	Сафія Пруская на Вікісховішчы

Сафія Гогенцолерн (ням.: Sophie Dorothea Ulrike Alice; 14 чэрвеня 1870, Патсдам — 13 студзеня 1932, Франкфурт-на-Майне) — прынцэса Пруская, каралева-кансорт Грэцыі.

БіяграфіяПравіць

Сафія нарадзілася ў сям’і Прускага прынца Фрыдрыха (будучага імператара Фрыдрыха III) і яго жонкі прынцэсы Вялікабрытаніі Вікторыі. Па маці яна была ўнучкай каралевы Вікторыі. Сафія была сёмым дзіцем з васьмі і трэцяй дачкой. Сярод яе братоў быў кайзер Вільгельм II.

27 кастрычніка 1889 года ў Афінах Сафія выйшла ажанілася з грэчаскім прынцам Канстанцінам (1868—1923), які даводзіўся ёй чатырохюрадным братам (абодва былі прапраўнукамі імператара Паўла I). Перад шлюбам прынцэса прыняла праваслаўе і перастала наведваць лютэранскія цэрквы, што прывяло да разладу паміж ёй і яе братам Вільгельмам. Дзеці Канстанціна і Сафіі:

Георг (1890—1947), кароль Грэцыі (1922—1947),
Аляксандр (1893—1920), кароль Грэцыі (1917—1920),
Алена (1896—1982), замужам за каралём Румыніі Каралем II,
Павел (1901—1964), кароль Грэцыі (1947—1964),
Ірэна (1904—1974), замужам за Аймонэ, герцагам Аосцкім,
Кацярына (1913—2007), замужам за маёрам Рычардам Брэндрэмам.

Сафія стала каралевай Грэцыі ў сакавіку 1913 года, калі яе муж змяніў на прастоле свайго бацьку. Падчас Першай сусветнай вайны Канстанцін I быў вымушаны адрачыся на карысць сына Аляксандра па прычыне сваіх германафільскіх сімпатый. У гэтым вінавацілі Сафію, хоць тая больш падтрымлівала пра-брытанскія настроі сваёй маці. Мужу з жонкай прыйшлося пакінуць Грэцыю і жыць у Швейцарыі. У 1920 годзе пасля смерці Аляксандра ад укусу малпы яны вярнуліся і Канстанцін ізноў стаў каралём. Аднак праз два гады ён адрокся ў другі раз з-за паражэння ў вайне з Турцыяй. Кароль памёр праз год падчас іх ссылкі на Сіцыліі. У апошнія гады жыцця Сафіі ў яе выявілі рак. Яна памерла ў Франкфурце 13 студзеня 1932 года. У 1936 годзе пасля рэстаўрацыі манархіі ў Грэцыі яе прах быў перапахаваны ў каралеўскім магільным склепе Татоі.