Таўсталобік белы

	Таўсталобік белы
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Клада:	Рыбы
Надклас:	Касцявыя рыбы
Клас:	Прамянёвапёрыя рыбы
Падклас:	Навапёрыя рыбы
Інфраклас:	Касцістыя рыбы
Надатрад:	Ostariophysi
Серыя:	Otophysi
Атрад:	Карпападобныя
Надсямейства:	Карпападобныя
Сямейства:	Карпавыя
Падсямейства:	Hypophthalmichthyinae
Род:	Таўсталобікі
Від:	Таўсталобік белы
Міжнародная навуковая назва
	Hypophthalmichthys molitrix Valenciennes, 1844
Ахоўны статус
	Блізкія да ўразлівага становішча; IUCN 3.1 Near Threatened : / 166081
ITIS	163691
NCBI	13095
EOL	220327

Таўсталобік белы, таўсталобік звычайны (Hypophthalmichthys molitrix) — буйная хуткарослая рыба сямейства карпавых.

АпісаннеПравіць

Даўжыня цела дасягае 1 м, маса 20—25 кг. Цела з бакоў серабрыстае, спіна шаравата-зялёная, ўдоўж усяго бруха ідзе кіль. Анатамічная будова добра прыстасавана да збірання і засваення фітапланктону: жаберныя тычынкі зрошчаны паміж сабой і ўтвараюць своеасаблівую сетку, глотачныя зубы аднародныя, моцна сплюшчаныя для спрасоўвання планктонных водарасцей, кішэчнік доўгі. Полавая спеласць у межах прыроднага арэала — на 3—5-м годзе жыцця, размнажэнне вясной і ў пачатку лета.

ПашырэннеПравіць

Пашыраны ў вадаёмах Кітая і басейна Амура. Важны аб'ект промыслу і рыбагадоўлі. Выкарыстоўваецца для акліматызацыі па-за межамі прыроднага арэала як хуткарослая каштоўная рыба з мясам высокіх смакавых і дыетычных вартасцей, а таксама як від, прыдатны для прадухілення празмернага развіцця ў сажалках планктонных водарасцей («цвіценне» вады). На Беларусь упершыню завезоны ў 1965 для інтрадукцыі ў рыбгасах.

ЛітаратураПравіць

Энцыклапедыя прыроды Беларусі. У 5 т. Т. 5. — Мн.: БелСЭ, 1986.