Адкрыць галоўнае меню

Канстанцін Лявонавіч Губарэвіч

Кастусь (Канстанцін Лявонавіч) Губарэвіч (5 студзеня 1907, в. Радучы, Чавускі раён, Магілёўская вобласць — 3 ліпеня 1987) — беларускі драматург. Заслужаны дзеяч мастастацтваў Беларусі (1966)[1].

Кастусь Губарэвіч
Асабістыя звесткі
Імя пры нараджэнні: Канстанцін Лявонавіч Губарэвіч
Дата нараджэння: 23 снежня 1906 (5 студзеня 1907)
Месца нараджэння:
Дата смерці: 3 ліпеня 1987(1987-07-03) (80 гадоў)
Грамадзянства:
Альма-матар:
Прафесійная дзейнасць
Род дзейнасці: драматург, настаўнік, журналіст, сцэнарыст
Валодае мовамі: беларуская
Мова твораў: беларуская
Узнагароды:
ордэн Працоўнага Чырвонага Сцяга ордэн Дружбы народаў Ордэн «Знак Пашаны»

Біяграфічныя звесткіПравіць

Скончыў Магілёўскі педтэхнікум (1927), Дзяржаўны інстытут кінематаграфіі ў Маскве (1932)[1]. Настаўнічаў, працаваў у газеце «Палеская праўда», на кінафабрыцы Белдзяржкіно і Беларускім радыё, з 1949 — у газеце «Літаратура і мастацтва», на кінастудыі «Беларусьфільм», у 1966—74 у Міністэрстве культуры Беларусі[1].

ТворчасцьПравіць

У 1926 дэбютаваў вершамі і апавяданнямі[1]. Першая кніга — зборнік апавяданняў «Гайда туды і жывыя шрубы» (1930). Разам з І. Дорскім(руск.) бел. напісаў драму «Цэнтральны ход» (паст. 1948) і лірычную камедыю «Алазанская даліна» (паст. 1949). Аўтар гісторыка-рэвалюцыйных і ваенна-патрыятычных п'ес «Цытадэль славы» (паст. 1949, пад назвай «Брэсцкая крэпасць» 1953), «Простая дзяўчына» (паст. 1953), «На крутым павароце» (паст. 1956), «Галоўная стаўка» (паст. 1957), «Далёкая песня» (паст. 1962), «А куды ж нам падзецца» (паст. 1963), «Салодкі месяц» (паст. 1970), «Брэсцкі мір» (паст. 1969), «Партызанская зона» (паст. 1976), «Даруй мне» (паст. 1980) і інш., у якіх выяўляецца вастрыня і драматызм канфліктаў, дынамічнасць сюжэтаў, дакументальнасць грамадска значных фактаў. Выступаў як кінадраматург: сцэнарыі фільмаў «Баям насустрач» (1932, з Я. Гезіным і К. Мінецам), «Дзяўчынка шукае бацьку» (1958, з Я. Рысам), «Анюціна дарога» (1968), «Паланэз Агінскага» (1971), «Неадкрытыя астравы» (1973).

Прэміі і знагародыПравіць

  • Прэмія Ленінскага камсамола Беларусі 1968.
  • Дзяржаўная прэмія Беларусі 1972.

БібліяграфіяПравіць

  • П'есы. Мн., 1969;
  • Анютина дорога: Киноповести. Мн., 1980;
  • Драмы і камедыі. Мн., 1981.

Зноскі

  1. 1,0 1,1 1,2 1,3 т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

ЛітаратураПравіць

  • Сабалеўскі А. Беларуская савецкая драма. Мн., 1972. Кн. 2. С. 86—118;
  • Усікаў Я. Грамадзянскае сумленне мастака. Мн., 1976. С. 186—192;
  • Гаробчанка Т. Час вымяраецца здабыткамі // Полымя. 1976. № 12;
  • Саламевіч І. Губарэвіч // БЭ ў 18 т. Т. 5. Мн., 1997. С. 516.