«Чорны» спіс дзеячаў мастацтва і творчых калектываў

(Пасля перасылкі з «Чорны» спіс музыкантаў)

«Спіс дзеячаў мастацтва і творчых калектываў» з’явіўся ў байнэце 2 сакавіка 2011 года. Дадзены дакумент суправаджаўся каментаром ад асобы, якая яго апублікавала: папера адпраўлена ў офісы ўсіх найбуйнейшых СМІ і усе, хто ў ёй згаданы, павінны быць «неафіцыйна забаронены». Міністэрства інфармацыі Беларусі катэгарычна адмаўляла існаванне «чорнага спіса». Аднак канцэрты менавіта фігурантаў спіса пачалі адмяняцца, стала немагчыма замовіць ці пачуць песні згаданых музыкаў на радыёстанцыях Беларусі. Прадстаўнікі шэрагу СМІ неафіцыйна пацвердзілі існаванне спісу.

У спісе апынуліся вядомыя музыкі, літаратары, акцёры, прычым як беларускія, так і расійскія, еўрапейскія і галівудскія. Асобы са спісу так ці інакш выказалі пратэст супраць рэпрэсіяў з боку беларускіх уладаў, накіраваных на прадстаўнікоў апазіцыі і грамадзянскай супольнасці пасля прэзідэнцкіх выбараў 2010 года, што па меркаванню журналістаў і стала прычынай стварэння дакумента. Падобны неафіцыйны «чорны спіс» музыкаў існаваў з 2004 па 2007 гады, аднак тады невялікія канцэрты не забараняліся.

ПадзеіПравіць

13 сакавіка 2011 года ў Гомелі «па тэхнічных прычынах» не адбыўся канцэрт гурта «Ляпіс Трубяцкі», быў скасаваны выступ гурта ў адным з клубаў Магілёва 20 сакавіка 2011 года. Адміністрацыя брэсцкага Тэатра лялек без тлумачэння прычын адмяніла канцэрт Змітра Вайцюшкевіча 18 сакавіка 2011 года. У мінскім клубе «Рэактар» быў адменены канцэрт-прысвячэнне гурту «Neuro Dubel» 24 сакавіка 2011 года. Як адзначыў лідар рок-калектыва Аляксандр Кулінковіч, іх выступ быў забаронены: «Кіраўніцтва клуба выклікалі і прапанавалі выбіраць: альбо страта арандатара, альбо страта клуба». 17 сакавіка 2011 года адменены канцэрт гурта «Крамбамбуля» ў мінскім рэстаране «Госці». Лявон Вольскі прыпусціў, што са з’яўленнем «чорнага спісу» адмена канцэртаў ажыццяўляецца праз мясцовыя выканкамы: «Туды запрашаюць альбо мэнэджэраў, альбо прадстаўнікоў гаспадарчых суб’ектаў, якія прадстаўляюць пляцоўку для канцэрта, пасля чаго мерапрыемствы адмяняюць».[1]

Фігуранты спісаПравіць

Зноскі

  1. Кастусь ЛАШКЕВІЧ. Як адмяняюць канцэрты музыкаў з «чорнага спісу» , TUT.BY (18 сакавiка 2011 у 16:19). Праверана 15 студзеня 2019.
  2. «Патэлефанавалi з пытаннем, цi ўпэўненая я ў бяспецы маiх дзяцей». Зоркі — пра паўгода ў эміграцыі (бел.) . TUT.BY. Будзьма беларусамі! (14 мая 2021). Архівавана з першакрыніцы 29 мая 2021. Праверана 29 мая 2021.

СпасылкіПравіць