Сан-Дыега

Сан-Дыега
Сцяг	Герб
Краіна	ЗША
Штат	Каліфорнія
Акруга	Сан-Дыега
Каардынаты	32°42′54″ пн. ш. 117°09′45″ з. д.HGЯO
Мэр	Джэры Сандэрс
Заснаваны	1769
Плошча	963,6 км²
Вышыня цэнтра	22 м
Насельніцтва	1 366 865 чалавек (2008)
Шчыльнасць	1494,7 чал./км²
Часавы пояс	UTC-8, летам UTC-7
Тэлефонны код	619, 858
Паштовыя індэксы	92101-92117, 92119-92124, 92126-92140,; 92142, 92145, 92147, 92149-92155,; 92158-92172, 92174-92177, 92179, 92182,; 92184, 92186, 92187, 92190-92199
Афіцыйны сайт	sandiego.gov (англ.)
	Сан-Дыега на Вікісховішчы

Сан-Дыега (англ.: San Diego) — горад на паўднёвым захадзе ЗША на беразе Ціхага акіяна каля мяжы з Мексікай, адміністрацыйны цэнтр акругі Сан-Дыега ў штаце Каліфорнія.

Насельніцтва 1,3 млн жыхароў (2005), з прыгарадамі 2,9 млн. Па колькасці насельніцтва Сан-Дыега другі ў штаце пасля Лос-Анджэлеса і восьмы ў ЗША.

У горадзе размешчана асноўная база ВМФ ЗША на Ціхім акіяне.

ГеаграфіяПравіць

Сан-Дыега размешчаны каля мяжы з Мексікай — з поўдня да яго прылягае мексіканскі горад Тыхуана, да захаду — узбярэжжа Ціхага акіяна, на ўсход — адгор'і гор Сан-Ісідра.

КліматПравіць

Клімат Сан-Дыега
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	31,1	32,2	37,2	36,7	36,7	38,3	37,8	36,7	43,9	41,7	37,8	31,1	43,9
Сярэдні максімум, °C	18,4	18,3	18,7	19,7	20,3	21,6	23,7	24,7	24,4	22,7	20,6	18,2	20,9
Сярэдняя тэмпература, °C	13,9	14,4	15,2	16,5	17,8	19,1	21,1	22,0	21,4	19,3	16,3	13,6	17,6
Сярэдні мінімум, °C	9,4	10,4	11,8	13,3	15,2	16,7	18,6	19,3	18,4	15,9	12,0	9,1	14,2
Абсалютны мінімум, °C	−3,9	1,1	2,2	3,9	7,2	10,0	12,2	12,2	10,0	6,1	2,2	0,0	−3,9
Норма ападкаў, мм	50	58	46	20	3	2	1	1	4	15	26	39	265
Тэмпература вады, °C	15	15	15	15	16	17	19	20	20	19	18	16	17
Крыніца: Надвор'е і клімат, World Climate Guide

ГісторыяПравіць

У XVI стагоддзі на тэрыторыі гораду Сан-Дыега жылі індзейцы племені кумеяй. Першым еўрапейцам, хто зайшоў у заліў Сан-Дыега, быў Хуан Радрыгес Кабрылья, які назваў порт Сан-Мігель. У лістападзе 1602 года Себасцьян Віскаіна абследаваў гавань і даў ёй цяперашнюю назву, у гонар Святога Дыега Алькалайскага У 1769 г. Гаспар Партола заснаваў тут крэпасць, а францысканы, пад начальствам Хуніпера Серы заснавалі місію, якая ўжо да 1797 г. налічвала амаль паўтары тысячы новазвернутых. Пасля атрымання Мексікай незалежнасці ў 1823 г., місія трапіла ў дзяржаўнае кіраванне. Пасля амерыкана-мексіканскай вайны, Сан-Дыега па дагаворы Гуадалупэ-Ідальга разам з Каліфорніяй быў далучаны да ЗША.

ТранспартПравіць

Панарама Сан-Дыега.

У Сан-Дыега дзейнічае сістэма хуткаснага трамвая, афіцыйная назва сістэмы — San Diego Trolley (літаральны пераклад — «трамвай Сан-Дыега»). Сістэма трамвая Сан-Дыега была адкрыта ў 1981 годзе і стала першай сучаснай трамвайнай сістэмай ЗША, адкрытай пасля доўгага перыяду заняпаду гэтага віду транспарту ў ЗША (з трыццатых гадоў).

Горад абслугоўвае Міжнародны аэрапорт Сан-Дыега.