Аляксандр Генрыхавіч Турчын

Аляксандр Генрыхавіч Турчын (нар. 2 ліпеня 1975, Навагрудак) — беларускі палітычны дзеяч, старшыня Мінскага аблвыканкама (з 2019 года).

Аляксандр Турчын
Старшыня Мінскага аблвыканкама
з 29 лістапада 2019
Прэзідэнт Аляксандр Рыгоравіч Лукашэнка
Кіраўнік урада Сяргей Мікалаевіч Румас
Папярэднік Анатоль Міхайлавіч Ісачэнка
Першы намеснік Прэм’ер-міністра Рэспублікі Беларусь
18 жніўня 2018 — 29 лістапада 2019
Прэзідэнт Аляксандр Рыгоравіч Лукашэнка
Кіраўнік урада Сяргей Мікалаевіч Румас
Папярэднік Васіль Станіслававіч Мацюшэўскі
Пераемнік Дзмітрый Мікалаевіч Крутой
Нараджэнне 2 ліпеня 1975(1975-07-02) (48 гадоў)
Бацька Генрых Станіслававіч Турчын
Партыя беспартыйны
Адукацыя
Дзейнасць дзяржаўны служачы, палітык
Лагатып Вікісховішча Медыяфайлы на Вікісховішчы

Біяграфія правіць

Нарадзіўся 2 ліпеня 1975 года ў Навагрудку. У 2002 годзе скончыў Беларускі дзяржаўны эканамічны універсітэт, у 2009 годзе — Акадэмію кіравання пры Прэзідэнце Рэспублікі Беларусь.

Працоўны шлях пачаў у 1997 годзе як загадчык крамы калгаса «Авангард» Навагрудскага раёна[1]. Пасля працаваў дзяржаўным падатковым інспектарам інспекцыі дзяржаўнага падатковага камітэта па Навагрудскаму раёну, галоўным кантралёрам-рэвізорам кантрольна-рэвізійнага ўпраўлення Міністэрства фінансаў Рэспублікі Беларусь па Навагрудскаму раёну і Гродзенскай вобласці.

У 2004—2010 гадах працаваў спачатку начальнікам фінансавага аддзела, а затым намеснікам старшыні Карэліцкага райвыканкама Гродзенскай вобласці. У 2010 годзе прызначаны старшынёй камітэта па эканоміцы Мінскага аблвыканкама.

16 лістапада 2012 года прызначаны намеснікам старшыні Мінскага аблвыканкама[2].

25 чэрвеня 2015 года прызначаны памочнікам Прэзідэнта Рэспублікі Беларусь — галоўным інспектарам па Гомельскай вобласці[3].

16 верасня 2016 года прызначаны кіраўніком Апарату Савета Міністраў Рэспублікі Беларусь.

10 кастрычніка 2017 года прызначаны старшынёй Савета па развіцці прадпрымальніцтва, кансультатыўнага органа пры Прэзідэнце Рэспублікі Беларусь[4].

З 1 лютага 2018 года — упаўнаважаны Прэзідэнта Рэспублікі Беларусь па Гомельскай вобласці[5].

18 жніўня 2018 года прызначаны на пасаду Першага намесніка Прэм’ер-міністра Рэспублікі Беларусь[6].

21 лістапада 2018 года Указам № 456 прызначаны выконваючым абавязкаў кіраўніка Апарату Савета Міністраў Рэспублікі Беларусь[7].

29 лістапада 2019 года прызначаны старшынёй Мінскага аблвыканкама.

Міжнародныя санкцыі правіць

17 снежня 2020 года быў унесены ў Чорны спіс Еўрасаюза[8]. 26 студзеня 2021 года да санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя[9]. Вялікабрытанія ўнесла Турчына ў свой санкцыйны спіс 18 лютага 2021 года[10], Швейцарыя – 22 сакавіка 2021 года[11], Канада – 21 чэрвеня 2021 года[12].

Зноскі

  1. Чатыры новыя віцэ-прэм’еры: хто яны?
  2. А.Лукашэнка разгледзеў кадравыя пытанні
  3. Лукашэнка назначыў памочнікаў Прэзідэнта — галоўных інспектараў па Гомельскай і Гродзенскай абласцях
  4. Состав и полномочия Совета по развитию предпринимательства обновлены
  5. Андрэйчанка і Турчын назначаны ўпаўнаважанымі прадстаўнікамі кіраўніка дзяржавы ў Віцебскай і Гомельскай абласцях
  6. Прэзідэнт змяніў кіраўніцтва ўрада
  7. Выкананне абавязкаў кіраўніка Апарату Савета Міністраў ускладзена на Аляксандра Турчына (бел.). Прэс-служба Прэзідэнта Рэспублікі Беларусь. Праверана 24.11.2018.
  8. Два бізнэсоўцы і кампаніі ВПК: хто трапіў пад чарговыя санкцыі і што гэта за кампаніі. Беларуская служба Радыё «Свабода» (17 снежня 2020). Праверана 9 верасня 2021.
  9. Declaration by the High Representative on behalf of the European Union on the alignment of certain countries concerning restrictive measures against Belarus (англ.). Савет Еўрапейскага саюза (26 студзеня 2021). Праверана 9 верасня 2021.
  10. Виталий Петрович. Госдепартамент США ввел санкции против 43 граждан Беларуси, в британском списке — 27 новых фамилий (руск.). Onliner.by (19 лютага 2021). Праверана 9 верасня 2021.
  11. Searching for subjects of sanctions
  12. Backgrounder – sanctions related to Belarus (англ.). Урад Канады (21 чэрвеня 2021). Праверана 9 верасня 2021.