Андрусь Горват
Андрэй Іванавіч Горват ці часцей Андрусь Горват (нар. 1983[1]) — беларускі пісьменнік і журналіст, найбольш вядомы кнігай «Радзіва „Прудок“»; прадпрымальнік у сферы турызму[2].
| Андрусь Горват | |
|---|---|
| Асабістыя звесткі | |
| Дата нараджэння | 1983 |
| Месца нараджэння | |
| Грамадзянства | |
| Альма-матар | |
| Прафесійная дзейнасць | |
| Род дзейнасці | пісьменнік, журналіст, грамадскі дзеяч, публіцыст |
| Мова твораў | беларуская |
| Прэміі |
|
 Медыяфайлы на Вікісховішчы | |
БіяграфіяПравіць
У 2006 г. скончыў факультэт журналістыкі БДУ.
З восені 2013 г. да сакавіка 2015 г. працаваў дворнікам Купалаўскага тэатра[3]. Пасля пераехаў у вёску Прудок на Палессі. Падчас свайго жыцця ў Прудку актыўна рабіў запісы на сваёй старонцы ў Facebook. Гэтыя запісы і сталі асновай для кнігі «Радзіва „Прудок“».
У 2016 годзе праз сайт «Талака» сабраў 5290 рублёў з ахвяраванняў 364 асоб на выданне кнігі, якую пісаў 3 гады (з 2014 года). Кніга выпускалася некалькі разоў і агульны тыраж дасягнуў больш за 7000 асобнікаў. Пасля выдання кнігі выдаліў свой акаўнт у Facebook.
16 мая 2018 года адбылася прэм’ера спектакля «Радзіва „Прудок“» у тэатры імя Янкі Купалы. Рэжысёр спектакля — Раман Падаляка, ролю Андруся выканаў Міхаіл Зуй, таксама ўдзельнічаюць Святлана Анікей, Дзмітрый Есяневіч[4]. Першыя паказы шлі з вялікімі аншлагамі, квіткі на пяць чэрвеньскіх паказаў былі распроданы за 6 гадзін пасля пачатку продажаў[5].
У снежні 2018 года ў кнігарнях з’явілася другая кніга аўтара «Прэм’ера», на якой ён быў пазначаны як Андрэй Горват. Да выхаду кнігі аўтар не запланаваў аўтограф-сесій і іншых мерапрыемстваў[6].
24 мая 2021 г. у якасці прадпрымальніка ў сферы турызму прысутнічаў у Нароўлі на дыялогавай пляцоўцы па развіцці ўнутранага і прамысловага турызму Нараўлянскага раёна[7].
5 кастрычніка 2022 г. падарыў Нараўлянскаму гісторыка-этнаграфічнаму музею кнігу Уладзіміра Тугая «Чырвоны Мазыранін» (2022), купленую Горватам за свой кошт; на кнізе Андрэй Горват пакінуў свой дарчы аўтограф[8].
ПрэмііПравіць
- «Дэбют» (2017) за кнігу «Радзіва „Прудок“».
- «Залатая літара» (2017) за кнігу «Радзіва „Прудок“».
- Шорт-ліст прэмі Ежы Гедройца (2017) за кнігу «Радзіва „Прудок“».
БібліяграфіяПравіць
- 2016 — Радзіва «Прудок». Дзённік
- 2018 — Прэм’ера: аповесць.
Тэатр Польскі ў Быдгашчы. Спектакль «Радзіва Прудок».
Прэм’ера.
Радзіва «Прудок». Дзённік.
ДакументалістыкаПравіць
Разам з Васілём Васілевічам Чайкам (нар. 1965) прыняў удзел у стварэнні дакументальна-пазнавальнага фільму аўтарства і рэжысуры Аляксандра Матафонава «Лабірынты. Зачараваныя замкі панаў Горватаў» (2009) для беларускага тэлебачання[9].
