Вадзім Аляксандравіч Папоў

Вадзі́м Алякса́ндравіч Папо́ў (нар. 5 ліпеня 1940, г. Дзямідаў Смаленскай вобласці, РСФСР) — беларускі дзяржаўны дзеяч.

Вадзім Аляксандравіч Папоў
Старшыня Палаты прадстаўнікоў Нацыянальнага сходу Рэспублікі Беларусь 21 лістапада 2000 — 16 лістапада 2004
Прэзідэнт	Аляксандр Лукашэнка
Кіраўнік урада	Уладзімір Ярмошын Генадзь Навіцкі Сяргей Сідорскі
Папярэднік	Анатоль Малафееў
Пераемнік	Уладзімір Канаплёў
7 кастрычніка 2007 — 27 кастрычніка 2008
Папярэднік	Уладзімір Канаплёў
Пераемнік	Уладзімір Андрэйчанка
Міністр сельскай гаспадаркі і харчавання Беларусі 14 ліпеня 2000 — 21 лістапада 2000
Прэзідэнт	Аляксандр Лукашэнка
Кіраўнік урада	Уладзімір Ярмошын
Папярэднік	Юрый Мароз
Пераемнік	Міхаіл Русы
Нараджэнне	5 ліпеня 1940(1940-07-05) (84 гады) Дзямідаў, Дзямідаўскі раён, Смаленская вобласць, РСФСР, СССР
Адукацыя	Аграмеханічны факультэт БДАТУ (1971) Мінская вышэйшая партыйная школа пры ЦК КПБ (1984)
Узнагароды

Біяграфія

У 1971 годзе скончыў Беларускі інстытут механізацыі сельскай гаспадаркі (завочна), у 1984 — Мінскую Высшую партыйную школу.

Працоўную дзейнасць пачаў у 1961 годзе механікам саўгаса ў Алтайскім краі.

З 1964 года — выкладчык Крычаўскага СПТВ – 38, інструктар, загадчык аддзела, 2-і сакратар Крычаўскага, 1-ы сакратар Краснапольскага райкамаў, інструктар Магілёўскага абкама ЛКСМБ.

У 1972 – 1976 і 1992 – 1993 гадах — дырэктар саўгаса ў Краснапольскім, намеснік старшыні калгаса ў Магілёўскім раёнах.

З 1977 года — інструктар сельскагаспадарчага аддзела ЦК КПБ, 1-ы сакратар Асіповіцкага гаркома, загадчык сельскагаспадарчага аддзела, 2-і, 1-ы сакратар Магілёўскага абкама КПБ.

З 1993 года — намеснік генеральнага дырэктара ВА «Магілёўаблаграснаб», з 1995 года — генеральны дырэктар холдзінга «Аграмашсэрвіс».

У 1999 — 2000 гадах — 1-ы намеснік міністра сельскай гаспадаркі і харчавання Рэспублікі Беларусь.

З 14 ліпеня 2000 года па 21 лістапада 2000 года — міністр сельскай гаспадаркі і харчавання Рэспублікі Беларусь.

З лістапада 2000 года — старшыня Палаты прадстаўнікоў Нацыянальнага сходу Рэспублікі Беларусь 2-га склікання.

У кастрычніку 2004 года абраны дэпутатам Палаты прадстаўнікоў Нацыянальнага сходу Рэспублікі Беларусь 3-га склікання, быў старшынёй Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах і сувязях з СНД.

З кастрычніка 2007 года — Старшыня Палаты прадстаўнікоў Нацыянальнага сходу Рэспублікі Беларусь 3-га склікання, з лістапада 2007 года — першы намеснік Старшыні Парламенцкага Сходу Саюза Беларусі і Расіі, член Вышэйшага Дзяржаўнага Савета Саюзнай дзяржавы.

Узнагароды

• Ордэн Айчыны 3 ступені
• Ордэн Працоўнага Чырвонага Сцяга
• Ганаровая грамата Вярхоўнага савета БССР

Літаратура

• Яны кіравалі горадам і раёна: Сакратары ГК КП(б)Б // Памяць. Асіповіцкі раён.- Мн.,2002.- С.644.

Спасылкі

• http://house.gov.by/index.php/,1172,4305,,,0,0,0.html Архівавана 14 кастрычніка 2007.
• Ирина Германович Вадим ПОПОВ: «Мой принцип – не путать свой карман с государственным»(руск.) // Белорусская нива. — 28 снежня 2013.