Мікалай Мікалаевіч Зянько

Мікалай Зянько
Мікалай Зянько
Поўнае імя	Мікалай Мікалаевіч Зянько
Нарадзіўся	11 сакавіка 1989 (35 гадоў); Орша, Віцебская вобласць, БССР, СССР;
Грамадзянства	Беларусь
Рост	188 см
Вага	79 кг
Пазіцыя	нападнік
Інфармацыя пра клуб
Клуб	Трактар
Нумар	17
Клубная кар’ера
2023—	Трактар (Мінск)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 ліпеня 2023. ; ↑ Колькасць гульняў і галоў за нацыянальную зборную ў афіцыйных матчах ;

Мікалай Зянько (нар. 11 сакавіка 1989, Орша) — беларускі футбаліст, нападнік мінскага «Трактара».

Клубная кар’ера правіць

Выхаванец футбольнага клуба «Мінск», з 2007 года праходзіў у асноўны склад, аддаваўся ў арэнды. У 2011 годзе замацаваўся ў асноўным складзе «Мінска», а сезон 2012 правёў у арэндзе ў магілёўскім «Дняпры», дапамог клубу перамагчы ў Першай лізе.

У студзені 2013 года перайшоў у «Дняпро» на трывалай аснове^[4], але пры гэтым страціў месца ў асноўным складзе і звычайна толькі з’яўляўся на замену. У ліпені 2013 года стаў з’яўляцца ў стартавым складзе, але пазней зноў апынуўся на лаўцы запасных.

У лютым 2014 года падпісаў кантракт са «Слуцкам»^[5]. У складзе слуцкага клуба спачатку быў асноўным нападнікам, але потым перамясціўся на пазіцыю атакуючага паўабаронцы. У студзені 2015 года падоўжыў пагадненне са «Слуцкам»^[6]. У сезоне 2015 стаў радзей з’яўляцца ў складзе, і ў студзені 2016 года кантракт са «Слуцкам» па ўзаемнай згодзе быў разарваны^[7].

У лютым 2016 года пасля прагляду падпісаў кантракт з мікашэвіцкім «Гранітам»^[8]. У ліпені 2016 года з-за фінансавых праблем пакінуў Мікашэвічы, а ў жніўні падпісаў кантракт з малдаўскім клубам «Мілсамі»^[9].

У жніўні 2017 года вярнуўся ў Беларусь, стаўшы іграком мазырскай «Славіі»^[10]. Замацавацца ў асноўным складзе, аднак, не здолеў, згуляўшы ўсяго ў пяці матчах, гуляў таксама за дубль. Па выніках сезона 2017 «Славія» страціла месца ў Вышэйшай лізе, і неўзабаве Зянько пакінуў мазырскі клуб^[11].

У лютым 2018 года трэніраваўся з мінскім «Тарпеда», а пазней далучыўся да таджыкскага клуба «Істыклол». У першым жа афіцыйным матчы за «Істыклол» выйграў Суперкубак Таджыкістана (2 сакавіка 2018 года, 3:2 супраць «Худжанда»), забіў гол і быў прызнаны найлепшым іграком сустрэчы^[12].

У ліпені 2018 года стаў іграком «Гарадзеі»^[13], дзе пераважна зрэдку выхадзіў на замену. Па заканчэнні сезона 2018 пакінуў клуб.

У пачатку 2019 года праходзіў прагляд у бабруйскай «Белшыне», але ў выніку ў сакавіку 2019 года стаў іграком «Ліды»^[14]. Быў асноўным нападнікам лідчан, з 10 галамі стаў найлепшым бамбардзірам каманды ў сезоне.

У студзені 2020 года пачаў трэніравацца з мінскімі «Крумкачамі» і ў лютым падпісаў кантракт з клубам^[15]. У складзе камандзе звычайна выхадзіў на замену. У ліпені 2020 года пакінуў «Крумкачы»^[16] і перайшоў у «Смаргонь»^[17], дзе замацаваўся ў стартавым складзе, з 6 галамі стаў найлепшым бамбардзірам каманды.

