Эміліян Несцеравіч Букаў
Эміліян Несцеравіч Бу́каў (рум.: Emilian Radu Bucov; 26 ліпеня (8 жніўня) 1909, Новая Кілія, Ізмаільскі павет, Бесарабская губерня, Расійская імперыя цяпер Адэская вобласць — 17 кастрычніка 1984, Кішынёў, МССР, СССР) — малдаўскі савецкі празаік і паэт. Народны пісьменнік Малдаўскай ССР (1966). Член УКП(б) з 1950 года. Герой Сацыялістычнай Працы (1979).
| Эміліян Несцеравіч Букаў | ||||||
|---|---|---|---|---|---|---|
| рум.: Emilian Radu Bucov | ||||||
._(14705116453).jpg) | ||||||
| Асабістыя звесткі | ||||||
| Псеўданімы | Radu Emilian[1] | |||||
| Дата нараджэння | 26 ліпеня (8 жніўня) 1909 | |||||
| Месца нараджэння | ||||||
| Дата смерці | 17 кастрычніка 1984 (75 гадоў) | |||||
| Месца смерці | ||||||
| Грамадзянства |
 СССР |
|||||
| Альма-матар | ||||||
| Прафесійная дзейнасць | ||||||
| Род дзейнасці | пісьменнік, паэт, палітык, драматург, публіцыст, перакладчык | |||||
| Кірунак | сацыялістычны рэалізм | |||||
| Жанр | Proletkult[d] | |||||
| Мова твораў | малдаўская | |||||
| Грамадская дзейнасць | ||||||
| Партыя | ||||||
| Член у | ||||||
| Прэміі | Дзяржаўная прэмія Малдаўскай ССР | |||||
| Узнагароды |
|
|||||
 Медыяфайлы на Вікісховішчы | ||||||
Біяграфія правіць
Эміліян Букаў нарадзіўся 26 ліпеня (8 жніўня) 1909 года на поўдні Бесарабіі ў гарадку Новая Кілія, размешчаным у вусці Дуная (цяпер Адэская вобласць Украіны).
У 1931—1936 гадах вучыўся на літаратурна-філасофскім факультэце Бухарэсцкага ўніверсітэта.
Быў членам Саюза камуністычнай моладзі Румыніі, удзельнічаў у падпольнай рэвалюцыйнай працы. Працаваў у румынскіх часопісах. Пасля далучэння Бесарабіі да СССР у 1940 годзе, Эміліян Букаў жыў у Малдаўскай ССР.
Дэпутат ВС СССР 2—3-га скліканняў (1946—1954).[2]
Э. Букаў памёр 17 кастрычніка 1984 года ў Кішынёве.
Творчасць правіць
Першы паэтычны зборнік — «Праца кіпіць» (1932). Творы 1930—40-х гг. (зборнік «Мова сонца», 1937) накіраваны супраць каланіяльнага рэжыму баярскай Румыніі. У кнігах паэзіі «Я бачу цябе, Малдавія» (1942), «Дзень сённяшні — дзень заўтрашні» (1965, Дзяржаўная прэмія Малдавіі 1966), «Дрэва жыцця» (1974), раманах «Горад Рэут» (1956), «Магістраль» (1969) і інш. — узнёсласць чалавечых пачуццяў, патрабавальнасць да чалавека, адказнасць перад сабой і народам.
Пераклаў на малдаўскую мову асобныя вершы Я. Купалы. Букаў быў рэдактарам і аўтарам перакладаў на малдаўскую мову твораў Т. Шаўчэнкі — «Выбранае» (Кішынёў, 1961, 1964). Яму належаць артыкулы пра ўкраінскага паэта.
Пераклады правіць
На беларускую мову творы Букава пераклалі А. Астрэйка, Р. Барадулін, Х. Жычка, М. Калачынскі, Я. Семяжон і інш. (у кнізе «Малдаўскія апавяданні», 1958; «Паэты сонечнай Малдовы», 1960).
Зноскі
Літаратура правіць
- Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
Беларускія пераклады правіць
- Нараджэнне першай зоркі. Мн., 1980.
Спасылкі правіць
На Вікісховішчы ёсць медыяфайлы па тэме Эміліян Несцеравіч Букаў
Эміліян Несцеравіч Букаў на сайце «Героі краіны»