Васіль Аляксандравіч Юшкевіч
Васіль Аляксандравіч Юшкевіч (28 лютага 1897, Вільня — 15 сакавіка 1951, Масква) — савецкі ваенаначальнік, генерал-палкоўнік (1945). Член КПСС з 1919.
Васіль Аляксандравіч Юшкевіч | |
---|---|
![]() | |
Дата нараджэння | 16 (28) лютага 1897 (128 гадоў) |
Месца нараджэння | |
Дата смерці | 15 сакавіка 1951[1] (54 гады) |
Месца смерці | |
Месца пахавання | |
Альма-матар | |
Месца працы | |
Грамадзянства | |
Прыналежнасць |
![]() ![]() ![]() |
Род войскаў |
РІА РСЧА |
Гады службы | 1915—1951 |
Званне | |
Камандаваў |
100-я стралковая дывізія 13-ы стралковы корпус 44-ы стралковы корпус 22-я армія (СССР) 31-я армія (СССР) 3-я ўдарная армія Адэская ваенная акруга Прыволжская ваенная акруга |
Бітвы/войны |
Першая сусветная вайна Грамадзянская вайна ў Расіі Грамадзянская вайна ў Іспаніі Вялікая Айчынная вайна |
Узнагароды і званні | |
![]() |
Біяграфія
правіцьБеларус[2]. Нарадзіўся ў Вільні. У 1915 годзе скончыў 6 класаў камерцыйнага вучылішча і быў закліканы ў армію. Накіраваны ў Віленскае ваеннае вучылішча. У верасні 1915 года ў чыне прапаршчыка скончыў паскораны курс вучылішча, на той момант эвакуіраванага ў Палтаву.
Удзельнічаў у 1-й сусветнай вайне (камандзір узводу, роты). У Грамадзянскую вайну 1918—1920 камандаваў стралковай ротай, батальёнам, палком. Скончыў курсы ўдасканалення вышэйшага каманднага складу пры Ваеннай акадэміі імя М. У. Фрунзэ (1926 і 1928), камандаваў стралковай дывізіяй і корпусам. У 1937 быў дарадчыкам у Іспаніі; удзельнічаў у грамадзянскай вайне на баку рэспубліканскага ўраду. У пачатку Вялікай Айчыннай вайны 1941—1945 камандаваў 44-м стралковым корпусам, затым 28 жніўня-19 кастрычніка 1941 — 22-й арміяй, 19 кастрычніка 1941—19 сакавіка 1942 — 31-й арміяй, затым у красавіку 1942 — красавіку 1944 зноў 22-й арміяй, у красавіку — жніўні 1944 — 3-й ударнай арміяй. Удзельнічаў у баях на Заходнім, Калінінскім, Паўночна-Заходнім і 2-м Прыбалтыйскім франтах. Удзельнік абароны Мінска, бітвы пад Масквой. З кастрычніка 1944 года камандаваў войскамі Адэскай, у ліпені 1946 — лістападзе 1950 Прыволжскай ваеннай акругі. Дэпутат Вярхоўнага Савета СССР 2-га і 3-га скліканняў (ад 1946).
Узнагароды
правіцьУзнагароджаны 2 ордэнамі Леніна, 4 ордэнамі Чырвонага Сцяга, ордэнамі Суворава і Кутузава 1-й ступені, ордэнам Чырвонай Зоркі і медалямі.
Памяць
правіцьУ гонар Васіля Юшкевіча названая вуліца ў горадзе Паставы.
Зноскі
- ↑ а б в Юшкевич Василий Александрович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ Рэпрэсіі ў Чырвонай Арміі
Спасылкі
правіць- Юшкевич
- Энцыклапедыя гісторыі Беларусі. У 6 т.. — Мн. : БелЭн