Аляксей Аляксандравіч Цяслюк
Аляксей Цяслюк (нар. 10 студзеня 1994, Давыд-Гарадок) — беларускі футбаліст, нападнік.
 Аляксей Цяслюк | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||
| Агульная інфармацыя | |||||||||||||||||||
| Поўнае імя | Аляксей Аляксандравіч Цяслюк | ||||||||||||||||||
| Нарадзіўся |
10 студзеня 1994[1] (30 гадоў) |
||||||||||||||||||
| Грамадзянства |
 Беларусь |
||||||||||||||||||
| Рост | 183 см | ||||||||||||||||||
| Вага | 74 кг[2] | ||||||||||||||||||
| Пазіцыя | нападнік | ||||||||||||||||||
| Інфармацыя пра клуб | |||||||||||||||||||
| Клуб | няма | ||||||||||||||||||
| Клубная кар’ера[* 1] | |||||||||||||||||||
|
|||||||||||||||||||
| Нацыянальная зборная[* 2] | |||||||||||||||||||
|
|||||||||||||||||||
Клубная кар’ера правіць
Нягледзячы на тое, што нарадзіўся ў Брэсцкай вобласці, футболам пачаў займацца ў Гомелі, першая футбольная школа — гомельскі клуб «Спартак».
З сезона 2011 пачаў выступаць за дубль «Гомеля». 2 лютага 2012 года, пасля выпуску з цэнтру падрыхтоўкі рэзерву, падпісаў першы прафесійны кантракт з «Гомелем» тэрмінам на 3 гады[3]. Сезон 2012 правёў у дублі, дзе згуляў 25 матчаў, забіў 5 галоў і аддаў 2 галявыя перадачы.
Летам 2012 года Аляксея заўважылі скаўты маскоўскага «Спартака» падчас таварыскага матча паміж юнацкімі зборнымі Расіі і Беларусі[4]. З 31 ліпеня да 10 жніўня 2012 года Цяслюк праходзіў прагляд у моладзевай камандзе «чырвона-белых». Прагляд падпісаннем кантракта не скончыўся і ігрок вярнуўся ў «Гомель». У сезоне 2012 разам з партнёрамі па камандзе стаў пераможцам першынства дублюючых складаў каманд Вышэйшай лігі.
У студзені 2013 года разам з іншымі ігракамі «залатога дубля» быў пераведзены ў асноўную каманду «Гомеля»[5]. 30 чэрвеня 2013 года Аляксей дэбютаваў за «Гомель» у матчы чэмпіянату Беларусі супраць брэсцкага «Дынама», выйшаўшы на замену ў дадатковы час. У далейшым працягваў гуляць за дубль у сезонах 2013—2014, часам з’яўляўся ў асноўнай камандзе, выходзячы на замену.
У сакавіку 2015 года падоўжыў кантракт з гамяльчанамі[6]. 10 красавіка 2015 года забіў свой першы гол за «Гомель» у Вышэйшай лізе, які дапамог перамагчы «Белшыну» 2:0. Гэты гол стаў таксама першым голам чэмпіянату 2015[7]. У далейшым Цяслюк здолеў замацавацца ў аснове «Гомеля», з 5 галамі стаў найлепшым бамбардзірам каманды ў сезоне пасля Генадзя Блізнюка.
Па заканчэнні сезона 2015 цікавасць да Цяслюка праяўляла мінскае «Дынама», а ў лютым 2016 года нападнік ездзіў на прагляд у кіеўскае «Дынама-2»[8]. Аднак у выніку ў сакавіку 2016 года падоўжыў кантракт з «Гомелем» на два гады[9]. Па выніках сезона 2016 дапамог «Гомелю» вярнуцца ў Вышэйшую лігу. Сезон 2017 пачынаў у стартавым складзе гамяльчан на пазіцыі цэнтральнага нападніка, пазней страціў месца ў аснове і стаў пераважна выхадзіць на замену. У снежні 2017 года яшчэ на год падоўжыў кантракт з гомельскім клубам[10].
У жніўні 2018 года быў аддадзены ў арэнду ў «Смалявічы» да канца сезона[11]. Са жніўня да кастрычніка адсутнічаў з-за траўмы, пазней зноў стаў з’яўляцца на полі. У снежні 2018 года па заканчэнні арэнды вярнуўся ў «Гомель».
