Нараўлянскі раён
Нараўля́нскі раён — адміністрацыйна-тэрытарыяльная адзінка ў складзе Гомельскай вобласці. Размешчаны ў зоне правабярэжжа ніжняга цячэння ракі Прыпяць. Мяжуе з Ельскім, Мазырскім і Хойніцкім раёнамі Беларусі, Корасценскім і Вышгарадскім раёнамі Украіны.
| Нараўлянскі раён | |||
|---|---|---|---|
|
|||
| Краіна | |||
| Уваходзіць у | Гомельская вобласць | ||
| Адміністрацыйны цэнтр | Нароўля | ||
| Дата ўтварэння |
17 ліпеня 1924, 25 снежня 1962 |
||
| Дата скасавання | 6 студзеня 1965 | ||
| Кіраўнік | Сяргей Віктаравіч Дылюк[d][1][2] | ||
| Афіцыйныя мовы |
Родная мова: беларуская 70,5 %, руская 28,06 % Размаўляюць дома: беларуская 46,06 %, руская 52,35 %[3] |
||
| Насельніцтва (2009) |
11 371 чал.[3] (21-е месца) | ||
| Шчыльнасць | 7,16 чал./км² (21-е месца) | ||
| Нацыянальны склад |
беларусы — 89,05 %, рускія — 6,28 %, украінцы — 2,82 %, палякі — 1,11 %, іншыя — 0,74 %[3] |
||
| Плошча |
1 588,82[4] км² (14-е месца) |
||
| Вышыня над узроўнем мора |
111 м[5] | ||
 |
|||
| Афіцыйны сайт | |||
 Нараўлянскі раён на Вікісховішчы |
|||
.svg){kind=small}
Рэльеф і глебаПравіць
Пераважная частка тэрыторыі раёна знаходзіцца ў межах Прыпяцкага прагіну, паўднёвая — на схіле Украінскага шчыта. 85 % тэрыторыі — на вышыні 120—140 м , 8 % — на вышыні 140—160 м і 7 % — на вышыні 100—110 м. Пры геамарфалагічным раянаванні Нараўлянскі раён адносіцца да Прыдняпроўскай ледавіковай галіны Беларускага Палесся.
Пераважаюць дзярнова-падзолістыя, слабападзолістыя глебы. Ураджайнасць зямлі невысокая, пераважаюць кіслыя глебы.
Сельскагаспадарчыя ўгоддзі Нараўлянскага раёна — дзярнова-падзолістыя (14,3 %), дзярнова-падзолістыя забалочаныя (48,8 %), дзярнова-балотныя (2,9 %), тарфяна-балотныя і алювіяльныя (34,0 %).
Азёры і рэкіПравіць
Рачная сетка раёна адносіцца да басейна Чорнага мора і злучана з ім Дняпром. Частата рачной сеткі — 15 км на 100 км². Асноўная рака — Прыпяць. Даўжыня ракі — 802 км, плошча вадазбору — 121 тыс. км².
Карысныя выкапніПравіць
Раён мае невялікія адклады торфу. Торф нізінны. Глыбіня залягання — 1,34 м. Радовішчы размяшчаюцца на 292 га. На тэрыторыі раёна, каля вёсак Гута і Заракітнае, знойдзена каменная (павараная) соль. Глыбіня залягання ад 300 да 2500 м. Магутнасць саляной тоўшчы да 2 км. У Нараўлянскім раёне ёсць два радовішчы глін — Галоўчыцкае і Вепранскае.
