Дзмітрыеўская царква (Шчорсы)
Царква Святога Дзмітрыя Салунскага — праваслаўны храм у в. Шчорсы, Навагрудскі раён. Помнік архітэктуры пераходнага стылю ад барока да класіцызму. Гісторыка-культурная каштоўнасці рэспубліканскага значэння.
| Праваслаўны храм | |
| Царква Святога Дзмітрыя Салунскага | |
|---|---|
 | |
| 53°39′01,30″ пн. ш. 26°10′27,52″ у. д.HGЯO | |
| Краіна |
 Беларусь |
| Вёска | Шчорсы |
| Канфесія | Руская праваслаўная царква |
| Епархія | Навагрудская епархія |
| Архітэктурны стыль | барока, класіцызм |
| Архітэктар | Дж. Сака, Я. Габрыэль |
| Будаўніцтва | 1770—1776 гады |
| Статус |
 Гісторыка-культурная каштоўнасць Беларусі, шыфр 412Г000468 |
| Стан | дзейнічае |
 |
|
 Медыяфайлы на Вікісховішчы | |
Гісторыя Правіць
.jpg)
Пабудавана па фундацыі ўладальніка маёнтка ў Шчорсах І. Л. Храптовіча паводле праекта італьянскага дойліда Дж. Сака пры ўдзеле французскага архітэктара Я. Габрыэля ў 1770—76 гг. у цэнтры вёскі як уніяцкая царква. Пацярпела ад пажару ў 1930-я гг.
Архітэктура Правіць
Аднанефавы прамавугольны ў плане будынак, накрыты двухсхільным дахам. Апсіда і бакавыя памяшканні размешчаны ў асноўным аб'ёме. На галоўным фасадзе на чатырохступеньчатым стылабаце – чатыры масіўныя слупы, што ўтвараюць порцік, завершаны трохвугольным франтонам. Над ім – невысокая вежа-званіца на чацверыковай аснове (завяршэнне вежы не захавалася). Сцяна галоўнага фасада расчлянёна плоскімі лапаткамі, паміж якімі невялікія прамавугольныя аконныя праёмы. Бакавыя фасады двух'ярусныя, падзелены шырокім прафіляваным карнізам.
Інтэр'ер Правіць
Інтэр’ер зальны з цыліндрычныя скляпенні з распалубкамі на папружных арках. Сцены дэкарыраваны падвойнымі пілястрамі карынфскага ордара. Меўся 5-ярусны іканастас на 16 абразоў, пабелены і пазалочаны. Дэкаратыўнае афармленне інтэр'ера не захавалася.
Царква абнесена драўлянай агароджай з мураванымі слупамі і трохпралётнай брамай.
Гл. таксама Правіць
Літаратура Правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Габрусь Т. В. Мураваныя харалы: Сакральная архітэктура беларускага барока / Т. В. Габрусь. — Мн.: Ураджай, 2001.— 287 с.: іл. ISBN 985-04-0499-X.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі Правіць
На Вікісховішчы ёсць медыяфайлы па тэме Дзмітрыеўская царква (Шчорсы)- Дзмітрыеўская царква (Шчорсы) на сайце Radzima.org
- Дзмітрыеўская царква на Глобусе Беларусі