У пачатку 2019 года рыхтаваўся да новага сезона з гомельскай камандай, аднак у сакавіку 2019 года перайшоў у брэсцкі «Рух»[12]. У складзе брэсцкай каманды чаргаваў выхады ў стартавым складзе і на замену. У студзені 2020 года разарваў кантракт з «Рухам»[13] і стаў трэніравацца з «Гомелем», з якім неўзабаве падпісаў пагадненне[14]. Спачатку з’яўляўся ў стартавым складзе каманды, пазней страціў месца ў аснове.
У пачатку 2021 года трэніраваўся з рэчыцкім «Спадарожнікам», а пазней далучыўся да пінскай «Хвалі», з якой у сакавіку падпісаў кантракт[15]. Замацаваўся ў стартавым складзе каманды, з 12 галамі стаў яе найлепшым бамбардзірам у сезоне. У студзені 2022 года па пагадненні бакоў пакінуў пінскі клуб[16] і неўзабаве стаў іграком гомельскага «Лакаматыва»[17]. Пакінуў «Лакаматыў» у снежні 2022 года[18].
Міжнародная кар’ера правіць
Выступаў за юнацкія зборныя Беларусі. Улетку 2013 года выступаў за малодшую моладзевую зборную Беларусі (да 20 гадоў).
16 студзеня 2015 года дэбютаваў у зборнай да 21 года ў матчы супраць Туркменістана на Кубку Садружнасці. У гэтым матчы адзначыўся голам, які прынёс беларусам перамогу 1:0.
Дасягненні правіць
Пераможца Першай лігі чэмпіянату Беларусі: 2016
Статыстыка выступленняў правіць
| Сезон | Дывізіён | Клуб | Краіна | Матчы | Галы |
|---|---|---|---|---|---|
| 2011 | дубль | Гомель |  |
12 | 1 |
| 2012 | дубль | Гомель | |
25 | 5 |
| 2013 | Д1 | Гомель | |
3 | 0 |
| 2014 | Д1 | Гомель | |
10 | 0 |
| 2015 | Д1 | Гомель | |
25 | 5 |
| 2016 | Д2 | Гомель | |
22 | 5 |
| 2017 | Д1 | Гомель | |
20 | 2 |
| 2018 (1) | Д1 | Гомель | |
8 | 0 |
| 2018 (2) | Д1 | Смалявічы | |
5 | 1 |
| 2019 | Д2 | Рух | |
20 | 4 |
| 2020 | Д2 | Гомель | |
14 | 2 |
| 2021 | Д2 | Хваля | |
31 | 12 |
| 2022 | Д2 | Лакаматыў | |
18 | 3 |
Зноскі
- ↑ Aleksey Teslyuk // Transfermarkt — 2000. Праверана 9 кастрычніка 2017.
- ↑ https://www.pressball.by/footballstat/aleksey_tesljuk/
- ↑ «Гомель» подписал новый контракт с игроком юношеской сборной Беларуси(недаступная спасылка)
- ↑ «Спартак» просматривает вингера из «Гомеля»
- ↑ 8 игроков дубля «Гомеля» переведены в основной состав клуба
- ↑ Алексей Теслюк продлил контракт с "Гомелем"
- ↑ Алексей Теслюк стал автором первого гола в 25-м чемпионате Беларуси
- ↑ Теслюк съездил на просмотр в киевское «Динамо-2»
- ↑ "Гомель" на два года продлил контракт с Алексеем Теслюком
- ↑ Теслюк продлил контракт с «Гомелем»
- ↑ "Смолевичи" взяли в аренду у "Гомеля" Теслюка
- ↑ Теслюк перешел в "Рух"
- ↑ "Рух" расторг контракт с Теслюком
- ↑ Теслюк подписал соглашение с "Гомелем"
- ↑ Милевский, Теслюк и Ходенков стали игроками "Волны"
- ↑ Милевский и Теслюк расторгли контракты с "Волной"
- ↑ Первая лига все-таки без "Крумкачоў", "Волна" без лучшего бомбардира, усиление "Локо"
- ↑ Гомельский "Локомотив" попрощался с Теслюком, пять игроков покинули команду по истечении арендных соглашений (руск.). pressball.by (28 снежня 2022). Праверана 30 снежня 2022.