Францішак Стэфан Сапега

Францішак Стэфан Сапега (каля 1646 — 25 чэрвеня 1686, Люблін) — вялікалітоўскі дзяржаўны дзеяч. Вялікі чашнік літоўскі (1666—1670), вялікі канюшы літоўскі (з 1670).

Францішак Стэфан Сапега
Franciszek Stefan Sapieha
Францішак Стэфан Сапега
Герб «Ліс»
Вялікі канюшы літоўскі 1670 — 25 чэрвеня 1686
Папярэднік	Багуслаў Радзівіл
Пераемнік	Караль Станіслаў Радзівіл
Нараджэнне	каля 1646
Смерць	25 чэрвеня 1686(1686-06-25)[…] Люблін, Люблінскае ваяводства, Малапольская правінцыя, Карона Каралеўства Польскага, Рэч Паспалітая
Месца пахавання	Бяроза
Род	Сапегі
Бацька	Павел Ян Сапега
Маці	Ганна Барбара з Копцяў[d]
Жонка	Ганна Крысціна з Любамірскіх[d]
Дзеці	Яна Казімір, Юзаф Францішак, Ежы Феліцыян, Францішка Ізабеля
Дзейнасць	ваенны
Медыяфайлы на Вікісховішчы

Жыццяпіс

У 1661—1663 гадах вучыўся ў Лёвенскім універсітэце. Пасля падарожнічаў па Еўропе, вярнуўся на радзіму ў 1664 годзе, у тым жа годзе стаў паслом на сойм. У 1666 стаў вялікім літоўскім чашнікам, а ў 1670 — канюшым. Трымаў таксама Бабруйскае і Браслаўскае староствы. Быў паслом на соймы 1676, 1678 (быў яго маршалкам) і 1683.

У 1689 паступіў на службу ў аўстрыйскае войска, удзельнічаў у войнах супраць туркаў, генерал-маёр (1692). Прымаў удзел у Хоцінскай бітве 1673, Венскім паходзе 1683.

Сям’я

Паходзіў з чарэйскай лініі магнацкага роду Сапегаў, трэці сын вялікага літоўскага гетмана Паўла Яна і яго другой жонкі Ганны Барбары Копаць.

Меў братоў Казіміра Яна, Бенедыкта Паўла і Льва Васіля.

Ажаніўся ў 1672 годзе з Ганнай Крысцінай Любамірскай (памерла ў 1701). Меў з ёй дзяцей:

• Яна Казіміра (памёр у 1730), вялікага літоўскага гетмана
• Юзафа Францішка (1670—1744), надворнага літоўскага падскарбія;
• Ежы Феліцыяна (памёр у 1750), мсціслаўскага ваяводу;
• Францішку Ізабелю, якая стала жонкай графа Якуба Генрыка Флемінга, вялікага літоўскага канюшага.

Пасля смерці Францішка Стэфана яго жонка паўторна выйшла за Дамініка Мікалая Радзівіла.

Спасылкі

• Генеалогія магнацкіх радоў Рэчы Паспалітай Архівавана 21 верасня 2013.