Аляксандр Уладзіміравіч Канюк

(Пасля перасылкі з Аляксандр Канюк)

Алякса́ндр Уладзі́міравіч Каню́к (11 ліпеня 1960, Гродна, БССР) — беларускі дзяржаўны дзеяч, Генеральны пракурор Рэспублікі Беларусь (2011—2020), дзяржаўны саветнік юстыцыі 1-га класа[1].

Аляксандр Канюк
Аляксандр Канюк
сцяг
Генеральны пракурор Рэспублікі Беларусь
сцяг
20 верасня 2011 — 9 верасня 2020
Прэм’ер-міністр Міхаіл Мясніковіч
Андрэй Кабякоў
Прэзідэнт Аляксандр Лукашэнка
Папярэднік Рыгор Васілевіч
Пераемнік Андрэй Швед
 
Адукацыя
Дзейнасць палітык
Нараджэнне 11 ліпеня 1960(1960-07-11) (60 гадоў)
 
Узнагароды
Мэдаль За бездакорную службу 1 ступені
Ордэн «За службу Радзіме ва Узброеных Сілах СССР» III ступені

БіяграфіяПравіць

У 1982 годзе скончыў юрыдычны факультэт Беларускага дзяржаўнага ўніверсітэта па спецыяльнасці «Правазнаўства».

З 1982 па 1984 год — камандзір мотастралковага ўзвода 3-га гвардзейскага танкавага палка 3-й гвардзейскай танкавай дывізіі 7-й танкавай арміі Беларускай ваеннай акругі[2].

З 1984 года працаваў на розных пасадах у ваенных трыбуналах.

У 1993—1997 гадах быў суддзёй Беларускага ваеннага суда.

З 1997 года — старшыня Мінскага міжгарнізоннага ваеннага суда.

З 2006 па 2009 год працаваў суддзёй і старшынёй Беларускага ваеннага суда.

З красавіка 2009 года быў суддзёй і намеснікам старшыні Вярхоўнага суда.

20 верасня 2011 года Аляксандр Канюк быў прызначаны Генеральным пракурорам Рэспублікі Беларусь[3].

31 жніўня 2020 года Аляксандр Канюк быў уключаны ў спіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію і забарона на ўезд у Літву ў сувязі з тым, што «сваімі дзеяннямі ён арганізаваў і падтрымаў фальсіфікацыю прэзідэнцкіх выбараў 9 жніўня і наступнае гвалтоўнае задушэнне мірных пратэстаў»[4].

9 верасня 2020 года Аляксандр Лукашэнка вызваліў Аляксандра Канюка ад пасады Генеральнага пракурора Рэспублікі Беларусь[5].

УзнагародыПравіць

Зноскі