Сяргей Віктаравіч Кошаль

Сяргей Кошаль (нар. 14 сакавіка 1986, Бабруйск) — беларускі футбаліст, нападнік рагачоўскага «Дняпра».

Футбол
Сяргей Кошаль
Агульная інфармацыя
Поўнае імя Сяргей Віктаравіч Кошаль
Нарадзіўся 14 сакавіка 1986(1986-03-14)[1] (34 гады)
Грамадзянства Flag of Belarus.svg Беларусь
Рост 179 см
Вага 71 кг
Пазіцыя нападнік
Інфармацыя пра клуб
Клуб Беларусь Дняпро (Рагачоў)
Нумар 6
Кар’ера
Клубная кар’ера*
2002 — 2005 Беларусь Дынама (Мінск) 0 (0)
2002   Беларусь Дынама-БНТУ (Мінск) 3 (0)
2003   Беларусь РВАР (Мінск) 7 (0)
2004   Беларусь Дынама-Юні (Мінск) 27 (8)
2005 Беларусь Змена (Мінск) 12 (4)
2006 — 2008 Беларусь МТЗ-РІПА (Мінск) 1 (0)
2006   Латвія Дзіжванагі (Рэзэкнэ) 9 (1)
2007   Беларусь Белшына (Бабруйск) 24 (11)
2008   Беларусь Мінск 25 (16)
2009 — 2010 Беларусь Мінск 33 (7)
2010   Беларусь Рудзенск 9 (1)
2012 — 2014 Беларусь Мінск 7 (0)
2012   Беларусь Мінск-2 19 (10)
2013 — 2014   Беларусь Мінск-2 56 (15)
2015 — 2016 Беларусь Крумкачы (Мінск) 38 (17)
2016 Беларусь Славія-Мазыр 2 (0)
2017 Беларусь Маладзечна-ДЮСШ-4 12 (10)
2018 — 2019 Беларусь НФК (Мінск) 50 (18)
2020 Беларусь Слонім-2017 11 (1)
2020 — Беларусь Дняпро (Рагачоў)
Нацыянальная зборная**
2009 Беларусь Беларусь 1 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 23 ліпеня 2020.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 5 жніўня 2017.

Кар’ераПравіць

КлубнаяПравіць

У маладым узросце трапіў у мінскае «Дынама», а пазней у МТЗ-РІПА. У гэтых клубах гуляў у асноўным за дубль, а таксама аддаваўся ў арэнды (у 2006 годзе гуляў нават у Латвіі). У 2008 годзе такім чынам трапіў у «Мінск», дзе найбольш добра праявіў сябе, стаўшы найлепшым бамбардзірам клуба.

У 2009 годзе мінчане выкупілі Кошаля, але ў хуткім часе яго гульня пайшла на спад. Другую палову сезона 2010 правёў у «Рудзенску», а ў 2011 годзе ўвогуле не займаўся футболам.

У 2012 годзе вярнуўся ў «Мінск». Першую палову сезона выступаў за фарм-клуб «Мінск-2», а потым далучыўся да асноўнага складу. З пачатку сезона 2013 зноў перайшоў у «Мінск-2», дзе трывала выступаў у аснове, за два гады забіў 15 галоў. Па заканчэнні сезона 2014 «Мінск-2» быў расфарміраваны, і Сяргей пакінуў сталічны клуб[2].

У лютым 2015 года падпісаў кантракт з дэбютантам Першай лігі — футбольным клубам «Крумкачы», стаўшы такім чынам першым прафесійным іграком гэтага клуба[3]. З 17 галамі стаў найлепшым бамбардзірам «Крумкачоў» у сезоне 2015 і дапамог клубу выйсці ў Вышэйшую лігу. У сезоне 2016 года саступіў месца асноўнага нападніка Вячаславу Глебу і ў ліпені, пакінуўшы «Крумкачы», падпісаў кантракт з мазырскай «Славіяй»[4]. Аднак за асноўны склад мазырскага клуба правёў толькі два матчы і ўжо ў верасні па пагадненні бакоў пакінуў «Славію»[5].

У лютым 2017 года праходзіў прагляд у сталічным «Промні»[6], аднак у выніку ў першай палове 2017 года заставаўся без каманды. У жніўні 2017 года стаў іграком клуба «Маладзечна-ДЮСШ-4»[7], за палову сезона забіў 10 галоў і стаў найлепшым бамбардзірам каманды ў сезоне.

У пачатку 2018 года праходзіў прагляд у клубах «Ашмяны-БДУФК» і «Чысць», аднак у выніку ў красавіку 2018 года зноў далучыўся да «Крумкачоў»[8], якія былі пазбаўлены месца ў Вышэйшай лізе і заявіліся ў Другую. Па выніках сезона 2018 дапамог сталічнай камандзе выйсці ў Першую лігу. У сакавіку 2019 года падоўжыў кантракт з клубам, які змяніў назву на НФК[9]. У сезоне 2019 трывала з’яўляўся ў складзе, чаргуючы выхады ў стартавым складзе і на замену.

У лютым 2020 года пакінуў НФК[10] і неўзабаве стаў іграком клуба «Слонім-2017»[11]. У слонімскім клубе чаргаваў выхады ў стартавым складзе і на замену. У ліпені 2020 года разарваў кантракт са «Слонімам-2017»[12] і перайшоў у рагачоўскі «Дняпро».

МіжнароднаяПравіць

Дзякуючы добрай гульні за клуб, Кошаль у 2009 годзе атрымаў выклік у нацыянальную зборную Беларусі, за якую згуляў у таварыскім матчы супраць Малдовы 9 ліпеня 2009 года.

ДасягненніПравіць

Зноскі

СпасылкіПравіць