Сутыкнення ў правінцыі Анбар — узброены канфлікт паміж шыіцкіх урадам Ірака і суніцкімі баевікамі з ІДІЛ у ходзе грамадзянскай вайны ў Іраку на тэрыторыі правінцыі Анбар. Прычынай эскалацыі стаў разгон суніцкага лагера пратэсту ў Рамадзі, які быў арганізаваны яшчэ ў 2012 годзе ў знак пратэсту супраць гегемоніі шыітаў у іракскім кіраўніцтве.
30 снежня — ахвярамі разгону сталі 13 маніфестантаў, пасля чаго ў горадзе пачаўся мяцеж[5], з рэзкай крытыкай іракскіх уладаў выступілі апазіцыйныя суніцкія дэпутаты[6].
4 студзеня — урад пацвердзіў страту горада Фалуджа[9].
5 студзеня — урадавая авіацыя нанесла ўдар па Рамадзі[10]. У гэты ж час у сутычках з баевікамі ў ваколіцах горада загінулі 22 салдаты ўрадавай арміі[11].
6 студзеня — іракскія сілы бяспекі пры падтрымцы байцоў з плямёнаў аднавілі кантроль над цэнтрам Рамадзі[12].
7 студзеня — іракскія ракетныя ўдары па Рамадзі прывялі да гібелі 25 баевікоў[13].
8 студзеня — наступленне сіл бяспекі і байцоў плямёнаў, накіраванае на выцясненне ІДІЛ з паўднёвага Рамадзі, было адбіта паўстанцамі пасля сямі гадзін баёў[14].
9 студзеня — іракскія сілы бяспекі пры падтрымцы танкаў уступілі ў жорсткія баі з баевікамі ІДІЛ ў раёне Аль-Бубалі, паміж Рамадзі і Эль-Фалуджай[15].
10 студзеня — у вёсцы Аль-Бубалі ўспыхнулі сутыкненні паміж іракскім спецназам і ІДІЛ[16].
14 студзеня — суніцкія баевікі, уключаючы ІДІЛ, захапілі некалькі раёнаў Рамадзі[17].
16 студзеня — іракскай арміі пры падтрымцы суніцкіх плямёнаў атрымалася адбіць горад Саклавія[18].
17 студзеня — баевікі ІДІЛ у Эль-Фалуджы заклікалі людзей далучыцца да іх у барацьбе супраць урада, але раней у той жа дзень іракскія СМІ паведамілі, што сілы бяспекі адбілі некалькі ключавых раёнаў Рамадзі[19].
19 студзеня — іракская армія пачала аперацыю ў Рамадзі[20]. Наступленне было спынена пасля таго, як у сутычках былі забіты восем паліцэйскіх і членаў племянной міліцыі[21].
21 студзеня — іракская армія пры падтрымцы суніцкіх плямёнаў працягвала атакі на ключавыя раёны Рамадзі ў спробе вярнуць кантроль над імі ў ІДІЛ[22]. На наступны дзень Міністэрства абароны заявіла, што па меншай меры 50 баевікоў былі забіты ў выніку авіяўдараў па аб’ектах у Анбары[23].
26 студзеня — па паведамленнях відавочцаў, баевікі ІДІЛ захапілі ў палон пецярых іракскіх салдат блізу Эль-Фалуджы. ІДІЛ таксама захапіла шэсць ваенных «Хамераў» і падпаліла некаторыя з іх пасля сутыкненняў з сіламі бяспекі блізу Эль-Фалуджы[24]. Пазней паведамлялася, што па меншай меры сем чалавек былі забіты ў выніку авіяўдараў іракскай арміі і артылерыйскага агню[25].
30 студзеня — афіцыйны прадстаўнік Міністэрства абароны Ірака Махамад аль-Аскары заявіў, што сілы бяспекі і іх саюзныя племянныя баевікі аднавілі кантроль над Альбу Фараджам на поўнач ад Рамадзі, а таксама над Аль-Насафам на заходняй ускраіне Фалуджы[26].
31 студзеня — паводле заявы міністэрства абароны, 39-я брыгада іракскай арміі, узмоцненая іракскімі ВПС пры падтрымцы племянных баевікоў, знішчыла 40 баевікоў і захапіла штаб-кватэру ІДІЛ у Фалуджы[27].
1 лютага — іракская армія і паліцыя пры падтрымцы праўрадавых апалчэнцаў распачалі яшчэ адно наступленне супраць ІДІЛ у Рамадзі і Фалуджы. Па меншай меры 35 баевікоў былі забіты, а вялікая колькасць зброі была захоплена ў ходзе сутыкненняў у раёнах Малааб, Дхубат і на вуліцы 60 у Рамадзі[28].
