Аляксандр Віталевіч Ксенафонтаў
Аляксандр Ксенафонтаў (нар. 5 мая 1999) — беларускі футбаліст, паўабаронца жодзінскага «Тарпеда-БелАЗ».
Поўнае імя | Аляксандр Віталевіч Ксенафонтаў | ||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
5 мая 1999[1] (25 гадоў) |
||||||||||||||||||||||||
Грамадзянства | Беларусь | ||||||||||||||||||||||||
Рост | 180 см | ||||||||||||||||||||||||
Вага | 79 кг[3] | ||||||||||||||||||||||||
Пазіцыя | паўабаронца | ||||||||||||||||||||||||
Інфармацыя пра клуб | |||||||||||||||||||||||||
Клуб | Тарпеда-БелАЗ | ||||||||||||||||||||||||
Нумар | 55 | ||||||||||||||||||||||||
Клубная кар’ера[* 1] | |||||||||||||||||||||||||
|
|||||||||||||||||||||||||
Нацыянальная зборная[* 2] | |||||||||||||||||||||||||
|
|||||||||||||||||||||||||
Клубная кар’ера
правіцьВыхаванец футбольнага клуба «Мінск», з 2015 года пачаў выступаць за дубль мінскага «Дынама». У другой палове 2017 года замацаваўся ў рэзервовай камандзе дынамаўцаў. У першай палове 2018 года з 7 галамі быў адным з найлепшых бамбардзіраў турніру дублёраў.
У жніўні 2018 года разам з іншымі маладымі дынамаўцамі быў аддадзены ў арэнду клубу Першай лігі «Чысць»[4]. У складзе «Чысці» забіў чатыры галы, але не здолеў выратаваць каманду ад вылету ў Другую лігу. У студзені 2019 года некаторы час трэніраваўся з «Энергетыкам-БДУ», аднак пазней вярнуўся ў «Дынама», пачаўшы сезон 2019 у дублі.
26 чэрвеня 2019 года ўпершыню з’явіўся на полі ў складзе асноўнай каманды «Дынама», выйшаўшы ў стартавым складзе ў матчы Кубка Беларусі супраць мікашэвіцкага «Граніта» (2:0). Дэбютаваў у Вышэйшай лізе 14 ліпеня 2019 года ў матчы супраць брэсцкага «Дынама» (2:1), калі выйшаў у стартавым складзе і быў заменены ў другім тайме.
У снежні 2019 года падоўжыў кантракт з дынамаўцамі[5]. У студзені 2020 года праходзіў беспаспяховы прагляд у бабруйскай «Белшыне», а пазней далучыўся да «Віцебска», які ў лютым 2020 года арандаваў паўабаронцу[6]. У сезоне 2020 гуляў няшмат, значную частку сезона прапусціў з-за траўм. У снежні 2020 года «Віцебск» набыў паўабаронцу на трывалай аснове[7]. У сезоне 2021 замацаваўся ў стартавым складзе віцебскай каманды. У студзені 2022 года падоўжыў пагадненне з клубам[8].
У жніўні 2022 года па пагадненні бакоў разарваў кантракт з «Віцебскам»[9] і неўзабаве далучыўся да маскоўскай «Родзіны»[10].
У студзені 2023 года быў арандаваны жодзінскім «Тарпеда-БелАЗ» з правам выкупу[11]. У сакавіку 2024 года быў выкуплены жодзінскім клубам, з якім падпісаў паўнавартасны кантракт[12].
Міжнародная кар’ера
правіцьУ верасні і кастрычніку 2015 года выступаў за юнацкую зборную Беларусі (да 17 гадоў) у адборачным раўндзе чэмпіянату Еўропы. У студзені 2016 года ў складзе юнацкай зборнай Беларусі прымаў удзел у Кубку Развіцця ў Мінску.
26 сакавіка 2019 года дэбютаваў у матчы за моладзевую зборную Беларусі, калі выйшаў на замену ў таварыскім матчы супраць Літвы (1:0).
Дасягненні
правіць- Бронзавы прызёр чэмпіянату Беларусі: 2023
- Уладальнік Кубка Беларусі: 2023
- Уладальнік Суперкубка Беларусі: 2024
Статыстыка выступленняў
правіцьСезон | Дывізіён | Клуб | Краіна | Матчы | Галы |
---|---|---|---|---|---|
2015 | дубль | Дынама | 4 | 1 | |
2016 | дубль | Дынама | 4 | 0 | |
2017 | дубль | Дынама | 19 | 4 | |
2018 (1) | дубль | Дынама | 14 | 7 | |
2018 (2) | Д2 | Чысць | 12 | 4 | |
2019 | Д1 | Дынама | 4 | 0 | |
2020 | Д1 | Віцебск | 10 | 1 | |
2021 | Д1 | Віцебск | 29 | 5 | |
2022 (1) | Д1 | Віцебск | 14 | 3 | |
2022/23 (1) | Д2 | Родзіна | 7 | 0 | |
2023 | Д1 | Тарпеда-БелАЗ | 25 | 4 |
Крыніцы
правіць- ↑ Aleksandr Ksenofontov // Transfermarkt — 2000. Праверана 9 кастрычніка 2017.
- ↑ https://footballfacts.ru/person/569736
- ↑ https://teams.by/aleksandr-ksenafontov/player-149576/
- ↑ «Чисть» арендовала у минского «Динамо» Капова, Мироевского и Ксенофонтова (руск.). by.tribuna.com.
- ↑ Минское "Динамо" продлило контракт с Ксенофонтовым (руск.). football.by (19 снежня 2019). Праверана 16 лютага 2024.
- ↑ Хавбек Ксенофонтов из минского "Динамо" перешел в "Витебск" (руск.). football.by (11 лютага 2020). Праверана 16 лютага 2024.
- ↑ "Витебск" выкупил Александра Ксенофонтова (руск.). football.by (4 снежня 2020). Праверана 16 лютага 2024.
- ↑ "Витебск" продлил контракты с Красновым и Ксенофонтовым (руск.). football.by (21 студзеня 2022). Праверана 16 лютага 2024.
- ↑ "Витебск" объявил о расставании с Ксенофонтовым (руск.). football.by (9 жніўня 2022). Праверана 16 лютага 2024.
- ↑ Александр Ксенофонтов стал одноклубником Рэймонда Адеолы в "Родине" (руск.). football.by (13 жніўня 2022). Праверана 16 лютага 2024.
- ↑ Платная аренда с правом выкупа — стало известно, на каких условиях Александр Ксенофонтов перешел в "Торпедо-БелАЗ" (руск.). football.by (25 студзеня 2023). Праверана 16 лютага 2024.
- ↑ "Торпедо-БелАЗ" выкупил все права у "Родины" на Александра Ксенофонтова (руск.). football.by (27 сакавіка 2024). Праверана 28 сакавіка 2024.