Набыццё руін будынка былога палаца Горватаў у НароўліПравіць
Звяртаючы ўвагу на сугучнасць прозвішчаў, беларускі пісьменнік і журналіст Андрэй Іванавіч Горват з юнацкіх гадоў пачаў вывучаць гісторыю шляхецкага роду Горватаў і гісторыю родавых сядзіб, каб даведацца пра патэнцыйныя сваяцкія адносіны. Сам Андрэй Горват паходзіць з прыгонных сялян вёскі Прудок (Калінкавіцкі раён, Гомельская вобласць, Беларусь) і лічыць, што яго продкі, паводле ўласных генеалагічных даследаванняў, могуць паходзіць ад шляхціца Кандрата Горвата (сына Гілярыя-Ваўрынца Нікшыча-Горвата)[10], нашчадкі якога збяднелі і перайшлі ў стан сялян.
Андрэй Горват таксама з 2006 г. хадзіў з думкай, каб набыць занядбаны і струхлелы будынак былога палаца Горватаў у Нароўлі, каб папярэдзіць яго поўны заняпад і знішчэнне і захаваць напамін аб слаўным родзе Горватаў[11]. У занядбаным будынку абваліўся дах, многа дзе адсутнічала падлога і вокны.
12 лістапада 2020 г. Андрэй Горват, бізнесмены Пётр Кузняцоў (Гомель) і Аляксандр Баранаў (Мазыр) разам набылі за 53 357 беларускіх рублёў 63 капейкі[12] (прыблізна 21 тысяча долараў ЗША) ва ўласнасць на аўкцыёне руіны былога палаца Горватаў у Нароўлі, пад вельмі абмежавальныя ўмовы на 5 гадоў — кансервацыі, рэстаўрацыі і пераводу ў камерцыйнае выкарыстанне[13]. Калі ўмовы не будуць выкананы за 5 гадоў, то руіны будынка палаца павінны быць вернуты ва ўласнасць дзяржавы. Андрэй Горват узяў кіраванне па частковай кансервацыі і антыаварыйным работам з дапамогай валанцёраў і краўдфандзінгу. Сам Горват выказваўся, што хацеў бы зрабіць з палаца Горватаў у Нароўлі музейны комплекс з функцыямі гатэля і рэстарана[14][15][16].
Зноскі
- ↑ https://nashaniva.by/?c=ar&i=166088
- ↑ В Наровле на диалоговой площадке обсудили идеи развития внутреннего и промышленного туризма
- ↑ https://news.tut.by/culture/535717.html Архівавана 30 сакавіка 2017.
- ↑ Спектаклі | Нацыянальны акадэмічны тэатр імя Янкі Купалы (kupalauski.by)
- ↑ Спектакль «Радзіва „Прудок“» покажут в Минске в Купаловском театре (tut.by)
- ↑ В обстановке строгой секретности. Увидела свет вторая книга Горвата (nn.by)
- ↑ В Наровле на диалоговой площадке обсудили идеи развития внутреннего и промышленного туризма
- ↑ НЕ ТОЛЬКО О КНИГЕ
- ↑ Лабірынты. Зачараваныя замкі паннаў Горватаў
- ↑ «Я — дзясятае, юбілейнае пакаленне Горватаў у Прудку»
- ↑ «Главное — спасти его от разрушения». Писатель Андрей Горват вместе с друзьями купил дворец Горваттов в Наровле
- ↑ Наровлянский дворец Горваттов продан на электронных торгах
- ↑ Стало известно, кто купил наровлянский дворец Горватов. Это писатель Андрей Горват
- ↑ Спыніць час. Нароўля, палац Горватаў
- ↑ Нароўля. Знаёмства з Гомельшчынай
- ↑ Как Андрей Горват с волонтерами восстанавливает дворец в Наровле
СпасылкіПравіць
- 32-гадовы мінчук пераехаў жыць у дзедаву хату ў глухім Палессі.
- Алфавіт Андруся Горвата.
- Калита И. Возврат к «корням» — дорога в будущее. «Радио ‹Прудок›» — новое слово в современной беларусской литературе. Opera Slavica XXVIII. — 2018. — 3. — с. 33—44. DOI: 10.5817/OS2018-3-3
- Калита И. Состоялась ли Премьера? Opera Slavica XXIX. — 2019. — 3. — с. 33—42. DOI: 10.5817/OS2019-3-4