ГісторыяПравіць
- гл. таксама Гісторыя Нароўлі
.jpg)
Нараўлянскі раён утвораны 17 ліпеня 1924 года ў складзе Мазырскай акругі БССР. Цэнтр — мястэчка Нароўля. 20 жніўня 1924 года падзелены на 13 сельсаветаў: Барбароўскі, Бярозаўскі, Вербавіцкі, Вуглоўскі, Галоўчыцкі, Даўлядоўскі, Дзямідаўскі, Дзёрнавіцкі, Красноўскі, Махаедаўскі, Нараўлянскі, Хаткаўскі, Цешкаўскі. У 1925 годзе ўтвораны Аляксандраўскі сельсавет. 24 верасня 1926 года Аляксандраўскі сельсавет рэарганізаваны ў нацыянальны польскі сельсавет, Бярозаўскі сельсавет — у нацыянальны нямецкі сельсавет. 4 жніўня 1927 года да раёна далучаны Бібікаўскі, Кустаўніцкі нацыянальны польскі, Міхалкаўскі і Тварычаўскі нацыянальны польскі сельсаветы скасаванага Слабадскога раёна. 21 лютага 1929 года ўтвораны Акопскі нацыянальны ўкраінскі сельсавет. У 1930 годзе Тварычаўскі нацыянальны польскі сельсавет перададзены ў склад Мазырскага раёна.
26 ліпеня 1930 года (пасля скасавання акруговага падзелу ў БССР) раён у прамым падначаленні БССР — да 21 чэрвеня 1935 г. 25 красавіка 1931 года Хаткаўскі сельсавет рэарганізаваны ў нацыянальны ўкраінскі сельсавет. 5 красавіка 1935 года Мазырскаму раёну перададзены Бібікаўскі сельсавет. З 21 чэрвеня 1935 года раён у складзе Мазырскай акругі. 23 жніўня 1937 года Аляксандраўскі і Кустаўніцкі нацыянальныя польскія сельсаветы скасаваны. У 1937 годзе скасаваны Бярозаўскі нацыянальны нямецкі сельсавет, Акопскі і Хаткаўскі нацыянальныя ўкраінскія сельсаветы рэарганізаваны ў беларускія сельсаветы.
З 20 лютага 1938 года раён у складзе Палескай вобласці. 27 верасня 1938 года мястэчка Нароўля атрымала статус гарадскога пасёлка. 20 красавіка 1939 года Махаедаўскі сельсавет перайменаваны ў Кіраўскі сельсавет. 3 ліпеня 1939 года Міхалкаўскі сельсавет перададзены Мазырскаму раёну.
З 8 студзеня 1954 года раён у складзе Гомельскай вобласці. 16 ліпеня 1954 года скасаваны Акопскі, Дзямідаўскі і Хаткаўскі сельсаветы. 29 кастрычніка 1959 года скасаваны Цешкаўскі сельсавет. 26 красавіка 1962 года Нараўлянскі сельсавет перайменаваны ў Завайцянскі. 25 снежня 1962 года раён скасаваны, гарадскі пасёлак Нароўля, Барбароўскі, Вербавіцкі, Вуглоўскі, Галоўчыцкі, Даўлядоўскі, Дзёрнавіцкі, Завайцянскі, Кіраўскі, Красноўскі сельсаветы перададзены Ельскаму раёну.
6 студзеня 1965 года Нараўлянскі раён утвораны зноў, уключаў гарадскі пасёлак Нароўля, Вербавіцкі, Вуглоўскі, Галоўчыцкі, Даўлядоўскі, Дзёрнавіцкі, Завайцянскі, Кіраўскі і Красноўскі сельсаветы.
3 лістапада 1971 года Нароўля атрымала статус горада раённага падпарадкавання. 8 студзеня 1987 года скасаваны Вуглоўскі, Даўлядоўскі і Дзёрнавіцкі сельсаветы.
20 кастрычніка 1995 года Нараўлянскі раён і горад Нароўля аб’яднаны ў адну адміністрацыйную адзінку.
26 верасня 2006 года скасаваны Красноўскі сельсавет[6]. 1 снежня 2009 года скасаваны Завайцянскі сельсавет, утвораны Нараўлянскі сельсавет[7].