У пачатку 2021 года далучыўся да «Оршы», дзе быў асноўным нападнікам, з 9 галамі стаў адным з найлепшых бамбардзіраў каманды ў сезоне. У пачатку 2022 года трэніраваўся з «Маладзечна», а пазней далучыўся да «Ліды» і ў сакавіку афіцыйна папоўніў склад клуба^[18]. У ліпені 2022 года вярнуўся ў «Оршу»^[19]. Пакінуў клуб па заканчэнні сезона 2022.

У ліпені 2023 года далучыўся да мінскага «Трактара»^[20].

Міжнародная кар’ера правіць

Выступаў за моладзевую зборную Беларусі, згуляў адзін матч у алімпійскай зборнай.

Дасягненні правіць

03 Бронзавы прызёр чэмпіянату Беларусі (2): 2010
Пераможца Першай лігі чэмпіянату Беларусі (3): 2008, 2009, 2012
03 Бронзавы прызёр чэмпіянату Малдовы: 2017
Уладальнік Суперкубка Таджыкістана: 2018

Статыстыка выступленняў правіць

Сезон	Дывізіён	Клуб	Матчы	Галы
2006	Д3	Змена	23	0
2007	Д1	Мінск	2	0
2008	Д2	Мінск	15	0
2009 (1)	Д2	Ведрыч-97	13	7
2009 (2)	Д2	Белшына	9	1
2010	Д1	Мінск	5	0
2011	Д1	Мінск	23	1
2012	Д2	Дняпро	26	11
2013	Д1	Дняпро	12	1
2014	Д1	Слуцк	31	5
2015	Д1	Слуцк	18	0
2016 (1)	Д1	Граніт	11	0
2016/17	Д1	Мілсамі	20	4
2017 (2)	Д1	Славія	5	0
2018 (1)	Д1	Істыклол	8	2
2018 (2)	Д1	Гарадзея	5	0
2019	Д2	Ліда	27	10
2020 (1)	Д2	Крумкачы	9	1
2020 (2)	Д2	Смаргонь	14	6
2021	Д2	Орша	32	9
2022 (1)	Д2	Ліда	7	0
2022 (2)	Д2	Орша	12	2

Грамадзянская пазіцыя правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[21].

Крыніцы правіць

[club-3] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 ліпеня 2023.

[national-4] Колькасць гульняў і галоў за нацыянальную зборную ў афіцыйных матчах

[_0414bc0bc5e29df6-1] Nikolai Zenko // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[_e31e81507ee44892-2] ttp://krumkachy.com/news/zhizn-komandy/1735-anketa-krumkacha-mikalaj-zyanko

[_da11849981ea9230-5] ttps://www.pressball.by/footballstat/nikolai_zenko/

[6] Николай Зенько подписал контракт с "Днепром", Яков Залевский покинул могилевскую команду

[7] Николай Зенько перешел в "Слуцк"

[8] Лошанков, Григоров, Зенько и и еще четыре футболиста продлили контракты со "Слуцком"

[9] "Слуцк" расстался с Зенько и Гаврюшко

[10] Лисица, Зенько, Турлин и Кибук пополнили ряды "Гранита"

[11] Offside.by: Зенько перешел в молдавский «Милсами»

[12] Николай Зенько подписал контракт со "Славией"

[13] Братья Ндой, Джавашвили и еще четыре игрока покинули "Славию"

[14] Николай Зенько - лучший игрок матча за Суперкубок Таджикистана-2018

[15] Ряды "Городеи" пополнили серб и два белоруса

[16] Николай Зенько подписал контракт с "Лидой"

[17] Николай Зенько укрепил ряды НФК(недаступная спасылка)

[18] Николай Зенько ушел из "Крумкачей"

[19] Николай Зенько перешел в "Сморгонь"

[20] Белый, Копач, Рогач и Зенько стали игроками "Лиды"

[21] Николай Зенько сменил "Лиду" на "Оршу"

[22] "Трактор" подписал двух бывших игроков молодежной сборной Беларуси (руск.). football.by (27 ліпеня 2023). Праверана 27 ліпеня 2023.

[23] 93 беларускія футбалісты выступілі з асуджэннем гвалту ВІДЭА

[1]

[2]

[3]

[* 1]

[* 2]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]