Юрый Іванавіч Раманаў

архітэктар
(Пасля перасылкі з Ю. І. Раманаў)

Юрый Іванавіч Раманаў (нар. 21 сакавіка 1949, г. Сцепанаван, Арменія) — беларускі архітэктар.

Юрый Іванавіч Раманаў
Дата нараджэння 21 сакавіка 1949(1949-03-21) (74 гады)
Месца нараджэння
Грамадзянства
Альма-матар
Месца працы

Біяграфія правіць

Скончыў у 1971 годзе Днепрапятроўскі інжынерна-будаўнічы інстытут (выкладчыкі А. Пятроў, В. Гарбаносаў, Я. Яшунскі, К. Рудакоў і інш.). У 1971—1977 працаваў у праектным інстытуце «ПрамНДІпраект» ў г. Жоўтыя Воды Днепрапятроўскай вобласці; у 1977—1981 гадах у праектным інстытуце «Гроднаграмадзянпраект»; у 1981—1984 гадах у Гродзенскіх мастацка-вытворчых майстэрнях; у 1986—1988 гадах на гродзенскім вытворча-рэкламным камбінаце; у 1988—1992 гадоў у кааператыве апрацоўчых работ і добраўпарадкавання «Дэкор»; у 1992—2001 гадах у гродзенскім творчым аб’яднанні «Альянс-Арт». З 2003 года выкладае архітэктурныя дысцыпліны ў Гродзенскім дзяржаўным політэхнічным каледжы.

Член Саюза архітэктараў СССР з 1979 года. Пражывае ў Гродне.

Творчасць правіць

 
Гасцініца «Гродна»

Асноўныя працы: рэканструкцыя гідраметалургічнага завода «УсходГАК[ru]» у горадзе Жоўтыя Воды, Украіна (1975); аўтавакзал у горадзе Жоўтыя Воды, Украіна (1976); база адпачынку заводу «Электорон» на рацэ Інгулец, Украіна (1977); адміністрацыйна-бытавы камбінат шыфернага завода ў горадзе Рыбніца, Малдова (1977); навучальна-лабараторны корпус Днепрапятроўскага палітэхнікума ў горадзе Жоўтыя Воды, Украіна (1977); планіроўка і забудова эксперыментальнага жылога раёна «Румлёва» ў Гродна (1980; сааўтары Ю. Патапаў, І. Мазнічка, У. Лытаў, С. Паўлаў); водалячэбніца санаторыі «Беларусь» у горадзе Друскінінкай, Літва (1981; сааўтары Ю. Патапаў); гасцініца «Гродна» ў горадзе Гродна (1981; сааўтары Ю. Патапаў, У. Еўдакімаў, В. Папоў); праектаванне жылых дамоў для індывідуальнай забудовы, інтэр’ераў, ландшафту і добраўпарадкавання жылых і грамадскіх аб’ектаў.

Зноскі

Літаратура правіць

  • Романов Юрий Иванович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
  • Романов Юрий Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)