Старшыні райвыканкамаПравіць
- ?—? — Н.У. Масюк
- ?—? — М.А. Фаляйчук
- ?—? — В.П. Меркуль
- ?—? — В.Ф. Мураўёў
- ?—? — Я.В. Элькін
- 1940—1941 — Данііл Фёдаравіч Булава (1908—1953)
- 10 снежня 1943—? — Ф.А. Садоўскі
- ?-1944—? — Данііл Фёдаравіч Булава (1908—1953)
- ?-1944—? — І.М. Качанаў
- ліпень 1946—? — Данііл Фёдаравіч Булава (1908—1953)
- ?—? — І.М. Кацапаў
- ?—? — П.Т. Лішафаеў
- ?—? — Альгерд Адамавіч Садоўскі (1907—1979)
- ?—? — А.П. Мацкевіч
- ?—? — А.В. Рагалевіч
- ?—? — В.І. Сямёнаў
- ?—? — А.А. Зайцаў
- ?—? — А.І. Караткевіч
- ?—? — М.Е. Хобатаў
- ?-1986—1990-? — Мікалай Мартынавіч Маркоўскі
- ?-1993—1994 — У.С. Кураленя
- 1994—1996 — Мікалай Міхайлавіч Шаўцоў (нар. 1948)
- 1996— 11 сакавіка 2018 — Валерый Васілевіч Шляга
- 12 сакавіка 2018 — 15 студзеня 2019 — Павел Аляксандравіч Сілівончык
- 15 студзеня — 26 снежня 2019 — Руслан Іванавіч Смірноў
- з 27 снежня 2019 — Сяргей Віктаравіч Дылюк[8][9].
Вядомыя ўраджэнцы і жыхарыПравіць
- Галіна Канстанцінаўна Васіленка
- Іван Міхайлавіч Шаўрэй (1956—2020), непасрэдны ўдзельнік ліквідацыі аварыі на Чарнобыльскай АЭС, ганаровы грамадзянін Нараўлянскага раёна
Гл. таксамаПравіць
Зноскі
- ↑ http://narovlya.gov.by/ru/committee/
- ↑ http://president.gov.by/ru/news_ru/view/prinjatie-kadrovyx-reshenij-22708/
- ↑ 3,0 3,1 3,2 Вынікі перапісу 2009 года
- ↑ «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
- ↑ GeoNames — 2005. Праверана 9 ліпеня 2017.
- ↑ Решение Гомельского областного Совета депутатов от 26 сентября 2006 г. № 295 Об изменении административно-территориального устройства районов Гомельской области Архівавана 22 верасня 2019.
- ↑ Решение Гомельского областного Совета депутатов от 1 декабря 2009 г. № 286 Об изменении административно-территориального устройства Наровлянского района Гомельской области
- ↑ Лукашэнка разгледзеў кадравыя пытанні
- ↑ В Наровле новый председатель райисполкома
ЛітаратураПравіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
- Маліноўскі, В.Т. Нароўля: фотаальбом / В.Т. Маліноўскі ; фот.: В.Алешкі [і інш.]. — Мінск : Беларусь, 1994. — 112 с.
- Памяць: Нараўлянскі раён: гісторыка-дакументальныя хронікі гарадоў і раёнаў Беларусі / уклад.: П.П. Рабянок, К.Ф. Ярмоленка. — Мінск : БЕЛТА, 1998. — 445 с.
- Наровля и Наровлянский район / сост.: Н.В. Кузьменкова, Н.И. Данильченко, С.В. Коновод. — Мозырь : Колор, 2005. — 25 с.
- Наровлянский район: рекламное издание на русском и английском языках / автор текста В. Минков. — Гомель : редакция газеты "Гомельская правда", [б. д.]. — 26 с.
- Наровлянщина самобытная и современная / под общ. ред., пред. В.В. Шляги. — Гомель : Редакция газеты «Гомельская праўда», 2015. — 119 с.