Аляксей Сямёнавіч Шаўроў

Аляксе́й Сямё́навіч Шаўро́ў (17 сакавіка 1904, в. Шабуні Віцебскага раёна — 1 лістапада 1976, г. Мінск) — беларускі партыйны і дзяржаўны дзеяч.

Аляксей Сямёнавіч Шаўроў
Міністр гандлю БССР 1957 — 1969
Кіраўнік урада	Мікалай Аўхімовіч Ціхан Кісялёў
Папярэднік	Пётр Катаводаў
Пераемнік	Уладзімір Яўцешын
Намеснік Старшыні Савета Міністраў БССР 1957 — 1958
Кіраўнік урада	Ціхан Кісялёў
Намеснік Старшыні Савета Міністраў БССР 26 сакавіка 1946 — 1953
Кіраўнік урада	Панцеляймон Панамарэнка Аляксей Кляшчоў
Намеснік старшыні СНК БССР 1940 — 26 сакавіка 1946
Кіраўнік урада	Іван Былінскі Панцеляймон Панамарэнка
Народны камісар гандлю БССР 1938 — 1940
Кіраўнік урада	Кузьма Кісялёў
Нараджэнне	4 (17) сакавіка 1904 Шабуні, Віцебскі павет, Віцебская губерня, Расійская імперыя
Смерць	1 лістапада 1976(1976-11-01) (72 гады) Мінск, БССР, СССР
Жонка	Соф’я Раманаўна
Дзеці	сын Сяргей, дачка Ала
Партыя	КПСС
Адукацыя	эканамічны факультэт БДУ (1930)
Узнагароды

Біяграфія

Скончыў Віцебскі прамыслова-эканамічны тэхнікум (1924), Беларускі дзяржаўны ўніверсітэт (1930), прамыслова-эканамічны факультэт.

У 1924—1926 старшыня Юравіцкага спажывецкага таварыства Полацкага раёна, з 1930—1934 інспектар ЦКК Наркамата РСІ БССР, пасля інструктар гандлёвага аддзела ЦК КП(б)Б, у 1937—1938 інструктар аддзела кадраў Мінскага гаркама партыі. У красавіку 1938 года быў прызначаны народным камісарам гандлю БССР, начальнік Галоўгандлю, у снежні 1940 года прызначаны намеснікам старшыні Савета Народных Камісараў Беларускай ССР. У часы Вялікай Айчыннай вайны начальнік аддзела забеспячэння Беларускага штаба партызанскага руху, пасля вайны намеснік старшыні Савета Народных Камісараў Беларускай ССР, начальнік Белглаўрыбпрама, першы намеснік міністра прамысловасці тавараў шырокага спажывання БССР, міністр прамысловасці харчовых тавараў БССР, міністр гандлю БССР, намеснік Старшыні Савета Міністраў БССР.

Член ЦК КПБ (1949—1952, 1960—1971), кандыдат у члены ЦК КПБ (1949—1952, 1960—1971), Дэпутат Вярхоўнага Савета БССР 2—7 скліканняў.

Узнагароды

• Два ордэны Леніна,
• Ордэн Кастрычніцкай Рэвалюцыі,
• Ордэн Чырвонай Зоркі,
• Ордэн Працоўнага Чырвонага Сцяга
• шматлікія медалі

Ушанаванне памяці

Імем А. С. Шаўрова названа вуліца ў Віцебску.

Літаратура

• Высшее партизанское командование Белоруссии. 1941—1944: справочник (руск.) / Э. Г. Иоффе [и др.]; под общ. ред. д-ра ист. наук проф. Э. Г. Иоффе. — Мн.: Беларусь, 2009. — С. 61—62. — 271 с. — 1 500 экз. — ISBN 978-985-01-0836-4.
• Шавров Алексей Семёнович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 680. — 737 с.

Спасылкі

• Как закалялась жизнь Алексея Шаврова (руск.)