Мікалай Радзівіл (1546—1589)

Мікалай Радзівіл (каля 1546 — 18 снежня 1589), у родавым шэрагу Мікалай VII — вялікалітоўскі дзяржаўны дзеяч. Вялікі лоўчы літоўскі (1574—1580), ваявода новагародскі (з 1579).

Мікалай Радзівіл
Мікалай Радзівіл
Герб «Трубы»
9-ы Ваявода новагародскі 1579 — 18 снежня 1589
Папярэднік	Павел Сапега
Пераемнік	Фёдар Тышкевіч
Вялікі лоўчы літоўскі 1574 — 1580
Папярэднік	Рыгор Багданавіч Валовіч
Пераемнік	Мікалай Нарушэвіч
Староста мазырскі 1576 — 18 снежня 1589
Папярэднік	Мікалай Радзівіл Руды
Пераемнік	Юрый Радзівіл
Нараджэнне	каля 1546 Новагародак, Вялікае Княства Літоўскае
Смерць	18 снежня 1589(1589-12-18) Новагародак, Вялікае Княства Літоўскае, Рэч Паспалітая
Род	Радзівілы
Бацька	Мікалай Радзівіл Руды
Маці	Кацярына Таміцкая
Жонка	Аляксандра Вішнявецкая, Алена Глябовіч
Дзеці	ад другога шлюбу: Юрый
Веравызнанне	кальвінізм
Дзейнасць	палітык
Медыяфайлы на Вікісховішчы

Старэйшы сын Мікалая Радзівіла Рудога і Кацярыны Таміцкай, брат Крыштафа Радзівіла Пяруна.

Атрымаў дамашнюю адукацыю. На чале ўласных атрадаў браў удзел у Інфлянцкай вайне 1558—1582 гадоў, узяцці Полацка ў 1579 годзе. Вызнаваў кальвінізм.

Валодаў маёнткамі Віжуны, Дубінкі ў Віленскім павеце, Беліца, Дакудава, Ліпічна, Жырмуны ў Лідскім павеце, Мядзел у Ашмянскім павеце, Востраў у Новагародскім павеце, Індура ў Гарадзенскім павеце; трымаў Мазырскае стараства (з 1576), Мерацкую дзяржаву.

У першым шлюбе жанаты з Аляксандрай Вішнявецкай. У шлюбе з Аленай Глябовіч меў трох дачок і сына Юрыя.

Літаратура

• Радзівіл Мікалай // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 494. — 792 с. — ISBN 985-11-0378-0 (т. 2), ISBN 985-11-0315-2.