Кірыл Уладзіміравіч Паўлючак

беларускі футбаліст

Кірыл Паўлючак (нар. 27 чэрвеня 1984, Гродна) — беларускі футбаліст, абаронца мінскага «Трактара».

Футбол
Кірыл Паўлючак
Агульная інфармацыя
Поўнае імя Кірыл Уладзіміравіч Паўлючак
Нарадзіўся 27 чэрвеня 1984(1984-06-27)[1] (39 гадоў)
Грамадзянства  Беларусь
Рост 195 см
Вага 90 кг[2]
Пазіцыя абаронца
Інфармацыя пра клуб
Клуб Беларусь Трактар
Нумар 4
Клубная кар’ера[* 1]
2001—2009 Беларусь Дынама (Мінск) 111 (9)
2001   Беларусь Дынама-2 (Мінск) 10 (1)
2008   Расія Прамень-Энергія (Уладзівасток) 10 (0)
2009 Беларусь Нёман (Гродна) 6 (0)
2010 Беларусь Гомель 27 (9)
2011—2012 Беларусь Мінск 25 (3)
2012—2013 Беларусь Дняпро (Магілёў) 37 (1)
2014 Малдова Зімбру (Кішынёў) 23 (2)
2015—2020 Беларусь Гарадзея 144 (10)
2020—2021 Беларусь Славія (Мазыр) 8 (1)
2021 Беларусь Смаргонь 5 (0)
2022 Беларусь Крумкачы (Мінск) 17 (2)
2023— Беларусь Трактар (Мінск) 15 (2)
Нацыянальная зборная[* 2]
2005—2006 Беларусь Беларусь (да 21) 8 (4)
2008 Беларусь Беларусь 3 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 лютага 2024.
  2. Колькасць гульняў і галоў за нацыянальную зборную ў афіцыйных матчах

Клубная кар’ера правіць

Выхаванец гродзенскага футбола, з 2001 года гуляў за мінскае «Дынама», дзе з цягам часу стаў асноўным абаронцам. Улетку 2009 года пакінуў мінскі клуб, пасля чаго выступаў у розных беларускіх клубах.

У жніўні 2012 года перайшоў у магілёўскі «Дняпро», якому дапамог выйграць Першую лігу. У сезоне 2013 быў асноўным цэнтральным абаронцам каманды, але па заканчэнні сезона пакінуў клуб.

У лютым 2014 года падпісаў кантракт з малдаўскім «Зімбру»[3]. Разам з «Зімбру» выйграў Кубак і Суперкубак Малдовы. У снежні 2014 года ўслед за трэнерам Алегам Кубаравым пакінуў малдаўскі клуб[4].

У лютым 2015 года вярнуўся ў Беларусь, падпісаўшы кантракт з клубам Першай лігі «Гарадзея»[5]. Дапамог «Гарадзеі» па выніках сезона 2015 выйсці ў Вышэйшую лігу. У снежні 2015 года падоўжыў кантракт з клубам[6]. У сезонах 2016—2018 заставаўся асноўным іграком гарадзейцаў, выступаў на пазіцыі цэнтральнага абаронцы, толькі часам адсутнічаў з-за траўм.

У лістападзе 2018 года падоўжыў кантракт з «Гарадзеяй» на сезон 2019[7]. У 2020 годзе стаў капітанам каманды.

У ліпені 2020 года па пагадненні бакоў пакінуў «Гарадзею»[8] і перайшоў у мазырскую «Славію»[9]. З-за траўм рэдка з’яўляўся на полі ў складзе мазыран. У ліпені 2021 года кантракт з клубам быў разарваны[10].

У ліпені 2021 года далучыўся да «Смаргоні»[11]. З пачатку 2022 года стаў трэніравацца з «Крумкачамі» і ў красавіку афіцыйна стаў іграком клуба[12]. Сезон 2023 пачаў у складзе мінскага «Трактара».

У снежні 2023 года атрымаў трэнерскую ліцэнзію катэгорыі B[13].

Міжнародная кар’ера правіць

Гуляў за моладзевую зборную Беларусі. У 2008 годзе правёў тры матчы за нацыянальную зборную.

Дасягненні правіць

Грамадзянская пазіцыя правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[14].

Крыніцы правіць

  1. Kiril Pavlyuchek // FBref.com
  2. https://www.pressball.by/footballstat/kirill_pavljuchek/
  3. Кирилл Павлючек заключил контракт с молдавским "Зимбру" (руск.). football.by (4 лютага 2014). Праверана 8 лютага 2024.
  4. Кубарев, Павлючек и Климович покинули "Зимбру" (руск.). football.by (8 снежня 2014). Праверана 8 лютага 2024.
  5. Шидловский, Толканица и Павлючек заключили контракты с "Городеей" (руск.). football.by (4 лютага 2015). Праверана 8 лютага 2024.
  6. "Городея" продлила контракты с Лебедевым, Ковбом и Павлючеком (руск.). football.by (30 снежня 2015). Праверана 8 лютага 2024.
  7. Лебедев, Башилов, Павлючек и еще пять игроков продлили контракты с "Городеей" (руск.). football.by (21 лістапада 2018). Праверана 8 лютага 2024.
  8. Павлючек покинул "Городею" (руск.). football.by (6 ліпеня 2020). Праверана 8 лютага 2024.
  9. "Славия" подписала Павлючека и рассталась с Ковалевским (руск.). football.by (8 ліпеня 2020). Праверана 8 лютага 2024.
  10. "Славия рассталась с Павлючеком (руск.). football.by (15 ліпеня 2021). Праверана 8 лютага 2024.
  11. Кирилл Павлючек перешел в "Сморгонь" (руск.). football.by (23 ліпеня 2021). Праверана 8 лютага 2024.
  12. Кирилл Павлючек будет выступать за "Крумкачы" (руск.). football.by (7 красавіка 2022). Праверана 8 лютага 2024.
  13. Александр Глеб, Владимир Бушма, Павел Рыбак и другие получили тренерскую лицензию "В" (руск.). football.by (14 снежня 2023). Праверана 8 лютага 2024.
  14. 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 8 лютага 2024.