Еркегалі Рахмадыевіч Рахмадыеў
Еркегалі Рахмадыевіч Рахмады́еў (каз.: Еркеғали Рахмадиұлы Рахмадиев; 1 жніўня 1932, аул № 9 Семіпалацінскай вобласці, Казахстан — 9 красавіка 2013[1]) — казахскі кампазітар, педагог. Народны артыст Казахскай ССР (1975). Народны артыст СССР (1981). Дзяржаўная прэмія Казахстана (1980).
| Еркегалі Рахмадыевіч Рахмадыеў | |
|---|---|
.jpg) | |
| Асноўная інфармацыя | |
| Дата нараджэння | 1 жніўня 1932 |
| Месца нараджэння | |
| Дата смерці | 9 красавіка 2013 (80 гадоў) |
| Месца смерці | |
| Месца пахавання | |
| Краіна | |
| Альма-матар | |
| Музычная дзейнасць | |
| Прафесіі | кампазітар, музычны педагог, кінакампазітар, дзяржаўны служачы, оперны кампазітар |
| Жанры | опера |
| Грамадская дзейнасць | |
| Член у | |
| Узнагароды |
        |
Біяграфія правіць
Нарадзіўся 1 жніўня 1932 года (па іншых крыніцах — 1 жніўня 1930 года[2]) у ауле № 9 (цяпер сяло Мадэніет у Аягозскім раёне, Усходне-Казахстанская вобласць, Казахстан). Паходзіць з роду жастабан племя абак керэй.[3]
У 1952 годзе скончыў Алма-Ацінскае музычнае вучылішча імя П. І. Чайкоўскага (аддзяленні народных інструментаў і гісторыка-тэарэтычнае).
У 1957 годзе скончыў Алма-Ацінскую кансерваторыю па класе кампазіцыі Я. Брусілоўскага, з 1960 года выкладаў у ёй, у 1969—1975 гадах — рэктар, з 1979 года — прафесар.
У 1957—1958 гадах займаўся на курсах павышэння кваліфікацыі пры Саюзе кампазітараў СССР у Г. І. Ліцінскага і Ю. А. Фартунатава ў Маскве.
З 1959 года — мастацкі кіраўнік Казахскай філармоніі.
З 1961 года — начальнік Галоўнага ўпраўлення па справах мастацтва Міністэрства культуры Казахстана.
З 1966 года — дырэктар Казахскага тэатра оперы і балета.
З 1968 года — старшыня Саюза кампазітараў Казахстана.
Выбіраўся дэпутатам Вярхоўнага Савета Казахскай ССР з 7-11-га скліканняў, а таксама народным дэпутатам СССР (1989—1991). Быў кандыдатам у члены ЦК КП Казахскай ССР (з 1971).
Апошнія гады жыцця жыў і працаваў у Астане, куды прыехаў па запрашэнні Прэзідэнта РК Н. А. Назарбаева. Працуючы кансультантам Нацыянальнага опернага тэатра ім. К. Байсеітавай, аказваў падтрымку ў развіцці опернага мастацтва Астаны, выкладаў кампазіцыю студэнтам і аспірантам у Казахскай нацыянальнай акадэміі музыкі (з 2009 года — Казахскі нацыянальны ўніверсітэт мастацтваў) пад кіраўніцтвам А. К. Мусаходжаевай. З 2003 года — прафесар універсітэта.
Еркегалі Рахмадзіеў памёр 9 красавіка 2013 года ў Алма-Аце.[4] Пахаваны на Кенсайскіх могілках.[5]
Творчасць правіць
Творчасць Рахмадыева адметная спалучэннем рыс еўрапейскага прафесійнага мастацтва і казахскай нацыянальнай культуры.
Сярод твораў: оперы, у т.л. «Алпамыс» (1973), «Песня пра цаліну» (1980), «Майра» (1985); творы для салістаў, хору і аркестра; канцэрты для скрыпкі з аркестрам (1986), для трубы (1984); камерна-інструментальныя творы; песні, музыка да драматычных спектакляў і кінафільмаў і інш.
Аўтар кнігі «Час і музыка» (1986).
Зноскі
- ↑ Скончался крупнейший казахский композитор Еркегали Рахмадиев — ЦентрАзия. Архівавана з першакрыніцы 7 студзеня 2014. Праверана 10 красавіка 2013.
- ↑ Еркегалі Рахмадыеў
- ↑ ШАҚАНТАЙ ШЕЖІРЕСІ( төртінші басылым ) | Kerey.kz/Керей.кз. kerey.kz. Архівавана з першакрыніцы 27 студзеня 2021. Праверана 16 лістапада 2020.
- ↑ Газета «Караван» / Не стало Еркегали Рахмадиева. Архівавана з першакрыніцы 21 красавіка 2013. Праверана 13 красавіка 2013.
- ↑ В Алматы простились с известным композитором Еркегали Рахмадиевым — Культура и спорт: Новости Казахстана на Spy.kz — Экономическая разведка. Архівавана з першакрыніцы 1 мая 2013. Праверана 13 красавіка 2013.
Літаратура правіць
- Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).