Рыгор Аляксеевіч Васілевіч

(Пасля перасылкі з Рыгор Васілевіч)

Рыго́р Аляксе́евіч Васіле́віч (нар. 13 лютага 1955, Мінск, БССР) — прафесар, супрацоўнік кафедры канстытуцыйнага права юрыдычнага факультэта БДУ, былы суддзя і старшыня Канстытуцыйнага суда Рэспублікі Беларусь, былы Генеральны пракурор Рэспублікі Беларусь.

Рыгор Аляксеевіч Васілевіч
Васілевіч.jpg
Сцяг7-ы Генеральны пракурор Рэспублікі Беларусь Сцяг
8 лютага 2008 — 20 верасня 2011
Прэзідэнт Аляксандр Лукашэнка
Кіраўнік урада Сяргей Сідорскі
Міхаіл Мясніковіч
Папярэднік Пётр Міклашэвіч
Пераемнік Аляксандр Канюк
Сцяг Старшыня Канстытуцыйнага суда Рэспублікі Беларусь Сцяг
4 студзеня 1997 — 11 студзеня 2008
Папярэднік Валерый Ціхіня
Пераемнік Пётр Міклашэвіч
Нараджэнне 13 лютага 1955(1955-02-13) (66 гадоў)
Адукацыя
Навуковая ступень доктар юрыдычных навук
Навуковае званне прафесар
Навуковая дзейнасць
Навуковая сфера юрыспрудэнцыя
Месца працы
Ваенная служба
Званне
Дзяржаўны саветнік юстыцыі 1 класа
Дзяржаўны саветнік юстыцыі 1 класа
Узнагароды Заслуженный юрист Белоруссии.jpg

БіяграфіяПравіць

Рыгор Аляксеевіч нарадзіўся ў Мінску ў 1955 годзе. Паступіў на вячэрняе аддзяленне юрыдычнага факультэта БДУ, пасля сканчэння якога ў 1980 годзе, паступіў на дзённае аддзяленне аспірантуры юрыдычнага факультэта БДУ[1].

У 1984 годзе абараніў кандыдацкую дысертацыю ў Харкаўскім юрыдычным інстытуце, а ў 1994 у БДУ — доктарскую дысертацыю па тэме «Праблемы законатворчай дзейнасці Вярхоўнага Савета Рэспублікі Беларусь»[1].

З 1986 года перайшоў на працу ў Сакратарыят Вярхоўнага Савета Беларусі. Спачатку займаў пасаду намесніка, а ўжо з 1989 па 1994 год быў загадчыкам юрыдычнага аддзела[1].

Паводле Канстытуцыі Рэспублікі Беларусь 1994 года ўтвараўся Канстытуцыйны суд, куды і быў абраны Рыгор Аляксеевіч спачатку суддзём, а ў 1997 годзе быў прызначаны, у адпаведным закону парадку, на пасаду Старшыні Канстытуцыйнага суда.

У 2008 годзе быў прызначаны Прэзідэнтам Рэспублікі Беларусь А. Лукашэнкам на пасаду Генеральнага пракурора Рэспублікі Беларусь, з якой быў вызвалены ў 2011 годзе[2].

Пасля вярнуўся на працу ў БДУ, на кафедру канстытуцыйнага права. Вядзе актыўную навуковую дзейнасць. Рэгулярна выступае з дакладамі на навуковых і навукова-практычных канферэнцыях як у Беларусі, так і за мяжой.[1] Падрыхтаваў 17 кандыдатаў і 3 дактароў юрыдычных навук[1]. Акрамя таго, з’яўляецца аўтарам звыш 1000 навуковых артыкулаў, манаграфій, падручнікаў і вучэбных дапаможнікаў. Яго працы апублікаваны ў Расіі, Польшчы, Турцыі, Балгарыі, Італіі, Францыі, Нідэрландах, Арменіі, Літве і Украіне[1]. Уваходзіць у склад рэдакцыйных калегій шэрагу навуковых выданняў, у тым ліку ў рэдакцыйны савет папулярнага сярод вучоных-крыміналістаў Беларусі і краін СНД навукова-практычнага часопіса «Папярэдняе расследаванне».[3].

15 сакавіка 2021 года ўвайшоў у склад Канстытуцыйнай камісіі, якая паводле рэзалюцыі VI-га Усебеларускага народнага сходу распрацоўвае прапановы па змяненні Канстытуцыі Беларусі і забяспечвае іх усенароднае абмеркаванне[4].

Званні і ўзнагародыПравіць

Мае класны чын дзяржаўнага саветніка юстыцыі І класа і вышэйшы кваліфікацыйны клас суддзі. Заслужаны юрыст Рэспублікі Беларусь (1994) і прафесар (1996)[1].

Лаўрэат прэміі імя У. І. Пічэты. Узнагароджаны нагрудным знакам Міністэрства адукацыі Рэспублікі Беларусі — «Выдатнік адукацыі», у тым жа годзе Прэзідэнт Рэспублікі Казахстан Н. Назарбаеў узнагародзіў яго юбілейным медалём «Да дзесяцігоддзя Канстытуцыі Рэспублікі Казахстан». Узнагароджаны нагрудным знакам «Ганаровы пракурор краін-СНД» у 2016 годзе. Акрамя ўсяго мае некалькі дзясяткаў ведамасных медалёў, нагрудных знакаў і ганаровых грамат. Ганаровы прафесар Інстытута заканадаўства і параўнальнага правазнаўства пры Урадзе Расійскай Федэрацыі[5].

Міжнародным біяграфічным цэнтрам (Кембрыдж, Вялікабрытанія) уключаны ў спіс выдатнейшых людзей ХХ і ХХІ ст.[1]

Санкцыі ЕСПравіць

Пасля прэзідэнцкіх выбараў 2010 года, 2 лютага 2011 года быў унесены ў спіс беларускіх чыноўнікаў, якім забаронены ўезд на тэрыторыю ЕС[6]. Васілевіч як генеральны пракурор у рашэнні Еўрапейскага савета ад 15 кастрычніка 2012 года быў названы тым, хто кантраляваў пераслед усіх асоб, якія былі арыштаваны пасля мірных дэманстрацый 19 снежня 2010 года[7].

Зноскі

  1. 1,0 1,1 1,2 1,3 1,4 1,5 1,6 1,7 Юрыдычны факультэт. Гісторыя. Сучаснасць. Імёны / рэдсавет : С. А. Балашэнка (старш.) і інш. ; рэдкал. : С. А. Балашэнка (адк. рэд.), А. В. Шыдлоўскі (нам. адк. рэд.) [і інш.]. — Мінск : БДУ, 2015. — 263 с. : іл.
  2. Рыгор Васілевіч зняты з пасады генпракурора Беларусі (дапоўнена). БелаПАН
  3. Официальный сайт научно-практического журнала «Предварительное расследование»
  4. Указ Президента Республики Беларусь 15 марта 2021 г. № 105 «О Конституционной комиссии» (руск.)  (17 сакавіка 2021). Праверана 20 сакавіка 2021.
  5. Біяграфія на сайце юрыдычнага факультэта БДУ
  6. Поўны спіс 208 беларускіх чыноўнікаў, якім забаронены ўезд у ЕС (бел.) . Наша Ніва (11 кастрычніка 2011). Архівавана з першакрыніцы 22 кастрычніка 2017.
  7. .Council Decision 2012/642/CFSP of 15 October 2012 concerning restrictive measures against Belarus, EUR-Lex(англ.) бел., 2012

СпасылкіПравіць