АМАП (Беларусь)

(Пасля перасылкі з АМАП)

АМАП (Атрад міліцыі асобага прызначэння) — спецыяльнае падраздзяленне міліцыі палка Патрульна-паставой службы Міністэрства ўнутраных спраў Рэспублікі Беларусь, якое прыцягваецца для рашэння задач забеспячэння правапарадку, у тым ліку на масавых акцыях і мерапрыемствах, прыгнечанні масавых беспарадкаў, аховы аб’ектаў, таксама адной з задач АМАПа з’яўляецца забеспячэнне сілавой падтрымкі органаў следства, унутраных спраў, дзяржаўнай бяспекі.

АМАП
Знак ОМОН (Беларусь).png
Тып арганізацыі воінскае фарміраванне[d]
Заснаванне
Дата заснавання 3 кастрычніка 1988
Матчыная арганізацыя Міністэрства ўнутраных спраў Рэспублікі Беларусь
Шаўрон АМАП

У сучаснай Беларусі АМАП часта выкарыстоўваюць як інструмент рэпрэсій.[1] У лістападзе 2020 года Святлана Ціханоўская абвясціла пра запуск працэсу міжнароднага прызнання структур ГУБАЗіК і АМАП тэрарыстычнымі арганізацыямі ў сувязі з учыненымі імі злачынствамі ў час здушэння пратэстаў супраць фальсіфікацыі выбараў і гвалту з боку рэжыму Лукашэнкі(бел. (тар.)) бел.[2].

Гісторыя спецпадраздзяленняПравіць

Першае падраздзяленне было створана ў Мінску ў 1988 годзе, а ў абласных цэнтрах былі ўтвораны роты і ўзводы АМАПа.

Ва УУС Мінска з лютага 1995 года таксама пачаў дзейнічаць атрад міліцыі асобага прызначэння, які дыслакаваўся ў Мачулішчах. Узімку 2002 года, з улікам набліжанасці да сталіцы, рэгіянальны АМАП быў перададзены ў падраздзяленне ГУУС Мінгарвыканкама.

Аднак час паказаў, што гэта рашэнне было не вельмі ўдалым. Улічваючы тое, што ў Мінскай вобласці праводзіцца вялікая колькасць масавых мерапрыемстваў, забеспячэнне правапарадку на дзевяць гадоў стала абавязкам асабовага склада тэрытарыяльных падраздзяленняў унутраных спраў — участковых інспектараў, аператыўнікаў, супрацоўнікаў іншых службаў. Для прафілактычных мерапрыемстваў з прыцягненнем супрацоўнікаў АМАПа даводзілася звяртацца па дапамогу ў сталічнае ГУУС — з’явілася неабходнасць адраджэння абласнога атрада міліцыі асобага прызначэння. 17 студзеня 2011 года быў падпісаны загад аб стварэнні падраздзялення АМАП Мінаблвыканкама. Камандзірам атрада прызначылі Мікалая Максімовіча.

На запыт «Радыё Свабода» ў 2014 годзе пасля публікацыі сайту газеты «Салідарнасць» пра тое, што ў беларускім АМАПе працаўладковаюцца былыя супрацоўнікі ўкраінскага «Беркуту», прэс-сакратар МУС Канстанцін Шалкевіч адказаў адмоўна, бо «МУС не каментуе нізкаякасныя сачыненні на вольную тэму, размешчаныя ў інтэрнэце»[3].

Тым не менш у 2020 годзе былі апазнаныя экс-супрацоўнікі расфармаванага «Беркута» ў радах АМАПа[4]. Выданне «Новы Час» працягнула журналісцкі цыкл расследаванняў і ў 2021 годзе, выявіўшы яшчэ больш такіх асоб[5].

