Ленінградская вуліца (Мінск)
Ленінградская вуліца — вуліца ў цэнтральнай частцы Мінска. Размешчана паблізу ад чыгуначнага вакзала. Названая ў гонар горада Леніграда.
| Ленінградская вуліца Мінск | |
|---|---|
 | |
| Агульная інфармацыя | |
| Краіна | Беларусь |
| Горад | Мінск |
| Раён |
Кастрычніцкі Маскоўскі |
| Працягласць | 400 метраў[1] |
| Найбліжэйшыя станцыі метро |
 Плошча Леніна, Вакзальная |
| Назва ў гонар | горада Ленінграда |
| Навучальныя ўстановы | Беларускі дзяржаўны ўніверсітэт |
| Паркі | Міхайлаўскі сквер |
 Медыяфайлы на Вікісховішчы | |
.jpg)
На вуліцы размешчаныя жылыя дамы, навучальныя корпусы БДУ, офісы, прадстаўніцтвы фірмаў, невялічкія крамы, праходзяць тралейбусныя лініі № 3, 5, 16, 20, 30.
Размяшчэнне правіць
Пачынаецца ад перасячэння вуліц Карла Маркса (з’яўляецца яе працягам) і Свярдлова, ідзе паралельна праспекту Незалежнасці і злучаецца з вуліцай Бабруйскай. Працягласць — 400 метраў.
Гісторыя правіць
З’явілася ў XIX стагоддзі, звязвала вакзал Лібава-Роменскай чыгункі і цэнтр горада. Да 1877 года называлася Лібава-Роменская, у 1877—1914 гадах — Пецярбургская, у 1914—1924 гадах — Петраградская[2].
На месцы сённяшняга гарадка БДУ знаходзілася дэпо конкі, Цэнтральная лінія якой праходзіла па вуліцы. Фактычна вуліца мела значэнне другаснага праезда да дэпо конкі. У доме Машчынскага (цяпер Ленінградская 6) знаходзілася губернская жандарская ўправа. У 1917 годзе Мінскі Савет працоўных і салдацкіх дэпутатаў, Паўночна-заходні абласны выканаўчы камітэт РСДРП(б), рэдакцыя газеты «Звязда». Тут працавалі Вільгельм Кнорын, Карл Ландэр, Міхаіл Фрунзэ, Аляксандр Мяснікоў. Пазней тут размясціўся 4-ы корпус медінстытута.
У 1928 годзе, калі быў знесены Маскоўскі вакзал, вуліца стала адным з важных пад’язных шляхоў да Прывакзальнай плошчы. Падчас Вялікай Айчыннай вайны вуліца моцна пацярпела, але пасля вайны адноўлена.
Забудова правіць
- № 1 — будынак (1948-1956-я) —
Гісторыка-культурная каштоўнасць Беларусі, шыфр 713Г000345 - № 3 — будынак (1930-я) — Гісторыка-культурная каштоўнасць Беларусі, шыфр 713Г000105
- № 4 — будынак (канец ХІХ стагоддзя) — Гісторыка-культурная каштоўнасць Беларусі, шыфр 713Г000106
- № 5 — чатырохпавярховы жылы дом (арх. А. Воінаў, 1937 г.)[3]. — Гісторыка-культурная каштоўнасць Беларусі, шыфр 713Г000107
- № 6 — будынак (канец ХІХ стагоддзя) — Гісторыка-культурная каштоўнасць Беларусі, шыфр 713Г000108
- № 7 (вул. Кірава, 1, вул. Бабруйская, 13) — будынак (1947—1952) — Гісторыка-культурная каштоўнасць Беларусі, шыфр 712Г000066
_p04_%E2%80%94_BSU_law_school.jpg)
- № 8 — корпус юрыдычнага факультэта БДУ (архітэктар М. Бакланаў, інжынер Н. Мароз). Пабудаваны як навучальны корпус Мінскага медыцынскага інстытута[4].
- № 14 — корпус хімічнага факультэта БДУ.
- № 16 — будынак геаграфічнага факультэта БДУ (арх. І. Запарожац, 1928—1931) — Гісторыка-культурная каштоўнасць Беларусі, шыфр 713Г000109
Мемарыяльныя дошкі правіць
На доме № 14 правіць
- Мемарыяльная дошка хіміку-арганіку, акадэміку АН БССР Мікалаю Аляксандравічу Прыляжаеву на корпусе хімічнага факультэта БДУ. Устаноўлена ў 1980 годзе (скульптар Э. Астаф’еў)[5][6].
- Мемарыяльная дошка члену-карэспандэнту АН БССР Рыгору Лазаравічу Старобінцу[6]
- Мемарыяльна дошка акадэміку Вадзіму Васілевічу Свірыдаву[6].
- Мемарыяльная дошка акадэміку Фёдару Мікалаевічу Капуцкаму[6].
Зноскі
- ↑ Вуліца Ленінградская — Google Карты
- ↑ Менск — гісторыя па фотаздымках
- ↑ Шамрук, А. С. Архитектура Беларуси ХХ — начала ХХІ в.: эволюция стилей и художественных концепций. — Минск: Белорусская наука, 2007. — 335 с.: илл. ISBN 978-985-08-0868-4
- ↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
- ↑ Мемарыяльная дошка Прыляжаеву Мікалаю Аляксандравічу. // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
- ↑ а б в г https://mosk.minsk.gov.by/be/sotsialnaya-sfera-rajona/kultura/memorialnye-obekty-rajona/11287-20220303-memorialnye-doski-znaki-pamyatniki Мемориальные доски (знаки), памятники, памятные места на территории Московского района г. Минска] {ref-ru}
Спасылкі правіць
На Вікісховішчы ёсць медыяфайлы па тэме Ленінградская вуліца (Мінск)- Вуліца Ленінградская Архівавана 26 верасня 2016. на сайце Мінск стары і новы (руск.)
