Віктар Анатольевіч Гайсёнак

Ві́ктар Анато́льевіч Гайсёнак (нарадзіўся 6 чэрвеня 1950 года ў в. Гасцілавічы Лагойскага раёна Мінскай вобласці) — беларускі дзяржаўны дзеяч, дыпламат. Доктар фізіка-матэматычных навук (1990), прафесар. Акадэмік Беларускай інжынернай тэхналагічнай акадэміі і міжнароднай акадэміі навук вышэйшай школы (1993).

Віктар Гайсёнак
Надзвычайны і паўнамоцны пасол РБ у Польшчы
31 кастрычніка 2008 — 11 лютага 2014
Прэм’ер-міністр Сяргей Сідорскі
Міхаіл Мясніковіч
Прэзідэнт Аляксандр Лукашэнка
Папярэднік Павел Латушка
Пераемнік Аляксандр Авяр'янаў
Надзвычайны і паўнамоцны пасол РБ у Аўстрыі
19 мая 2000 — 18 лютага 2005
Прэм’ер-міністр Уладзімір Ярмошын
Генадзь Навіцкі
Сяргей Сідорскі
Прэзідэнт Аляксандр Лукашэнка
Папярэднік Валянцін Фісенка
Пераемнік Аляксандр Сычоў
 
Партыя
Адукацыя
Навуковая ступень доктар фізіка-матэматычных навук
Дзейнасць фізік, дыпламат
Месца працы
Нараджэнне 6 чэрвеня 1950(1950-06-06) (70 гадоў)
Дзеці дачка

БіяграфіяПравіць

Скончыў Беларускі дзяржаўны ўніверсітэт (1972). Працаваў у БДУ — асістэнт кафедры, ад 1986 года — дэкан фізічнага факультэта, загадчык кафедры методыкі выкладання фізікі і інфарматыкі, навуковы кіраўнік міжкафедральнага аддзялення апрацоўкі інфармацыі фізфака БДУ. У 1977 годзе абараніў кандыдацкую дысертацыю ў галіне фізіка-матэматычных навук на тэму «Даследаванне ўплыву эфекту нелінейнасці на спектральна-люмінесцэнтныя характарыстыкі складаных малекул». У 19881990 гг. — сакратар парткама БДУ. У 1990 годзе абараніў доктарскую дысертацыю ў галіне фізіка-матэматычных навук на тэму «Анізатрапія паглынання і выпрамянення святла і працэсы арыентацыйнай рэлаксацыі складаных малекул у растворах».

З 16 студзеня 1992 да 1994 — міністр адукацыі.

З 1994 г. па 19 мая 2000 г. — рэктар Рэспубліканскага інстытута вышэйшай школы.

З 1997 па 2000 год — старшыня Дзяржаўнага камітэта па навуцы і тэхналогіям Рэспублікі Беларусь.

19 мая 2000 г. указам прэзідэнта № 275 прызначаны Надзвычайным і Паўнамоцным Паслом Рэспублікі Беларусь у Аўстрыйскай Рэспубліцы і сталым прадстаўніком Рэспублікі Беларусь пры міжнародных арганізацыях у Вене, прысвоены дыпламатычны ранг Надзвычайнага і Паўнамоцнага Пасла першага класу[1]. 11 ліпеня 2000 г. уручыў даверчыя граматы генеральнаму дырэктару ЮНІДО.

З сакавіка 2005 года — намеснік міністра замежных спраў Рэспублікі Беларусь.

З 31 кастрычніка 2008 года да 11 лютага 2014 — Надзвычайны і Паўнамоцны пасол Рэспублікі Беларусь у Рэспубліцы Польшча[2], даверчыя граматы ўручыў 16 студзеня 2009 года[3].

Навуковая дзейнасцьПравіць

Аўтар больш за 100 навуковых прац па фізіцы лазернага выпраменьвання.

УзнагародыПравіць

Лаўрэат Дзяржаўнай прэміі Рэспублікі Беларусь у вобласці навукі і тэхнікі (1994 г.). 31 мая 2006 года ўзнагароджаны Ганаровай граматай Савета Міністраў Рэспублікі Беларусь[4].

Сям’яПравіць

Жанаты, мае дачку.

Зноскі

СпасылкіПравіць

Шаблон:Пастаянныя прадстаўнікі Беларусі пры міжнародных арганізацыях у Вене