Міжнародныя санкцыіПравіць

Супрацоўнікі АМАП неаднаразова траплялі пад міжнародныя санкцыі. Так, 2 кастрычніка 2020 года Еўрапейскі Саюз унёс у Чорны спіс Еўрасаюза Дзмітрыя Балабу, Леаніда Жураўскага, Міхаіла Дамарнацкага, Максіма Міховіча — камандзіраў адпаведна мінскага, віцебскага, гомельскага і брэсцкага АМАП[6]. Гэтыя ж супрацоўнікі былі ўключаныя ў санкцыйныя спісы Вялікабрытаніі[7], Канады[8] і Швейцарыі[9]. ЗША ўнеслі Дзмітрыя Балабу ў спіс спецыяльна прызначаных грамадзян і заблакіраваных асоб 2 кастрычніка[10], а 23 снежня пад амерыканскія санкцыі трапіў і мінскі АМАП[11].

Патрабаванні да кандыдатаўПравіць

 
АМАП затрымлівае ўдзельнікаў «несанкцыяванага» мерапрыемства на Дзень Волі, 2017 год.

Атрад камплектуецца з ліку найбольш падрыхтаваных супрацоўнікаў МУС, КДБ, ваеннаслужачых унутраных войскаў МУС Рэспублікі Беларусь, а таксама асоб, звольненых у запас з узброеных сіл, унутраных войскаў МУС і пагранічныя службы. Прыём на службу ў атрад міліцыі асобага прызначэння ажыццяўляецца на конкурснай аснове.

Асноўныя патрабаванні да кандыдатаў:

  • грамадзянства Рэспублікі Беларусь;
  • узрост да 25 гадоў;
  • наяўнасць поўнай сярэдняй, сярэдняй спецыяльнай ці вышэйшай адукацыі ;
  • добрая фізічная падрыхтоўка адсутнасць судзімасці і адміністрацыйных спагнанняў у кандыдата і яго блізкіх сваякоў, а таксама звестак у тэрытарыяльных органаў унутраных спраў па месцы жыхарства кандыдата, якія кампраметуюць яго;
  • станоўчыя характарыстыкі кандыдата з усіх месцаў яго службы, вучобы і працы;
  • прыдатнасць па стане здароўя.

КамандзірыПравіць

АналагіПравіць

БеларусьПравіць

Зноскі

  1. Беларусь: Репрессии на День ВолиHuman Rights Watch
  2. Сьвятлана Ціханоўская запускае працэс прызнаньня ГУБАЗіК і АМАП тэрарыстычнымі арганізацыямі, Радыё Свабода, 20 лістапада 2020 г.
  3. Грузьдзіловіч, Алег МУС не камэнтуе зьвесткі пра ўладкаваньне беркутаўцаў у АМАП. Беларуская служба Радыё «Свабода» (6 чэрвеня 2014). Архівавана з першакрыніцы 7 сакавіка 2021. Праверана 7 сакавіка 2021.
  4. Івашын, Дзяніс Спецрасследаванне: што абараняе «Беркут» у Беларусі. Частка І. Новы Час (2 снежня 2020). Архівавана з першакрыніцы 3 снежня 2020. Праверана 3 снежня 2020.
  5. Івашын, Дзяніс (2021-02-26). "Спецрасследаванне: каго ці што абараняе «Беркут» у Беларусі. Частка III" (in be). Новы Час (8 (716)): 6, 19. 
  6. Council Implementing Regulation (EU) 2020/1387 of 2 October 2020 implementing Article 8a(1) of Regulation (EC) No 765/2006 concerning restrictive measures in respect of Belarus // Official Journal of the European Union L 319 I
  7. Consolidated List of Financial Sanctions Targets in the UK(англ.) . Office of Financial Sanctions Implementation HM Treasury (25 чэрвеня 2021).
  8. Belarus sanctions(англ.) . Міністэрства міжнародных спраў Канады(англ.) бел. (15 кастрычніка 2020). Праверана 19 верасня 2021.
  9. Searching for subjects of sanctions
  10. Treasury Sanctions Belarus Officials for Undermining Democracy(англ.) . Міністэрства фінансаў ЗША(англ.) бел. (2 кастрычніка 2020). Праверана 19 верасня 2021.
  11. Treasury Sanctions Additional Belarusian Regime Actors for Undermining Democracy(англ.) . Міністэрства фінансаў ЗША(англ.) бел. (23 снежня 2020). Праверана 19 верасня 2021.
  12. Что за человек возглавил ОМОН