Сінча

Сінча́ (трансліт.: Sinča, руск.: Синча) — вёска ў Пухавіцкім раёне Мінскай вобласці. Уваходзіць у склад Дубраўскага сельсавета.

Вёска Сінча Краіна Беларусь Вобласць Мінская Раён Пухавіцкі Сельсавет Дубраўскі Каардынаты 53°26′16″ пн. ш. 28°04′51″ у. д. Насельніцтва 106 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244870066 Сінча на карце Беларусі ±

Сінча на Вікісховішчы

Геаграфія

Месціцца за 10 км на паўднёвы захад ад Мар’інай Горкі, 10 км ад чыгуначнай станцыі Пухавічы на лініі Мінск-Асіповічы.

Гісторыя

Пад уладай Расійскай імперыі

У 19 ст. у Ігуменскім павеце Мінскай губерні, уласнасць Ратынскіх.

У 1897 годзе працавалі 2 лаўкі і вінакурны завод.

У пачатку 20 ст. у Амельнянскай воласці, побач з вёскай знаходзілася аднаіменны маёнтак Ратынскага. Працавала школа царкоўнай граматы (адкрыта ў 1903 г.).

Летам 1905 г. адбылося сялянскае хваляванне. Выступленне былопадаўлена салдатамі, яго арганізатары арыштаваны.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 года вёска знаходзілася пад польскай уладай.

Пасля рэвалюцый працавала працоўная школа 1-ай ступені, у якой у 1922 г. вучыліся 86 дзяцей, у тым ліку 26 дзяўчынак, працавалі 2 настаўніка.

З 1924 г. да 1965 г. цэнтр Сінчанскага сельсавета.

У 1933 г. быў створаны саўгас "Сінча", працавала кузня, маслабойня, стальмашня, шорная майстэрня.

У часе Другой сусветнай вайны з канца чэрвеня 1941 г. да пачатку ліпеня 1944 г. акупіравана нямецкімі войскамі. У жніўні 1941 г. пасёлак спалены, загінула 7 жыхароў.

Насельніцтва

• 1816 год — 37 двароў, каля 200 жыхароў.
• 1897 год — 84 двары, 532 жыхары жыхароў.
• пачатак XX ст. — 101 двор, 647 жыхароў. Маёнтак - 1 гаспадарка, 142 жыхара.
• 1 студзеня 2002 — 78 двароў, 163 жыхары.

Турыстычная інфармацыя

Славутасці

• Гаспадарчы двор.

Страчаная спадчына

Сядзіба Рарынскіх (1901-17)

• Сядзібна-паркавы ансамбль Ратынскіх (XVIII ст.).

Гл. таксама

• Сінчанскі сельсавет

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы ёсць медыяфайлы па тэме Сінча