Глябовічы

Глябо́вічы — шляхецкі род герба «Ляліва». Адзін з найбагацейшых і найбольш уплывовых родаў Вялікага Княства Літоўскага, з якога выйшлі многія выдатныя дзяржаўныя дзеячы. Згас 18 красавіка 1669 года са смерцю апошняга мужчынскага прадстаўніка роду — Юрыя Мікалаевіча.

Герб Глябовічаў «Ляліва»

Лічыцца, што род паходзіць ад ваяводы смаленскага і дарагабужскага Глеба Вяжэвіча, які жыў у XV стагоддзі. Некаторыя даследчыкі выводзяць паходжанне роду ад Гедзіміна або ад маршалка літоўскага Манівіда. Верагодна, што Глеб паходзіў з баяраў Смаленскай ці Полацкай зямель^[1].

Глябовічы валодалі землямі ў Мазырскім, Ігуменскім, Аршанскім і Новагародскім паветах, а таксама на Смаленшчыне, у Віцебшчыне і ў Польшчы. Глябовічам належалі гарады Дуброўна і Заслаўе, яны валодалі замкамі ў Вільні і Менску^[1].

Пасля смерці Глеба Вяжэвіча ў яго засталіся ўдава Ганна Мілохна Рачкоўна, верагодна, што менавіта дзецьмі Глеба Вяжэвіча былі Юрый, Станіслаў і Пётр, якія займалі ў Вялікім Княстве Літоўскам высокія пасады^[2].

ПрадстаўнікіПравіць

Юрый Глябовіч (? — паміж 1520 і 1524) — намеснік смаленскі ў 1492—1499, аршанскі і абалецкі ў 1500—1501, віцебскі ў 1503—1508 і смаленскі ў 1508—1514 гадах. Староста мерацкі з 1514 і ваўкавыскі з 1520^[1] (1518?^[2]) года.

Мікалай Юр'евіч (? — 1514) — староста дарагічынскі і слонімскі.
Ян Юр'евіч (каля 1480^[2] — 23 красавіка 1549) — маршалак гаспадарскі ў 1516—1542, дзяржаўца мсціслаўскі з 1527 і радунскі, ваявода віцебскі з 1528, полацкі з 1532, віленскі з 1542, канцлер вялікі літоўскі з 1546 года^[1]. Быў даверанай асобай каралевы Боны^[2].

Ян Янавіч (1544 — ліпень 1590) — дзяржаўца анікштанскі ў 1571—1585, кашталян менскі ў 1571—1585, староста анікштанскі (1575—1590), староста радашковіцкі (1576—1590), падскарбі земскі літоўскі і піпісар у 1580—1586, дзяржаўца ўпіцкі з 1584, кашталян троцкі з 1585, ваявода троцкі з 1586 года.^[1].
Мікалай Янавіч (? — 18 лістапада 1632) — падстолі вялікі літоўскі з 1605, ваявода смаленскі з 1611, кашталян віленскі з 1621 года^[1].

Юрый Мікалаевіч (? — 18 красавіка 1669) — староста анікштанскі і радашковіцкі з 1633, падстолі вялікі літоўскі з 1639, стольнік вялікі літоўскі з 1643, ваявода смаленскі з 1643, староста жамойцкі з 1653, ваявода віленскі з 1668 года. Апошні мужчынскі прадстаўнік роду^[1].

Станіслаў Глябовіч (? — пасля 1513) — намеснік мерацкі ў 1492—1495, маршалак гаспадарскі ў 1492—1511, намеснік віцебскі ў 1495—1501, браслаўскі з 1501, полацкі з 1502, ваявода полацкі з 1502. Вядомы дыпламат. Удзельнічаў у пасольствах да вялікага князя маскоўскаму ў 1492, 1499, 1503, 1504 і 1511 гадах^[1].
Пётр Глябовіч (? — пасля 1522) — намеснік наваградскі ў 1502 і крэўскі у 1511—1522 гадах^[1].

Зноскі

↑ ^а ^б ^в ^г ^д ^е ^ё ^ж ^з Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.
↑ ^а ^б ^в ^г Храмянкова Л. Глябовічы Архівавана 8 студзеня 2013. // Філаматы. Бюлетэнь Рэспубліканскага грамадскага аб’яднання «Таварыства аматараў ведаў (філаматаў)». — № 2 (5). — 2003.

СпасылкіПравіць

На Вікісховішчы пакуль няма медыяфайлаў па тэме, але Вы можаце загрузіць іх

[ВКЛЭ-1] а ^б ^в ^г ^д ^е ^ё ^ж ^з Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.

[Глябовічы-2] а ^б ^в ^г Храмянкова Л. Глябовічы Архівавана 8 студзеня 2013. // Філаматы. Бюлетэнь Рэспубліканскага грамадскага аб’яднання «Таварыства аматараў ведаў (філаматаў)». — № 2 (5). — 2003.

[1]

[2]