Аляксандр Міхайлавіч Саржэўскі

Аляксандр Міхайлавіч Саржэ́ўскі (руск.: Александр Михайлович Саржевский; 27 жніўня 1930 — 21 сакавіка 1983) — вучоны, фізік, доктар фізіка-матэматычных навук (1973), прафесар (1974), Заслужаны дзеяч навукі і тэхнікі БССР (1980).

Аляксандр Міхайлавіч Саржэўскі
Дата нараджэння	27 жніўня 1930(1930-08-27)
Месца нараджэння	Арзамас, Арзамаскі раён[d], Горкаўскі край[d], РСФСР, СССР
Дата смерці	21 сакавіка 1983(1983-03-21) (52 гады)
Грамадзянства	СССР
Род дзейнасці	навуковец
Навуковая сфера	фізіка
Месца працы	Інстытут фізікі імя Б. І. Сцяпанава НАН Беларусі БДУ Фізіка-тэхнічны інстытут НАН Беларусі
Навуковая ступень	доктар фізіка-матэматычных навук (1973)
Навуковае званне	прафесар
Альма-матар	БДУ
Вядомыя вучні	Віктар Анатольевіч Гайсёнак
Узнагароды

Біяграфія

Нарадзіўся ў горадзе Арзамас (Ніжагародская вобласць Расіі). У 1953 годзе скончыў Беларускі дзяржаўны ўніверсітэт. Працаваў у Фізіка-тэхнічным інстытуце Акадэміі навук БССР. З 1955 года навуковы супрацоўнік лабараторыі люмінесцэнцыі ў Інстытуце фізікі Акадэміі навук БССР. У 1961 годзе абараніў кандыдацкую дысертацыю. З 1 чэрвеня 1967 года дацэнт кафедры фізічнай оптыкі, з кастрычніка 1967 года загадчык кафедры агульнай фізікі Беларускага дзяржаўнага ўніверсітэта.

Навуковая дзейнасць

Аўтар навуковых прац па люмінесцэнцыі, квантавай электроніцы і нелінейнай спектраскапіі, праблемах выкладання фізікі ў вышэйшых навучальных установах. Кіраўнік навуковага напрамку па даследаванні паля­рызацыі люмінесцэнцыі, узаема­дзеянні лазернага выпраменьвання са складанымі арганічнымі малекуламі.

Сярод апублікаванага:

• Анизотропия поглощения и испускания света молекулами. — Мн., 1971 (разам з А. Н. Сеўчанкам):
• Наглядность в демонстрационном эксперименте в физике (Эргоноимический подход). — Мн., 1983 (разам з В. М. Навумчыкам);
• Оптика, учебное пособие для студентов физических специальностей университетов. Т. I. — Мн.: Университетское, 1984;
• Оптика, учебное пособие для студентов физических специальностей университетов. Т. II. — Мн.: Университетское, 1986.

Літаратура

• Бараноўскі П. М. Саржэ́ўскі Аляксандр Міхайлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 181. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сарже́вский Александр Михайлович (руск.) // Часопіс «Изобретатель». № 4 (196) 2016. — С. 40.

Спасылкі

• Саржэўскі Аляксандр Міхайлавіч на сайце анлайн-энцыклапедыі «Беларусь у асобах і падзеях»
• Мінько А. Фарміраванне школы фізічнай оптыкі ў БДУ. Да 115-годдзя з дня нараджэння акадэміка А. Н. Сеўчанкі Архівавана 12 жніўня 2021. // Газета БДУ «Універсітэт»
• Вучоныя Беларусі. Саржэўскі, Аляксандр Міхайлавіч (доктар фізіка-матэматычных навук; фізіка; 1930—1983) // Нацыянальная бібліятэка Беларусі
• Банк патентов РФ на изобретения и промышленные образцы ФИПС Роспатента (руск.)