Юлія Уладзіміраўна Хіраска

Юлія Уладзіміраўна Хіра́ска (14 мая 1906, вёска Вомельна, Пухавіцкі раён, Мінская вобласць — 26 кастрычніка 1985) — беларуская артыстка балета.

Юлія Уладзіміраўна Хіраска
Дата нараджэння	14 мая 1906(1906-05-14)
Месца нараджэння	Вомельна, Амяльнянская воласць, Ігуменскі павет, Мінская губерня, Расійская імперыя
Дата смерці	26 кастрычніка 1985(1985-10-26) (79 гадоў)
Грамадзянства	Беларусь
Бацька	Уладзімір Рыгоравіч Хіраска
Муж	Ісідар Міхайлавіч Балоцін
Прафесія	балерына
Тэатр	Беларускі дзяржаўны Вялікі тэатр оперы і балета БДТ-1 Дзяржаўная эстрада Беларусі[d]
Узнагароды

Біяграфія

Уладзімір Хіраска з сям'ёй. Юлія на пярэднім плане з братам Віктарам. 1900-я

Дачка святара Уладзіміра Рыгоравіча Хіраскі.

Вучылася ў прыватнай харэаграфічнай студыі К. Алексютовіча ў 1921—1925 гадах. З 1921 года артыстка балета БДТ-1, з 1930 года салістка Дзяржаўнай эстрады, у 1933—1959 гадах — Дзяржаўнага тэатра оперы і балета Беларусі.

Падчас вайны праца ў канцэртных брыгадах Паўночна-Заходняга і Калінінскага франтоў. Медалі «За доблесную працу ў ВАВ 1941–1945 гг.» і «За перамогу над Германіяй у ВАВ 1941–1945 гг.»

Жонка спевака І. М. Балоціна

Творчасць

Танцоўшчыца характарнага плана. У складзе творчых брыгад удзельнічала ў пастаноўцы балетаў «Салавей» М. Крошнера, «Палымяныя сэрцы» В. Залатарова. Сярод партый: Хмара («Князь-возера» Залатарова), Тао Хоа («Чырвоны мак» Р. Гліэра), Чага («Князь Ігар» А. Барадзіна), Сяброўка («Капелія» Л. Дэліба), а таксама характарныя танцы ў балетах «Раймонда» А. Глазунова, «Канёк-Гарбунок» Ц. Пуні, «Арлекінада» Р. Дрыга).

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).