Леан Патоцкі
Леан Патоцкі (1799, Коханава, цяпер Талачынскі р-н — 1864; Псеўданімы: Bonawentura z Kochanowa) — мемуарыст.
| Леан Патоцкі | |
|---|---|
| Нараджэнне |
14 ліпеня 1799[1] |
| Смерць |
6 снежня 1864[2] (65 гадоў) |
| Род | Патоцкія |
| Бацька | Станіслаў Фларыян Патоцкі[d] |
| Маці | Юзэфа з Салагубаў[d] |
| Адукацыя | |
| Узнагароды |
 |
З роду графаў Патоцкіх. Бацька Леана Патоцкага Станіслаў актыўна браў удзел у палітычным жыцці Рэчы Паспалітай, быў ад'ютантам Тадэвуша Касцюшкі, а ў часы Варшаўскага герцагства — Фрыдрыха Аўгуста. Маці — Юзэфа з Салагубаў. Дзяцінства і маладосць Леан Патоцкі правёў у вышэйшых колах Варшавы, вучыўся ў Свіслацкай гімназіі, скончыў Варшаўскі ўніверсітэт. Разам з айчымам, Тадэвушам Тышкевічам, актыўна браў удзел у паўстанні 1830—1831 г. на тэрыторыі Літвы.
Найбольш вядомы яго 3-томны твор «Мемуары пана Камертона», выдадзены пасля смерці Леана Патоцкага. У «Мемуарах…» апісаны гістарычныя мясціны і помнікі, паданні, песні, звычаі і абрады літоўскага народа на тэрыторыі Курляндыі і Жамойці. Таксама «Мемуары…» змяшчаюць апісанні і звесткі пра стан буйных магнацкіх рэзідэнцый 1820-1840-х гадоў, у т.л. тышкевічавай Свіслачы, сапегавых Дзярэчына і Ружанаў, радзівілаўскім Нясвіжы, Ляхавічаў часоў гетмана Міхала Масальскага, Зэльвы. Леан Патоцкі піша не толькі пра сустрэчы з уладальнікамі рэзідэнцый, але і дае розныя гістарычныя звесткі, паданні, анекдоты пра ўладальнікаў, асвятляе гісторыю старажытных родаў.
Зноскі
- ↑ Leon Potocki // Internetowy Polski Słownik Biograficzny
- ↑ Dr. Constant v. Wurzbach Potocki, Leon // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 23. — S. 164.
Літаратура
правіць- Патоцкі Л. Успаміны пра Тышкевічаву Свіслач, Дзярэчын і Ружану / Л. Патоцкі; укл., прадмова, камент. А. М. Філатавай; пер. з польск. І. У. Саламевіча. — Мн., 1997.