3 лютага — Міністэрства абароны паведаміла, што іракская армія і яе саюзнікі знішчылі 57 баевікоў ІДІЛ у Эль-Фалуджы[29].
8 лютага — губернатар Анбара Ахмед Халаф Дэйбі накіраваў ІДІЛ ультыматум, у якім заклікаў іх здацца цягам тыдня[30].
9 лютага — 13 членаў ІДІЛ былі забіты ў раёне Рамадзі[31].
13 лютага — паўстанцы развілі наступленне і захапілі горад Сулейман-бек[32].
15 лютага — прадстаўнік аб’яднанага камандавання Ірака заявіў, што падчас рэйду ў раёне Аль-Мілахіа, Абу-Шыхаб і Халідыя некалькіх байцоў ІДІЛ былі забіты[33].
18 лютага — былі забіты 45 баевікоў ІДІЛ, у тым ліку сірыйскія і афганскія добраахвотнікі[4].
3 чэрвеня — прынамсі 18 чалавек былі забіты і 43 паранены ў выніку абстрэлу Эль-Фалуджы[38].
7 чэрвеня — баевікі, звязаныя з ІДІЛ, узялі ў закладнікі студэнтаў Універсітэта Анбара[39].
12 чэрвеня — іракскі памежны патрульны батальён, дыслакаваны ўздоўж сірыйскай мяжы, пакінуў свае пазіцыі перад тварам надыходзячых сіл ІДІЛ і прарваўся ў адносную бяспеку кантраляванага курдамі горада Сінджар у Ніневіі. Аднак калона з 60 грузавікоў і сотняў памежнікаў была зрынута ў замяшанне і паніку, калі невялікі атрад аўтамабіляў ІДІЛ атакаваў іх. Да таго часу, калі курдскія сілы дайшлі, паліцыя была цалкам разгромлена і знішчана з невядомай колькасцю забітых і захопленых у палон, у той час як іншыя беглі ў пустыню, пакінуўшы ўсе свае транспартныя сродкі. Толькі двум паліцыянтам удалося дабрацца да горада Сінджар пешшу[40].
19 чэрвеня — ІДІЛ захапіла хімічны склад Аль-Мутана блізу возера Тартар, прыкладна за 45 міляў на паўночны захад ад Багдаду, у раёне, які да гэтага моманту ўжо трывала перайшоў пад кантроль паўстанцаў[42].
23 чэрвеня — урадавыя войскі адбілі памежны пераход Аль-Валід з Сірыяй пасля таго, як баевікі адступілі без супраціву[43].
24 чэрвеня — сірыйскія ваенныя самалёты нанеслі ўдары па некалькіх раёнах на захадзе Ірака, забіўшы прынамсі 57 мірных жыхароў, у выніку чаго, як сцвярджалі амерыканскія афіцыйныя асобы, былі нанесены ўдары па пазіцыях ІДІЛ. Аднак афіцыйнай заявы ад сірыйскага ўрада так і не паступіла[1][44].
25 чэрвеня — паўстанцы прасунуліся да дамбы Хадзіты, другой па велічыні ў Іраку, і дасягнулі Бурваны, размешчанай на ўсходнім баку горада. Урадавыя войскі ўступілі з імі ў бой, спрабуючы спыніць іх прасоўванне[45].
↑Баас і АЛНО адмаўляюць, нават мінімальнае, супрацоўніцтва з ІДІЛ, прадстаўляючы сябе як трэцюю сілу, з прычыны процілеглых ідэалогій, праграм і мэтаў. У 2015 годзе ў гонар 68-й гадавіны з дня ўтварэння партыі Ібрагім Ізат ад-Дуры, старшыня Баас, выпусціў відэазварот да іракцаў, дзе заявіў, што тэрарыстычная групоўка ІД наўмысна выкарыстоўвалася Багдадам і Іранам, як «таран супраць баасістаў для падаўленне народнай рэвалюцыі 2012—2013 гг.» З яго слоў, меркавалася пад падставай барацьбы з тэрарызмам пачаць шыітызацыю Ірака і маргіналізаваць сунітаў. Акрамя таго, ад-Дуры заявіў аб арышце бачных баасістаў баевікамі ІД, верхавод тэрарыстаў Абу Бакр аль-Багдадзі запатрабаваў ад «Баас» прызнаць ягоную ўладу і прысягнуць на вернасць, як умову для вызвалення топавых камандзіраў баасістаў[2].
.svg)
.png){kind=small}
.svg){kind=small}
.svg){kind=small}
