Феафан Грэк
Феафа́н Грэк (1330—50-я г., Візантыя — паміж 1405—15) — іканапісец, мініяцюрыст, майстар манументальных роспісаў.
| Феафан Грэк | |
|---|---|
| руск.: Феофан Грек | |
 | |
| Дата нараджэння | каля 1340[1], 1330[2] ці 1335[3] |
| Месца нараджэння | |
| Дата смерці | каля 1410[1][4] |
| Грамадзянства | |
| Род дзейнасці | мастак, іканапісец |
| Жанр | іканапіс |
| Уплыў на | Андрэй Рублёў |
 Медыяфайлы на Вікісховішчы | |
Біяграфія
правіцьПрацаваў у Візантыі і Старажытнай Русі. Распісваў цэрквы ў Канстанцінопалі, Галаце, Халкедоне, Кафе (Феадосія); на Русі — царкву Спаса на Ільіне вуліцы ў Ноўгарадзе (1378), у Маскоўскім Крамлі царкву Нараджэння Маці Божай (1395, з Сімяонам Чорным), Архангельскі (1399) і Благавешчанскі (1405; з А. Рублёвым і Прохарам з Гарадца) саборы. Працаваў таксама ў Серпухаве, Ніжнім Ноўгарадзе, магчыма, у Каломне і Пераслаўлі-Залескім.
Феафану Грэку прыпісваюць абразы дэісуснага чына Благавешчанскага сабора ў Маскоўскім Крамлі: «Спас», «Маці Божая Данская», «Іаан Прадцеча» (пры ўдзеле і пад яго кіраўніцтвам выкананы іншыя абразы гэтага і святочнага чыноў).
Адкрыў у Маскве майстэрню, якая стварала абразы і мініяцюры.
Творчасць адметная драматычна-эмацыянальнай трактоўкай вобразаў, дынамічнай кампазіцыяй, стрыманым каларытам, пластычнасцю выяў, падкрэслена смелым і дакладным накладаннем светлавых блікаў.
Зноскі
- ↑ а б Theophanes the Greek , aka Feofan Grek // Athenaeum Праверана 9 кастрычніка 2017.
- ↑ Deutsche Nationalbibliothek Record #118686682 // Агульны нарматыўны кантроль — 2012—2016.
- ↑ Union List of Artist Names
- ↑ Theophanes der Grieche // Brockhaus Enzyklopädie
Літаратура
правіць- Феафан Грэк // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. С. 341—342.
- Алпатов М. В. Феофан Грек. М., 1979.
- Вздорнов Г. И. Феофан Грек: Творч. наследие. М., 1983.
Спасылкі
правіць
На Вікісховішчы ёсць медыяфайлы па тэме Феафан Грэк
